विलाप 1:19 - नेवाः बाइबल

¹⁹ “जिं थः प्रेमीतय्‌त सःता, तर इमिसं जितः धोखा बिल। थःत म्‍वाकातयेत नयेगु नसा माःजूबलय् शहरय् जिम्‍ह पुजाहारीत व न्‍ह्यलुवाः नाश जुल।

विलाप 1:19 ပူးပေါင်းရင်းမြစ်များ

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 4:30

हे नाश जूम्‍ह यरूशलेम! छं छु यानाच्‍वनागु? छाय् छं बांलाःगु वसः फिनागु? छाय् छं लुँयागु तिसा तियागु? छाय् थःगु मिखाय् अजः तयागु? सुयागु निंतिं मफतय् छं थःत बांलाकागु? छं प्रेमीपिन्‍सं छन्‍त त्‍वःतूगु दु, इमिसं छन्‍त स्‍यायेत स्‍वःगु दु।

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

विलाप 1:11

वया दक्‍व मनूत झसुकाः ततं अन्‍न मालाच्‍वंगु दु। थःगु ज्‍यान बचय् यायेत इमिसं नयेगु नसालिसें थःगु मू वंगु ज्‍वलं हिली। “हे परमप्रभु, स्‍वयादिसँ अले बिचाः यानादिसँ, छाय्‌धाःसा जि क्‍वह्यंम्‍ह जूगु दु।”

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

विलाप 4:17

ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

विलाप 5:12

शासकतय्‌त थथःगु ल्‍हातं यख्‍खाःगु दु, थकालिपिन्‍त भचा नं हनाबना याःगु मदु।