यहोशू 8:1 - नेवाः बाइबल

¹ अले परमप्रभुं यहोशूयात धयादिल, “ग्‍याये मते, नुगः क्‍वतुंके मते! फुक्‍क सेना ज्‍वनाः ऐ शहरय् हमला या हुँ। ऐयाम्‍ह जुजु, वया प्रजा, वयागु शहर व वयागु देशयात जिं छंगु ल्‍हातय् बियागु दु।

यहोशू 8:1 ပူးပေါင်းရင်းမြစ်များ

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

भजनसंग्रहया सफू 44:3

इमिसं तरवारया बलं देश त्‍याकाकाःगु मखु, इपिं थःगु शक्तिं त्‍याःपिं नं मखु। छिगु हे जव ल्‍हातं, छिगु हे लप्‍पां व छिगु ख्‍वाःया जलं इपिं त्‍याःगु खः। छाय्‌धाःसा छिं इमित यय्‌कादिल।

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

यर्मिया 46:27

“हे जिम्‍ह दास याकूब, छ ग्‍याये मते। हे इस्राएलयापिं मनूत, नुगः क्‍वतुंके मते। जिं थःम्‍हं हे छिमित तापाःगु देशं व छिमि सन्‍तानयात ज्‍वनाः यंकातःगु देशं त्‍वःतकाहये। याकूबया सन्‍तानतय्‌त हाकनं शान्‍ति व सुरक्षा दइ। सुनानं वयात ख्‍याये फइ मखु।

यर्मिया 49:3

“हे हेश्‍बोन, ख्‍व! छाय्‌धाःसा ऐ शहर नाश जुल। हे रब्‍बायापिं मनूत, चिल्‍लाय् दनाः ख्‍व! भांग्रा हिनाः दुखं च्‍वँ अले ख्‍वख्‍वं पःखाःया दुने थुखे उखे ब्‍वाँय् हुँ! छाय्‌धाःसा छिमि द्यः मोलोखयात, वया पुजाहारीत व हाकिमतनापं मेगु देशय् यंकी।

दानिएल 2:21

वय्‌कः हे ई व ऋतुत हिलादीम्‍ह खः। वय्‌कलं हे जुजुपिं ल्‍ययेगु व लिकायेगु यानादी। वय्‌कलं बुद्धि दुपिन्‍त बुद्धि व ज्ञान दुपिन्‍त ज्ञान बियादी।

दानिएल 4:25

मनूतय् राज्‍यय् दक्‍वसिबय् तःधंम्‍ह परमेश्‍वरयागु अधिकार दु व वय्‌कःयात सु यः वयात राज्‍य बियादी धयागु खँ छःपिन्‍सं सीकामकातले न्‍हय्‌गू काल तक मनूतपाखें छःपिन्‍त लिनाछ्वइ। छःपिं गुँपशुतलिसें च्‍वनादीमाः। छःपिन्‍सं सा द्वहंनं थें घाँय् नयादी अले आकाशया सुति लखं छःपिन्‍त प्‍याकी।

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

मत्ती 8:26

अले वय्‌कलं इमित धयादिल – “छिपिं छाय् अपाय्‌सकं ग्‍यानागु? छिमिसं जितः अज्‍जं क्‍वात्तुक विश्‍वास याये मफुनि ला?” थुलि धयाः वय्‌कलं दनाः ग्‍वःफय्‌यात व लःद्वम्‍बःयात हक्‍कादिल। अले ग्‍वःफय् दित, लःद्वम्‍बः नं दित।

व्‍यवस्‍था 1:21

स्‍व! परमप्रभु छिमि परमेश्‍वरं थ्‍व देश छिमित बियादीगु दु। अथे जुयाः वनाः थः पुर्खाया परमप्रभु परमेश्‍वरं धयादी थें उकियात अधिकार या। छिपिं ग्‍याये मते, नुगः क्‍वतुंके मते।”

व्‍यवस्‍था 31:8

परमप्रभु थः हे छंगु न्‍ह्यःने झाइ, अले छनापं दइ। वय्‌कलं छन्‍त गुबलें त्‍वःतादी मखु अले त्‍यागय् याइ मखु। ग्‍याये मते, नुगः क्‍वतुंके मते।”

व्‍यवस्‍था 7:18

अय्‌नं इपिं खनाः ग्‍याये मते। परमप्रभु छिमि परमेश्‍वरं फारो व मिश्र न्‍यंकं छु यानादिल व लुमंकि!

व्‍यवस्‍था 7:21

छिपिं इपिं खनाः ग्‍याये मते, छाय्‌धाःसा छिमिगु दथुइ च्‍वनाच्‍वंम्‍ह परमप्रभु छिमि परमेश्‍वर तःधंम्‍ह व ग्‍यानपुसे च्‍वंम्‍ह परमेश्‍वर खः।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 10:7

अथे जुयाः यहोशूं थः सेना, दकलय् बांलाक ल्‍वायेसःपिं सिपाइँत कयाः गिलगालं न्‍ह्याः वन।

यहोशू 10:8

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा जिं इमित छंगु ल्‍हातय् बियागु दु। इपिं मध्‍ये सुं छम्‍ह नं छंगु न्‍ह्यःने दने फइ मखु।”

यहोशू 2:24

इमिसं यहोशूयात धाल, “धात्‍थें हे परमप्रभुं व फुक्‍क देश झीगु ल्‍हातय् बियादीगु दु। व देशयापिं सकलें मनूत झीपिं खनाः थुरथुर खानाच्‍वंगु दु।”

यहोशू 6:2

परमप्रभुं यहोशूयात धयादिल, “स्‍व! जिं यरीहो, अनयाम्‍ह जुजु व सकलें सिपाइँतय्‌त छंगु ल्‍हातय् बियागु दु।

यहोशू 7:9

कनानी व थ्‍व देशयापिं मेपिं मनूतय्‌सं थ्‍व खँ न्‍यनेवं इमिसं जिमित घेरय् यानाः पृथ्‍वीं जिमिगु नां हुया बी। अनं लिपा छिं थःगु तःधंगु नांया लागिं छु यानादी?”