यहोशू 8:20 - नेवाः बाइबल

²⁰ ऐयापिं मिजंतय्‌सं ल्‍युने फस्‍वःबलय् शहरया कुँ आकाशपाखे वनाच्‍वंगु खंकल। इपिं थुखे उखे गन नं बिस्‍युं वने मफुत। छाय्‌धाःसा मरुभूमिपाखे बिस्‍युं वंपिं इस्राएलीत लिहां वयाः न्‍हापां थःपिन्‍त ल्‍यूवःपिं ऐयापिन्‍त हमला यात।

यहोशू 8:20 ပူးပေါင်းရင်းမြစ်များ

उत्‍पत्ति 19:28

वं सदोम व गमोराया फुक्‍क थासय् स्‍वल। अले वं अगलं कुँत्‍याः पिहां वयाच्‍वं थें व थासं कुँ पिहां वयाच्‍वंगु खन।

अय्‍यूब 11:20

तर दुष्‍टतय्‌गु मिखा बुलुयावनी, बिस्‍युं वनेगु लँ इमिगु निंतिं बन्‍द जुइ, अले इमिगु छगू हे आशा लिपांगु सासः जुइ।”

भजनसंग्रहया सफू 76:5

नुगः बल्‍लाःपिनिगु फुक्‍क ल्‍वाभः लाकाकाये धुंकल। इपिं सी न्‍ह्यलय् लाये धुंकल। बहादुरतय्‌ सुं छम्‍हय्‌सिनं नं झीगु विरोधय् ल्‍हाः ल्‍ह्वने मफये धुंकल।

यशैया 34:10

व चच्‍छि न्‍हिच्‍छि हे च्‍यानाच्‍वनी। उकियागु कुँ न्‍ह्याबलें थाहां वनाच्‍वनी। पुस्‍तां पुस्‍ता तक व झिजांमिजां दनाच्‍वनी, अनं जुयाः सुं नं हाकनं वनी मखु।

यहोशू 8:19

वं थथे यायेवं उपिं सुलाच्‍वंपिं सिपाइँत थःगु थासं दनाः न्‍ह्यज्‍यात। इमिसं शहर दुने दुहां वनाः उकियात त्‍याका काल। अले हथासं शहरयात मिं छ्वय्‌काबिल।

यहोशू 8:21

यहोशू व सकल इस्राएलीतय्‌सं उपिं सुलाच्‍वंपिन्‍सं शहरयात त्‍याकाकाःगु व शहरं कुँ पिहां वयाच्‍वंगु खंबलय् इमिसं लिहां वयाः ऐयापिं मिजंतय्‌त स्‍यात।

प्रकाश 18:9

व नाप व्‍यभिचार यानाः मोजमज्‍जा याना जूपिं संसारयापिं जुजुपिं वयात उनातःगु कुँ खनाः नुगः मछिंकाः ख्‍वइ।

प्रकाश 19:3

इमिसं हानं छकः तसलं थथे धाल – “हल्‍लेलूयाह, व वेश्‍यायात उनातःगु कुँ न्‍ह्याबलें थाहां वनाच्‍वनी।”

न्‍यायकर्ता 20:38

इस्राएलया मनूत व सुलाच्‍वंपिं मनूतय् दथुइ इमिसं शहरं मित्‍याः आकाशपाखे छ्वयेगु चिं क्‍वःछिनातःगु जुयाच्‍वन।

न्‍यायकर्ता 20:40

तर शहरं मित्‍याः आकाशपाखे थाहां वंबलय् बेन्‍यामीनीतय्‌सं लिफः स्‍वल। स्‍व, इमिसं शहर न्‍यंक मि नयाच्‍वंगु खन।

न्‍यायकर्ता 20:41

अले इस्राएलीतय्‌सं फहिलाः बेन्‍यामीनीतय्‌त हमला यात। थःगु नाश जुइगु ई वःगु खनाः बेन्‍यामीनीत ग्‍यानाः आत्ते जुल।