यहोशू 8:17 - नेवाः बाइबल

¹⁷ ऐ व बेथेलयापिं फुक्‍क मिजंतय्‌सं इस्राएलीतय्‌त ल्‍यू वन। इमिसं शहरयात ह्वातां त्‍वःताः इस्राएलीतय्‌त ल्‍यू वन।

यहोशू 8:17 ပူးပေါင်းရင်းမြစ်များ

अय्‍यूब 5:13

वय्‌कलं बुद्धिमानतय्‌त इमिगु हे चलाखिइ ज्‍वनादी, अले धूर्ततय्‌गु योजनायात स्‍यंकादी।

व्‍यवस्‍था 2:30

अय्‌नं हेश्‍बोनया जुजु सीहोनं झीत थःगु देश जुयाः वने मब्‍यू छाय्‌धाःसा परमप्रभु छिमि परमेश्‍वरं वयात छिमिगु ल्‍हातय् बीत वयागु मनयात जिराहा व अतेरि यानादिल। अले थौं तक व छिमिगु ल्‍हातय् दु।

यहोशू 11:20

छाय्‌धाःसा परमप्रभुं इमिगु नुगः छाय्‌कादीगु खः, अले इस्राएलीतलिसें ल्‍वाके ब्‍यूगु खः, परमप्रभुं मोशायात आज्ञा बियादीगु थें इपिं माया मदय्‌कं हे सकलें नाश जुइमा धकाः।

यहोशू 8:16

ऐ शहरयापिं मनूतय्‌त लिनाछ्वयेत सकल इस्राएली मिजंतय्‌त सःतल। अले यहोशूयात ल्‍यूल्‍यूं इपिं शहरं यक्‍व तापाक थ्‍यन।

यहोशू 8:18

अले परमप्रभुं यहोशूयात धयादिल, “छंगु ल्‍हातय् दुगु भाला ऐपाखे न्‍ह्यज्‍याकि, छाय्‌धाःसा जिं व शहरयात छंगु ल्‍हातय् तयाबी।” अथे जुयाः यहोशूं थःगु भाला ऐपाखे न्‍ह्यज्‍याकल।

यहोशू 8:3

उकिं यहोशू फुक्‍क सेनालिसें ऐनापं ल्‍वाः वन। वं बांलाक ल्‍वायेफुपिं स्‍विद्वः सिपाइँत ल्‍ययाः इमित चान्‍हय् हे छ्वल।

न्‍यायकर्ता 20:31

बेन्‍यामीनीत धाःसा व सेनायात हमला यायेत पिहां वल। इपिं शहरं तापाक्‍क तक वन। अले चक्‍कंगु ख्‍यलय् बेथेलय् व गिबा वनीगु लँपुइ न्‍हापा थें हे इस्राएलीतय्‌त हमला यानाः इमिसं स्‍विम्‍ह इस्राएलीतय्‌त स्‍यात।