यहोशू 8:2 - नेवाः बाइबल

² छं यरीहो व वया जुजुयात छु छु यानागु खः, ऐ व वया जुजुयात नं अथे हे या। अनयागु धनमाल व अनयापिं पशुत धाःसा छिमिसं थःगु निंतिं काये फइ। शहरया ल्‍युने हमला यायेत सुला च्‍वँ।”

यहोशू 8:2 ပူးပေါင်းရင်းမြစ်များ

२ इतिहास 13:13

अबिया न्‍वंवाना च्‍वंबलय् यारोबामं छुं सिपाइँतय्‌त सुलाः ल्‍यूनेपाखें हमला यायेत छ्वल। वया मू सेना धाःसा यहूदाया न्‍ह्यःने दु अले हमला यायेत सुलाच्‍वंपिं सेना इमिगु ल्‍युने दु।

२ इतिहास 20:22

इमिसं तःसलं म्‍ये हालाः परमप्रभुया प्रशंसा यायेवं परमप्रभुं यहूदाय् हमला याःवःपिं अम्‍मोनीत, मोआबीत व सेइर पर्वतयापिं मनूतय् विरोधय्‌ सुलाः हमला याइपिं तयादिल। अले इपिं बुत।

भजनसंग्रहया सफू 39:6

मनूत ला किचः थें हे थुखे उखे जुइ। इमिगु ज्‍याया छुं हे मू मदु। इमिसं धन-सम्‍पत्ति मुंकी, तर सुनां काइ धकाः इमिसं मस्‍यू।

हितोपदेश 13:22

भिंपिं मनूतय्‌सं थः छय्-छुइपिन्‍त धकाः धनसम्‍पत्ति त्‍वःताथकी। पापीतय्‌गु धन धाःसा धर्मीतय्‌गु ल्‍हातिइ लाइ।

हितोपदेश 28:20

विश्‍वास याये बहःम्‍ह मनूयात गाक्‍क आशिष दइ, याकनं तःमि जुइत स्‍वइम्‍ह मनूयात सजाँय बी।

यर्मिया 17:11

मखुकथं धन कमय् याःम्‍ह मनू, मेपिनिगु खेँचं मचा थ्‍वय्‌कीम्‍ह झंगः थें खः। बच्‍छि आयु वनीबलय् हे उगु धनं वयात त्‍वःताः वनी। लिपतय् व मूर्ख ठहरय् जुइ।

यर्मिया 51:12

बेबिलोनया पःखाःया विरोधय् झण्‍डा ल्‍ह्वँ! पिवाःयात बल्‍लाकि! पिवाः च्‍वनीपिं मनूत ति! हमला यायेत सुला च्‍वनेगु थासय् मनूत ति! बेबिलोनयापिं मनूतय्‌गु विरोधय् परमप्रभुं आज्ञा बियादीगु दु। वय्‌कलं थःगु बिचाः पूवंकादी।

व्‍यवस्‍था 2:35

झीसं अधिकार यानागु शहरय् लाका कयागु सामान व पशुत धाःसा थःपिनिगु लागिं कया।

व्‍यवस्‍था 20:14

अय्‌नं मिसा, मचाखाचा, सा द्वहं व शहरय् दुगु मेगु फुक्‍क मालताल छिमिसं लुटया मालकथं थःगु लागि काये फु। परमप्रभु छिमि परमेश्‍वरं छिमित बियादीगु थुपिं फुक्‍क छिमिसं छ्यले फु।

व्‍यवस्‍था 3:2

परमप्रभुं जितः धयादिल, “व खनाः ग्‍याये मते, छाय्‌धाःसा वयात, वया फुक्‍क सेना व देशनापं छिमिगु ल्‍हातय् बियागु दु। छिमिसं हेश्‍बोनय् राज्‍य याइम्‍ह एमोरीतय् जुजु सीहोनयात गथे यानागु खः वयात नं अथे हे या।”

यहोशू 10:1

यहोशूं यरीहो व अनयाम्‍ह जुजुयात थें हे ऐ व अनयाम्‍ह जुजुयात नं त्‍याकाः नाश यात धयागु खँ यरूशलेमयाम्‍ह जुजु अदोनिसेदेकं न्‍यन। गिबोनीतय्‌सं इस्राएलीतनापं सन्‍धि याःगु दु, अले इपिंनापं मिलय् जूगु दु धयागु खँ नं वं न्‍यन।

यहोशू 10:28

उखुन्‍हु यहोशूं हमला यानाः मक्‍केदा शहर त्‍याका काल। अले वं शहरयात नाश यानाबिल। अले वं अनयाम्‍ह जुजु व अन च्‍वंपिं सकल मनूतय्‌त तरवारं स्‍यानाबिल। वं यरीहोयाम्‍ह जुजुयात याः थें मक्‍केदाया जुजुयात नं यात।

यहोशू 11:14

थुपिं शहरतय् दक्‍व पशुत व धनमाल जुक्‍व इस्राएलीतय्‌सं थःगु हे निंतिं काल, मनूतय्‌त धाःसा इमिसं तरवारं स्‍यानाबिल। इमि छम्‍हय्‌सित नं म्‍वाःका मतसें नाश यानाबिल।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

यहोशू 8:12

यहोशूं न्‍याद्वः ति सिपाइँतय्‌त शहरयागु पच्‍छिमपाखे बेथेल व ऐयागु दथुइ हमला यायेत सुचुका तल।

यहोशू 8:14

ऐयाम्‍ह जुजुं थ्‍व खंबलय् व अले उगु शहरयापिं सकले मिजंत सुथ न्‍हापां दनाः हथाय् चाचां इस्राएलीतलिसे ल्‍वायेत वन, अले अराबा खनेदइगु क्‍वछिनातःगु थासय् थ्‍यंकः वन। शहरया ल्‍युने थःपिंनापं ल्‍वायेत मनूत सुलाच्‍वंगु दु धइगु खँ वं मसिल।

यहोशू 8:19

वं थथे यायेवं उपिं सुलाच्‍वंपिं सिपाइँत थःगु थासं दनाः न्‍ह्यज्‍यात। इमिसं शहर दुने दुहां वनाः उकियात त्‍याका काल। अले हथासं शहरयात मिं छ्वय्‌काबिल।

यहोशू 8:24

इस्राएलीतय्‌सं ऐयापिं सकल मिजंतय्‌त थःपिन्‍त ल्‍यूगु मरुभूमिया ख्‍यलय् स्‍याये धुंकाः सकल इस्राएलीत ऐ शहरय् लिहां वल, व अन दुपिं सकसितं हे स्‍यात।

यहोशू 8:3

उकिं यहोशू फुक्‍क सेनालिसें ऐनापं ल्‍वाः वन। वं बांलाक ल्‍वायेफुपिं स्‍विद्वः सिपाइँत ल्‍ययाः इमित चान्‍हय् हे छ्वल।

यहोशू 8:7

छिमिसं सुलाच्‍वंगु थासं वनाः शहरयात त्‍याका का, छाय्‌धाःसा परमप्रभु छिमि परमेश्‍वरं छिमिगु ल्‍हातय् व बियादी।

यहोशू 8:8

शहर त्‍याकाकाइबलय् छिमिसं उकियात मिं छ्वय्‌काब्‍यु। परमप्रभुं धयादी थें छिमिसं या। जिगु उजं छिमिके दु।”

यहोशू 8:9

अले यहोशूं इमित छ्वल। इपिं वनाः ऐयागु पच्‍छिमपाखे बेथेल व ऐयागु दथुइ सुलाच्‍वन। यहोशू धाःसा उखुन्‍हु चान्‍हय् मनूतनापं च्‍वन।

यहोशू 9:3

गिबोनयापिं मनूतय्‌सं धाःसा यहोशूं यरीहो व ऐयात छु याःगु खः व न्‍यने धुंकाः