यहोशू 9:11 - नेवाः बाइबल

¹¹ उकिं जिमि ज्‍याथपिं मनूत व जिमिगु देशयापिं सकल मनूतय्‌सं जिमित थथे धाल, ‘लँयात माःगु नयेगु नसा ज्‍वनाः इमित नापलाः हुँ। अले इमित, “जिपिं ला छिकपिनि हे दासत खः, उकिं जिपिंलिसें सन्‍धि यानादिसँ धकाः धा।”’

यहोशू 9:11 ပူးပေါင်းရင်းမြစ်များ

उत्‍पत्ति 43:12

अले निदुगं अप्‍वः वहः नं यंकि, छाय्‌धाःसा छिमिगु बोराय् लितवःगु धिबा नं लित पुले मानि। थथे द्वनाः जूगु नं जुइफु।

२ राजा 10:5

उकिं दरबार व शहरयापिं प्रशासकत, थकालित व जुजुया काय्‌पिन्‍त लहिनाच्‍वंपिन्‍सं मिलय् जुयाः येहूयाथाय् थज्‍याःगु खबर छ्वल, “जिपिं छिकपिनि दास खः। जिमिसं छिं धाःगु खँ न्‍यने। तर जिमिसं सुयातं जुजु दय्‌के मखु। छितः छु याये मास्‍ति वः, व यानादिसँ!”

एस्‍तर 8:17

जुजुया उजं पौ थ्‍यंगु फुक्‍क प्रान्‍तय् व फुक्‍क शहरय् यहूदीतय्‌गु निंतिं लसता व नखःया दिं जुल। अले मेगु जातिया यक्‍व मनूत नं यहूदी जुल। छाय्‌धाःसा इमिके यहूदीतय्‌गु भय दुगुलिं खः।

लूका 9:3

वय्‌कलं इमित धयादिल – “लँय् छिमिसं छुं हे ज्‍वनावने मते। तुतां, म्‍हिचा, नसा, धिबा व हिला वसः नं यंके मते।

यहोशू 1:11

“छाउनी दथुइ जुयावनाः मनूतय्‌त उजं बियाः धा, ‘थथः नयेगु सामान ठीक या, छाय्‌धाःसा थनिं स्‍वन्‍हु खुन्‍हु परमप्रभु छिमि परमेश्‍वरं छिमित बियादीगु देश अधिकार यायेत छिपिं थ्‍व यर्दन पारि वनेमाः।’”

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।

यहोशू 9:12

जिपिं छितः नापलायेत छेँ त्‍वःतागु न्‍हिइ क्‍वाःगु मरि ज्‍वनाः वयागु खः। तर स्‍वयादिसँ! थौं थ्‍व मरि गनाः फ्‍वसा वये धुंकल।

यहोशू 9:8

इमिसं यहोशूयात धाल, “जिपिं छिम्‍ह हे दासत खः।” तर यहोशूं इमित धाल, “छिपिं सु खः, गनं वयागु खः?”