विलाप 1:7 - नेवाः बाइबल

⁷ थःत दुःख जुयाच्‍वंबलय् व थःत आपत जुयाच्‍वंबलय् यरूशलेमं थःगु न्‍हापांगु गौरव लुमंकल। वया मनूत शत्रुतय्‌गु ल्‍हातय् लाःबलय् वयात ग्‍वाहालि याइपिं सुं हे मन्‍त, वया शत्रुतय्‌सं यरूशलेमयागु हासनास खन, अले इपिं व खनाः न्‍हिल।

विलाप 1:7 ပူးပေါင်းရင်းမြစ်များ

अय्‍यूब 29:2

“जिगु अवस्‍था न्‍हापा परमेश्‍वरं जितः स्‍वयादीगु इलय् थें जूगु जूसा गुलि ज्‍यूगु।

भजनसंग्रहया सफू 42:4

न्‍हापाया खँ लुमंकीबलय् जिगु नुगः तज्‍यानावइ। उबलय् जि मनूतय्‌गु पुचःलिसे जुइगु खः। मनूतय् न्‍ह्यलुवाः जुयाः प्रशंसाया म्‍ये हा हां, लय्‌तातां परमेश्‍वरया देगलय् वनेगु।

भजनसंग्रहया सफू 77:3

परमेश्‍वरयागु बिचाः यायेबलय् जिं झसुकाः तये। ध्‍यान यायेबलय् नं जिगु नुगः क्‍वतुनावनी। सेला

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

यशैया 64:10

छिगु पवित्र शहरत मरुभूमि जूगु दु, सियोननापं मरुभूमि जूगु दु अले यरूशलेम नाश जूगु दु।

यशैया 64:11

जिमि पुर्खातय्‌सं छितः आराधना याइगु पवित्र व झःझः धाःगु देगः मिं नये धुंकूगु दु। झीसं तसकं मू वंगु ताय्‌कागु सम्‍पत्ति नाश जुइ धंकूगु दु।

यर्मिया 37:7

“परमप्रभु, इस्राएलयाम्‍ह परमेश्‍वरं थथे धयादी – छन्‍त जिथाय् न्‍यनेत छ्वयाहःम्‍ह यहूदाया जुजुयात थथे धा, ‘छन्‍त ग्‍वाहालि यायेत वःगु फारोया सेना हाकनं मिश्रय् हे लिहांवनी।

यर्मिया 48:27

छं इस्राएलयापिं मनूतय्‌त हेस्‍यानागु मखु ला? वा वयात खुँतय्‌गु दथुइ ज्‍वंगु खः ला? छाय्‌धाःसा छं वयागु बारे न्‍ववाक्‍व पतिकं छं वयात हेस्‍यानाः थःगु छ्यं संकीगु।

विलाप 4:17

ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

इजकिएल 25:3

इमित धा, ‘अय् अम्‍मोनीत, परमप्रभु परमेश्‍वरयागु वचन न्‍यँ। परमप्रभु परमेश्‍वरं थथे धयादी – जिगु पवित्र थाय्‌यात अपवित्र याःबलय्, इस्राएल देशयात तहसनहस याःबलय् अले यहूदायापिं मनूतय्‌त ज्‍वनायंकूबलय् छिमिसं “आहा, आहा!” धाल।

इजकिएल 25:6

परमप्रभु परमेश्‍वरं थथे धयादी – छिमिसं इस्राएल देशया विरोधय् ल्‍हाःपा थाःगु व प्‍याखं हुगु दु, छिमिगु नुगलय् दुगु ईखया कारणं छिपिं लय्‌ताःगु दु।

होशे 2:7

व थः प्रेमीपिनिगु ल्‍यूल्‍यू वनी तर वं नापलाके फइ मखु। वं इमित माली तर लुइकी मखु। अले वं थथे धाइ, ‘जि न्‍हापायाम्‍ह भाःतयाथाय् हे लिहां वने, छाय्‌धाःसा जिगु न्‍हापायागु अवस्‍था आःयागु अवस्‍था स्‍वयाः बांलाः।’

मीका 4:11

आः यक्‍व हे जातित छंगु विरोधय् मुनाः छंगु बारे धाइ, “सियोन स्‍यना हे च्‍वनेमा अले जिमिसं व खनेमा।”

लूका 15:17

“छन्‍हु वयात होश वल, वं थथे बिचाः यात – ‘जिमि बाःयाथाय् ज्‍या याइपिं मनूतय्‌सं प्‍वाः जाय्‌क नयाः नं थयेत दु, जि धाःसा थन नये हे मखनाः सिनावनिन।

लूका 16:25

“अब्राहामं वयात धाल – ‘काय्, म्‍वाना च्‍वंतले छं भिंगु भिंगु व बाबांलाःगु काये खन, लाजरसयाके धाःसा अबलय् छुं हे मदु, वं यक्‍व दुःखसिया वल। आः लाजरसयात सुख जुल, अले छं सास्‍ती नया च्‍वनेमाली।