विलाप 1:10 - नेवाः बाइबल

¹⁰ वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

विलाप 1:10 ပူးပေါင်းရင်းမြစ်များ

२ इतिहास 36:18

बेबिलोनयाम्‍ह जुजुं देगःया चिग्‍वःगु व तग्‍वःगु फुक्‍क थलबल, परमप्रभुया देगःया धन-सम्‍पत्ति, जुजु व भारदारतय्‌गु धन-सम्‍पत्ति फुक्‍कं लुतय् यानाः बेबिलोनय् यंकल।

नहेम्‍याह 13:1

उखुन्‍हु हे मनूतय्‌त मोशाया सफू ब्‍वना न्‍यंकल। उकी सुं नं अम्‍मोनी वा मोआबी परमेश्‍वरयागु सभाय् गुबलें दुहां वने दइ मखु धकाः च्‍वयातःगु लुइकल।

यशैया 63:18

छिकपिनि प्रजां छुं ईया निंतिं जक छिगु पवित्र थासय् अधिकार याये खन। आः जिमि शत्रुतय्‌सं छिगु पवित्र थाय्‌यात न्‍हुत्तुन्‍हुगु दु।

यर्मिया 15:13

“छिमिगु देशन्‍यंक जूगु छिमिगु फुक्‍क पापं यानाः छिमिगु धनसम्‍पत्ति व छिमिगु धुकूया सामान जिं लुतय् यानाहःगु सामान थें सितिकं इनाबी।

यर्मिया 20:5

जिं थ्‍व शहरया फुक्‍क धन-सम्‍पत्ति, थन सःगु फुक्‍क, फुक्‍क मू वंगु सामान व यहूदाया जुजुपिनिगु फुक्‍क धन-सम्‍पत्ति इमि शत्रुतय्‌गु ल्‍हातय् बी। इमिसं व फुक्‍क बेबिलोनय् यंकी।

यर्मिया 27:19

देगःया थां, कँय्‌यागु तग्‍वःगु त्‍यांकि, लिधंसात व शहरय् त्‍वःता वंगु मेमेगु सामानया बारे दक्‍व शक्ति दुम्‍ह परमप्रभुं थथे धयादी,

यर्मिया 27:21

परमप्रभुया देगलय्, यहूदाया जुजुया दरबारय् व यरूशलेमय् ल्‍यनाच्‍वंगु उपिं थलबलया बारे दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी,

यर्मिया 50:28

परमप्रभु झी परमेश्‍वरं वय्‌कःया देगःया निंतिं गय् यानाः बदला कयादिल धकाः सियोनय् घोषणा याइपिं बेबिलोन देशं बिस्‍युं वःपिं व शरण काःवपिनिगु खँ न्‍यँ!

यर्मिया 51:51

इस्राएलया मनूतय्‌सं धाइगु, “जिपिं मछालेमाःगु दु, छाय्‌धाःसा जिमित ब्‍वःब्‍यूगु दु। अले जिमिगु ख्‍वाः लज्‍यां ह्याउँसे च्‍वने धुंकल। छाय्‌धाःसा विदेशीत जिमि परमप्रभुया देगलय् दुहां वंगु दु।”

यर्मिया 52:13

वं परमप्रभुया देगः, जुजुया दरबार, व यरूशलेमया फुक्‍क छेँ मिं नकाबिल। वं ततःखाःगु फुक्‍क छेँ मिं नकाबिल।

विलाप 1:7

थःत दुःख जुयाच्‍वंबलय् व थःत आपत जुयाच्‍वंबलय् यरूशलेमं थःगु न्‍हापांगु गौरव लुमंकल। वया मनूत शत्रुतय्‌गु ल्‍हातय् लाःबलय् वयात ग्‍वाहालि याइपिं सुं हे मन्‍त, वया शत्रुतय्‌सं यरूशलेमयागु हासनास खन, अले इपिं व खनाः न्‍हिल।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

इजकिएल 7:22

जिं थःगु ख्‍वाः इमिगुपाखें फस्‍वय्‌के। इमिसं जिगु मू वंगु थाय्‌यात अशुद्ध याइ। दाखुँतय्‌सं अन दुहां वनाः उकियात अशुद्ध याइ।

इजकिएल 9:7

अले वय्‌कलं इमित धयादिल, “देगःयात अशुद्ध यानाब्‍यु, स्‍याःपिं मनूतय्‌गु सीम्‍हं चुकत जाय्‌काब्‍यु, हुँ!” उकिं इपिं वनाः शहरया प्‍यखेरं मनूत स्‍यात।

मर्कूस 13:14

थ्‍व खँ ब्‍वंम्‍हय्‌सिनं थुइमा – “नाश याइगु घच्‍चायापुगु खँ गन मदयेमाःगु खः अन दनाच्‍वंगु छिमिसं खनेवं यहूदियाय् च्‍वनाच्‍वंपिं पहाडय् बिस्‍युं वनेमा।

व्‍यवस्‍था 23:3

अम्‍मोनी वा मोआबी परमप्रभुया मुँज्‍याय् दुहां वने दइ मखु। झिगू पुस्‍ता तक इमि सुं नं सन्‍तान परमप्रभुया मुँज्‍याय् दुहां वने दइ मखु।

व्‍यवस्‍था 23:4

छिपिं मिश्रं वःबलय् इमिसं मरि व लः ज्‍वनाः लँय् छिमित नापलाः मवः। अले इमिसं अराम-नाहारैमया पतोरय् च्‍वनीम्‍ह बओरया काय् बालामयात छिमित सराः बीत धिबा बियाः सःतल।