यहोशू 8:4 - नेवाः बाइबल

⁴ वं इमित थथे धकाः उजं बिल, “स्‍व, छिपिं व शहरया ल्‍युने हमला यायेत सुला च्‍वँ। शहरं यक्‍व तापाक्‍क वने मते। छिपिं सकल होश यानाच्‍वँ।

यहोशू 8:4 ပူးပေါင်းရင်းမြစ်များ

२ राजा 7:12

जुजुं चान्‍हय् हे दनाः थः भारदारतय्‌त धाल, “अरामीतय्‌सं छु यायेत्‍यंगु, जिं व छिमित धाये। थन अनिकाल जुयाच्‍वंगु खँ इमिसं स्‍यू। झीपिं नयेगु नसा मालेत शहरं पिने पिहां वनेबलय् झीत म्‍वाःम्‍वाकं ज्‍वनाः शहर त्‍याका कायेगु मतिइ तयाः ‘इपिं छाउनी त्‍वःताः ख्‍यलय् वनाः सुलाच्‍वंगु दु।’”

२ इतिहास 13:13

अबिया न्‍वंवाना च्‍वंबलय् यारोबामं छुं सिपाइँतय्‌त सुलाः ल्‍यूनेपाखें हमला यायेत छ्वल। वया मू सेना धाःसा यहूदाया न्‍ह्यःने दु अले हमला यायेत सुलाच्‍वंपिं सेना इमिगु ल्‍युने दु।

उपदेशक 7:19

बुद्धिं बुद्धि दुम्‍ह मनूयात शहरया झिम्‍ह शासक स्‍वयाः तसकं बल्‍लाकाबी।

उपदेशक 9:16

अनंलि जिं धया, “बल स्‍वयाः बुद्धि हे तःधं जू।” तर व चीमिम्‍ह मनूया बुद्धियात हेला यात, अले वयागु खँयात सुनानं वास्‍ता मयाः।

प्रेरित 23:21

छिं इमिगु खँ न्‍यनादी मते, छाय्‌धाःसा पिइम्‍हं मयाक मनूतय्‌सं पावलयात मस्‍यातले छुं हे नयेत्‍वने याये मखु धकाः पाफयाः स्‍यायेत स्‍वयाच्‍वंगु दु। छिं ‘ज्‍यू’ धाइ धकाः इमिसं आशा यानाच्‍वंगु दु।”

यहोशू 8:16

ऐ शहरयापिं मनूतय्‌त लिनाछ्वयेत सकल इस्राएली मिजंतय्‌त सःतल। अले यहोशूयात ल्‍यूल्‍यूं इपिं शहरं यक्‍व तापाक थ्‍यन।

यहोशू 8:3

उकिं यहोशू फुक्‍क सेनालिसें ऐनापं ल्‍वाः वन। वं बांलाक ल्‍वायेफुपिं स्‍विद्वः सिपाइँत ल्‍ययाः इमित चान्‍हय् हे छ्वल।

न्‍यायकर्ता 20:29

अले इस्राएलीतय्‌सं गिबाया प्‍यखेरं मनूत सुचुका तल।

न्‍यायकर्ता 20:33

सकलें इस्राएलीत थथःगु थाय् त्‍वःताः लडाइँया लागि बाल-तामारय् मुन। उघ्रिमय् हे सुलाच्‍वंपिं इस्राएलीत गिबाया पच्‍छिमया थासं हथासं पिहां वल।

न्‍यायकर्ता 20:36

अले “झीपिं बुत” धकाः बेन्‍यामीनीतय्‌सं सिल। सकलें इस्राएलीत गिबाया न्‍ह्यःने सुलाच्‍वंपिं मनूतके भलसा तयाः थः बूपिं थें यानाक्‍यंगु खः।

न्‍यायकर्ता 9:25

शेकेमयापिं मनूतय्‌सं अबीमेलेकयात पियाः च्‍वनेत डाँडाया च्‍वकाय् च्‍वकाय् मनूत तल। इमिसं अनं जुयावनीपिं मनूतय्‌त लुटे यायेगु यात। थ्‍व खँ अबीमेलेकयात न्‍यंकल।

न्‍यायकर्ता 9:32

उकिं चान्‍हय् हे दनाः छि व छिनापं दुपिं मनूत शहर पिने पियाच्‍वनादिसँ।

१ शमूएल 15:2

दक्‍व शक्ति दुम्‍ह परमप्रभुं थथे धयादी, ‘इस्राएलीत मिश्र देशं पिहां वःबलय् अमालेकीतय्‌सं इमित हमला याःगुलिं जिं इमित सजाँय बी।

१ शमूएल 15:5

शाऊल थः सिपाइँतनापं अमालेकया शहरय् वन अले अन चिब्‍यागु खोँचय् ल्‍वायेत पियाच्‍वनाच्‍वन।