विलाप 1:1 - नेवाः बाइबल

¹ न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

विलाप 1:1 ပူးပေါင်းရင်းမြစ်များ

१ राजा 4:21

यूफ्रेटिस खुसिंनिसें कयाः पलिश्‍तीतय्‌गु देश व मिश्रया सिमाना तकयागु फुक्‍क देशय् सोलोमनं शासन याइगु खः। अन च्‍वंपिं मनूतय्‌सं सोलोमनयात कर पुलिगु, वयागु जिवंकाछि हे इपिं वयागु अधीनय् च्‍वन।

२ राजा 23:33

वं यरूशलेमय् शासन मयायेमा धकाः फारो नेकोनं वयात सिखलं चिनाः हमात देशया रिब्‍लाय् कुनाबिल। वं यहूदायात स्‍विप्‍यसः (३,४००) किलोग्राम वहः व स्‍विप्‍यंगू किलोग्राम (३४) लुँ कर पुइकल।

२ राजा 23:35

फारो नेकों फ्‍वंगु लुँ व वहः पुलेत यहोयाकीमं देशयापिं मनूतय्‌के कर काल। देशयापिं मनूतय्‌के इमिगु हैसियत कथं वहः व लुँ वं फारोयात बीत कर काल।

२ इतिहास 9:26

वं यूफ्रेटिस खुसिंनिसें कयाः पलिश्‍तीतय्‌गु देश व मिश्र देशया सिमाना तकयापिं फुक्‍क जुजुतय् शासक खः।

एज्रा 4:20

बल्‍लाःपिं जुजुपिन्‍सं अन यूफ्रेटिस पच्‍छिमया प्रदेश न्‍यंक राज्‍य याःगु दु। अनयापिं मनूतय्‌के सरकारी कर काःगु दु।

नहेम्‍याह 5:4

अज्‍ज मेपिन्‍सं धाल, “जिमिसं बुँ व दाखक्‍यबया कर जुजुयात पुलेत धिबा त्‍यासाकाये माःगु दु।

नहेम्‍याह 9:37

जिमिसं पाप यानागुलिं जिमि च्‍वय् तयादीपिं जुजुपिन्‍थाय् जिमिगु बुँइ सःगु फुक्‍क अन्‍न यंकेमाः। इमिसं जिमित व जिमि सा द्वहंतय्‌त थःयत्‍थें याइगु। जिपिं तःधंगु दुःखय् लाःगु दु।

भजनसंग्रहया सफू 122:4

परमप्रभुया कुलत इस्राएलयात ब्‍यूगु व्‍यवस्‍थाकथं परमप्रभुया नांयागु प्रशंसा यायेत अन वनी।

यशैया 14:12

अय् सुथय्‌या नगु, लुजःया काय्, छ स्‍वर्गं कुतुं वःगु खः! फुक्‍क जाति जातितय्‌त नाश यानातःम्‍ह आः ला बँय् कुतुंवन!

यशैया 22:2

अय् हलचलं जाःगु शहर, लसताया सलं जाःगु शहर। छिमि सीपिं तरवारं स्‍याःगु मखु, व इपिं लडाइँलय् हे सीगु खः।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 49:21

अनंलि छं थःगु नुगलय् थथे धाइ, ‘सुनां जिगु निंतिं थुपिं मस्‍त बुइकल? जि मस्‍त मदय्‌क च्‍वनेमाल अले मेपिं बुइके मफुत। जितः मेगु देशय् ज्‍वनाः यंकल, जि याकःचा त्‍वःताब्‍यूगु खः, अय्‌नं थुपिं फुक्‍क मस्‍त गनं वल? सुनां थुमित ब्‍वलंकल?’”

यशैया 50:5

परमप्रभु परमेश्‍वरं जिगु न्‍हाय्‌पं चाय्‌कादीगु दु अथे जुयाः जि विद्रोही जुयागु मदु। अले जि वय्‌कःपाखें फहिला वनागु मदु।

यशैया 52:2

छंके दुगु धू थाथा या! हे यरूशलेम, दं अले सिंहासनय् फेतु, हे ज्‍वनायंकूपिं यरूशलेमयापिं मनूत, छंगु गःपतय् चिनातःगु त्‍वःतकाब्‍यु।

यशैया 52:7

डाँडात जुयाः सुसमाचार न्‍यंकःवनीपिनिगु तुति गुलि बांलाः, गुपिन्‍सं शान्‍तिया घोषणा याइ, गुपिन्‍सं भिंगु बुखँ हइ, अले उद्धारयात घोषणा याइ, गुपिन्‍सं सियोनयात थथे धाइ, “छिमि परमेश्‍वरं राज्‍य यानादी।”

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

यर्मिया 31:7

परमप्रभुं थथे धयादी, “लय्‌तातां याकूबया मनूतय्‌गु निंतिं म्‍ये हा! ततःधंगु जातिया निंतिं तःसलं हा! तःसलं प्रशंसा यानाः धा, ‘हे परमप्रभु, थः प्रजा, इस्राएलया ल्‍यनाच्‍वंपिन्‍त उद्धार यानादिसँ।’

यर्मिया 40:9

शापानया छय्, अहीकामया काय् गदल्‍याहं इपिं व इमि मनूतय्‌त साहस बीत पाफयाः थथे धाल, “बेबिलोनीतय्‌गु सेवा यायेत ग्‍याये मते। देशय् च्‍वनाः बेबिलोनयाम्‍ह जुजुया सेवा या! छिमिगु भिं जुइ।

यर्मिया 42:2

अले इमिसं वयात धाल, “जिमिगु बिन्‍ति न्‍यनादिसँ, जिपिं बचय् जूपिनिगु निंतिं परमप्रभु छिकपिनि परमेश्‍वरयात प्रार्थना यानादिसँ। छाय्‌धाःसा न्‍हापा यक्‍व दुपिं जिपिं आः कम हे जक ल्‍यनाच्‍वंगु छिं खँ हे खं।

यर्मिया 44:2

“दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – यरूशलेम व यहूदाया फुक्‍क शहरय् जिं हयागु फुक्‍क विपत्ति ला छिमिसं खंगु हे दु। थौं व झिजांमिजां दंगु सुनसान थाय् जूगु दु, अन सुं नं मच्‍वं।

यर्मिया 44:6

उकिं जिं थःगु तं यहूदाया शहर शहर व यरूशलेमया गल्‍लि गल्‍लिइ प्‍वंका। उपिं थौं तक नं झिजांमिजां दंगु व सुनसान थाय् जुयाच्‍वंगु दु।

यर्मिया 50:23

फुक्‍क पृथ्‍वीया मुगः बेबिलोन तज्‍याःगु व कुचा कुचा जूगु दु। जाति जातिया दथुइ बेबिलोन झिजांमिजां दंगु दु।

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

विलाप 1:19

“जिं थः प्रेमीतय्‌त सःता, तर इमिसं जितः धोखा बिल। थःत म्‍वाकातयेत नयेगु नसा माःजूबलय् शहरय् जिम्‍ह पुजाहारीत व न्‍ह्यलुवाः नाश जुल।

विलाप 2:1

परमप्रभुं थःगु तम्‍वय् म्‍ह्याय् सियोनयात गय् यानाः तसकं खिउँगुलिं त्‍वपुयादीगु दु। वय्‌कलं इस्राएलया गौरवयात आकाशं पृथ्‍वीइ वांछ्वयादिल। थःगु तंया दिनय् वय्‌कलं थःगु पाउदानयात नं लुमंका मदी।

विलाप 2:10

म्‍ह्याय् सियोनया थकालिपिं बँय् फेतुनाः छुं हे मधासे च्‍वनाच्‍वनी, इमिसं थथःगु छेनय् धू तःगु दु अले भाग्रां फिनाच्‍वंगु दु। यरूशलेमया ल्‍यासेपिन्‍सं थथःगु छ्यं बँय् तक हे क्‍वछुका तःगु दु।

विलाप 4:1

लुँ मथिना वने धुंकल! भिंगु लुँ तक नं बुलुया वने धुंकल। पवित्र थाय्‌यागु मू तूगु ल्‍वहंत चुक चुकय् वांछ्वयातःगु दु!

विलाप 5:16

जिमिगु छेनं श्रीपेच कुतुं वंगु दु, जिमित धिक्‍कार दु, छाय्‌धाःसा जिमिसं पाप यानागु दु।

इजकिएल 26:16

अबलय् समुद्रया सिथय् दुगु देशयापिं फुक्‍कं शासकतय्‌सं थथःगु सिंहासनं क्‍वहां वयाः थथःगु वसः त्‍वइ, बुत्ता भरय् यानातःगु वसः त्‍वइ। ग्‍यानाः इपिं थुरथुर खाइ। इपिं बँय् च्‍वनाः थरथर खायाच्‍वनी, अले छ खनाः वातां जुइ।

इजकिएल 26:2

“अय् सीमानिम्‍ह मनू, यरूशलेमया बारे टुरोस शहरं थथे धाःगु दु, ‘आहा! जाति जातियापिं मनूतय् मू ध्‍वाखा दुंगु दु। ध्‍वाखात जिगु निंतिं चाःगु दु। व नाश जुल, आः जि च्‍वन्‍ह्याइ।’

इजकिएल 5:5

“जि, परमप्रभु परमेश्‍वरं थथे धाये – यरूशलेम थ्‍व हे खः, थुकियात जिं जातितय्‌गु दथुइ तयागु दु, थुकियागु छचाःखेरं देशत दु।

लेवी 26:31

जिं छिमिगु शहरत नाश यानाबी, छिमिगु पुजा यायेगु थाय्‌यात भज्‍यंक स्‍यंकाबी, अले छिमिसं ब्‍यूगु नस्‍वाः वःगु बलि नालाकाये मखु।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

सपन्‍याह 2:15

थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।

प्रकाश 18:7

वं थथःम्‍हं तुं तःधं जुयाः गुलि मोज यात, उलि हे छिमिसं नं वयात दुःखकष्‍ट व ख्‍वबि ब्‍यु। वयागु मनं थथे धाः ‘जि ला महारानी जुयाच्‍वनागु दु। जि विधवा मिसा मखु। जिं गुबलें हे नं दुखं च्‍वनेमाली मखु।’