यहोशू 7:3 - नेवाः बाइबल

³ इमिसं यहोशूयाथाय् लिहां वयाः धाल, “शहरयात त्‍याका कायेत निद्वः (२,०००) वा स्‍वद्वः (३,०००) ति जक मनूत वंसा गाः, फुक्‍क वने म्‍वाः। फुक्‍क मनूतय्‌त अन वनेगु दुःख बियादी मते, छाय्‌धाःसा अन यक्‍व मनूत मदु।”

यहोशू 7:3 ပူးပေါင်းရင်းမြစ်များ

हितोपदेश 13:4

अल्‍छी मनूतय्‌सं न्‍ह्याक्‍व मनंतुंसां पूवनी मखु। मेहनत याइपिन्‍सं न्‍ह्याक्‍व मनंतुंसां पूवनी।

हितोपदेश 21:25

अल्‍छीत थःपिनिगु हे इच्‍छाया हुनिं फुनावनी, छाय्‌धाःसा इमिगु ल्‍हातिं ज्‍या याइ मखु।

लूका 13:24

“चिब्‍यागु लुखां दुहां वनेगु कुतः या, छाय्‌धाःसा यक्‍व मनूतय्‌सं अनं दुहां वनेत ला स्‍वइ, अय्‌नं फइ मखु।

हिब्रू 4:11

थथे जूगुलिं झीसं नं फक्‍व कुतः यानाः झासु लने थाय् वनेगु स्‍वये माल। तापाःबाज्‍यापिन्‍सं वय्‌कःयात मानय् मयाःगुलिं वय्‌कः नाप झासु लने मखन, उकिं झीसं नं इमिसं थें याये मज्‍यू।

यहोशू 7:2

यहोशूं बेथेलया पुर्बपाखे व बेथ-आवनया न्‍ह्यःने लाःगु ऐ शहरय् यरीहों थथे धयाः मनूत छ्वल, “अन वनाः उकियागु चिवा का।” उपिं मनूत वन अले ऐ शहरयागु चिवा काल।

यहोशू 7:4

उकिं स्‍वद्वः (३,०००) ति मनूत जक अन वन, अय्‌नं ऐ शहरयापिन्‍सं इमित बुकल, अले इमित बिस्‍युं वने माय्‌काबिल।

२ पत्रुस 1:10

अय्‌जूगुलिं यःपिं दाजुकिजापिं, छिमित परमेश्‍वरं हे सःताः ल्‍ययादीगु खः धकाः क्‍यनेत कुतः या। थथे यात धाःसा छिपिं गुबलें हे क्‍वदली मखु।

२ पत्रुस 1:5

अय्‌जूगुलिं छिमिसं विश्‍वास यानाच्‍वनाः जक मगाः, भिंपिं जुइत नं कुतः या। अले हानं भिंपिं जक जुयां नं मगाः, ज्ञान नं दय्‌कि।