यहोशू 9:4 - नेवाः बाइबल

⁴ थःपिन्‍त बचय् यायेत ध्‍वंलायेगु बिचाः यात। अले राजदूतत थें जुयाः थःपिनि गधाया म्‍हय् भ्‍वाथःगु बोरा, गुइ धुंकूगु व पर्का तःगु दाखमद्ययागु भ्‍वाथःगु छेँगूया म्‍हिचात तल।

यहोशू 9:4 ပူးပေါင်းရင်းမြစ်များ

उत्‍पत्ति 34:13

शकेमं थः क्‍यहेँ दीनायात स्‍यंका ब्‍यूगुलिं याकूबया काय्‌पिन्‍सं शकेम व हमोरयात जाः ग्‍वयाः लिसः बिल।

भजनसंग्रहया सफू 119:83

कुँलय् तयातःगु छेंगूया म्‍हिचाय् दाखमद्य तइगु थें जि जुइ धुंकूगु दु, अय्‌नं छिगु व्‍यवस्‍था जिं ल्‍वःमंकागु मदुनि।

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

मत्ती 9:17

“अथे हे सुनानं पुलांगु छेंगूयागु म्‍हिचाय् दाखरस तइ मखु, छाय्‌धाःसा पुलांगु छेंगूयागु म्‍हिचाय् दाखरस तल धाःसा म्‍हिचा हे गुनावनी। अले दाखरस नं वाइ, म्‍हिचा नं स्‍यनी। थथे मयासें बरु दाखरस न्‍हूगु म्‍हिचाय् तल धाःसा नितां बचय् जुइ।”

मर्कूस 2:22

“अथे हे सुनानं पुलांगु छेंगूयागु म्‍हिचाय् दाखमद्य तइ मखु, छाय्‌धाःसा पुलांगु छेंगूयागु म्‍हिचाय् दाखमद्य तल धाःसा म्‍हिचा हे गुनावनी, अले दाखमद्य वाइ, म्‍हिचा नं स्‍यनी। थथे मयासें दाखमद्य न्‍हूगु म्‍हिचाय् तल धाःसा नितां बचय् जुइ।”

लूका 16:8

“व मभिंम्‍ह दांभरिंनं अथे चलाखि ज्‍या याःगुलिं वया मालिकं वयागु तारिफ यात। थुकिं सीदत, थ्‍व संसारयापिं मनूत थःत माल धायेवं चलाख जुइ सः, तर परमेश्‍वरया मनूत धाःसा अथे मखुगुलिइ चलाख जुयाः सना जुइ मसः।

यहोशू 9:12

जिपिं छितः नापलायेत छेँ त्‍वःतागु न्‍हिइ क्‍वाःगु मरि ज्‍वनाः वयागु खः। तर स्‍वयादिसँ! थौं थ्‍व मरि गनाः फ्‍वसा वये धुंकल।

यहोशू 9:13

जिमिसं दाखमद्यया थुपिं छेँगूया म्‍हिचा जाय्‌काःबलय् थुपिं न्‍हूगु हे खः। तर स्‍वयादिसँ! आः गुइ धुंकल, लँपु ताहाःगुलिं जिमिगु वसः व लाकां भ्‍वाथः जुइ धुंकल।”

यहोशू 9:3

गिबोनयापिं मनूतय्‌सं धाःसा यहोशूं यरीहो व ऐयात छु याःगु खः व न्‍यने धुंकाः

यहोशू 9:5

अले मिजंतय्‌सं पुलांगु लाकां न्‍ह्यात अले भ्‍वाथःगु वसः फित। अले नयेत गंगु व फ्‍वसा वःगु मरि काल।