विलाप 1:22 - नेवाः बाइबल

²² “इमिगु दक्‍व दुष्‍ट ज्‍या छिगु न्‍ह्यःने वयेमा। जिगु पापया कारणं जितः सजाँय बियादी थें इमित नं सजाँय बियादिसँ। जिं यक्‍व हे झसुकाः तयाच्‍वना, अले जिगु मन कमजोर जूगु दु।”

विलाप 1:22 ပူးပေါင်းရင်းမြစ်များ

भजनसंग्रहया सफू 143:7

हे परमप्रभु, याकनं लिसः बियादिसँ, जिगु नुगः हे क्‍वतुने धुंकल। थःगु ख्‍वाः जिपाखें फस्‍वय्‌कादी मते, मखुसा जि सीपिं थें जुइ।

भजनसंग्रहया सफू 79:10

जाति जातियापिन्‍सं जिमिके “छिमि परमेश्‍वर गन दु” धकाः छाय् न्‍यनाच्‍वन? छिं जिमिगु मिखा न्‍ह्यःने छिकपिनि दासतय्‌गु हिबाः वय्‌कूगुया ब्‍वला साइतिनि धकाः जात जातियापिन्‍त क्‍यनादिसँ।

यशैया 13:7

अथे जुयाः फुक्‍क ल्‍हाःत बमलाना वनी, फुक्‍क मनूतय्‌गु नुगः भारा-भारा मिनाः तसकं ग्‍याइ।

यर्मिया 10:25

छितः स्‍वीकार मयाःपिं जाति जातितय्‌के व छिगु नां मकाइपिं मनूतय्‌के थःगु तं प्‍वंकादिसँ! छाय्‌धाःसा इमिसं याकूबयात क्‍वाप्‍प नःगु दु। इमिसं वयात क्‍वाप्‍प नःगु दु अले वयागु देशयात नाश यानाब्‍यूगु दु।

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

यर्मिया 30:16

“‘छन्‍त नःपिं सकसितं नइ। छिमि फुक्‍क शत्रुतय्‌त देशं पितिनाछ्वइ। छंगु धन-सम्‍पत्ति लाकाकाइपिनिगु धन-सम्‍पत्ति लाका काइ। छन्‍त स्‍यंकीपिन्‍त जिं स्‍यंके।’

यर्मिया 51:35

जितः व जिगु म्‍हयात गुलि क्‍वत्‍यल बेबिलोनय् च्‍वंपिन्‍त नं अथे हे क्‍वत्‍यलेमा।” “जिथाय् हि बाः वय्‌कूगुया दोष बेबिलोनय् च्‍वंपिन्‍त लायेमा।” यरूशलेमं धाइ।

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

विलाप 1:13

“वय्‌कलं स्‍वर्गं जिगु क्‍वँय् दुने मि कुर्का दिल, व मि जिगु दुने छ्वल। वय्‌कलं जिगु तुतिया लागि जाः तयादिल, अले जितः लितछ्वयादिल। वय्‌कलं जितः सुनसान यानाः त्‍वःतादिल अले न्‍हिच्‍छि हे बम्‍लाकादिल।

विलाप 5:17

थथे जुयाः जिमिगु नुगः बमलाये धुंकल, जिमिगु मिखा बुलुइ धुंकल।

लूका 23:31

“प्‍याःगु सिमायात ला मनूतय्‌सं छ्वय्‌कल धाःसा गंगु सिमायागु झन छु जक गति जुइ?”

एफिसी 3:13

अय्‌जूगुलिं जिं थथे दुःखकष्‍ट सियाच्‍वनागु खनाः छिमिसं आशा त्‍वःते मते धकाः जिं इनाप यानाच्‍वना। थुकिं छिमित हे भिं जुइ।

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”