यहोशू 7:26 - नेवाः बाइबल

²⁶ इमिसं वयागु सीम्‍हय् ल्‍वहँयागु तःधंगु द्वं मुंकल। गुगु थौं तक नं दयाच्‍वंगु दु। अले परमप्रभुयागु ग्‍यानापुगु तं क्‍वलात। उकिं व थाय्‌यागु नां थौं तक नं आकोरयागु न्‍हसिकाप जुयाच्‍वंगु दु।

यहोशू 7:26 ပူးပေါင်းရင်းမြစ်များ

२ शमूएल 18:17

अले इमिसं अब्‍शालोमया सीम्‍हयात यंकाः जंगलया तःधंगु गालय् वान्‍छ्वयाः उकी द्यःने ल्‍वहं द्वँचिनाबिल। अबलय् हे फुक्‍क इस्राएलीत थथःगु छेँय् बिस्‍युं वन।

२ शमूएल 21:14

इमिसं शाऊल व वया काय् जोनाथनया क्‍वँय् बेन्‍यामीनया देशय् सला धाःगु थासय् शाऊलया अबु कीशया चिहानय् थुनाबिल। जुजुं इमित छु छु या धकाः आज्ञा ब्‍यूगु खः व फुक्‍कं इमिसं यात। अनंलि परमप्रभुं देय्‌या निंतिं याःगु प्रार्थनाया लिसः बियादिल।

२ इतिहास 29:10

आः वय्‌कःया तं चीकाछ्वयेत जितः परमप्रभु झी परमेश्‍वरलिसें छगू बाचा चिने मास्‍ति वःगु दु।

एज्रा 10:14

झी हाकिमतय्‌सं सकल मनूतय्‌गु लागि ज्‍या यानाबीमाः। परमेश्‍वरया तं क्‍वमलाःतले व थ्‍व ज्‍या सिमधःतले झीगु शहरय् ग्‍वःम्‍हसिनं विदेशी मिसा ब्‍याहा याःगु दु, इपिं क्‍वःछिनातःगु इलय् थःगु शहरयापिं थकालित व न्‍याय याइपिंलिसें वयेगु यायेमाः।”

भजनसंग्रहया सफू 85:4

हे जिमित उद्धार यानादीम्‍ह परमेश्‍वर, जिमित हाकनं स्‍वीकार यानादिसँ, जिपिं खनाः तंचायादीगु त्‍वःतादिसँ।

प्रस्‍थान 32:12

छिं इमित पर्वतय् स्‍यानाः थ्‍व पृथ्‍वीं इमिगु नां हे हुयाछ्वयेगु मभिंगु बिचालं पित यंकादीगु खः धकाः मिश्रीतय्‌त छाय् धाय्‌के बियेगु? छिगु व मि थें च्‍याःगु तंयात शान्‍त यानादिसँ। अले थःगु मन हिकाः थः मनूतय्‌त नाश जुइगुपाखें बचय् यानादिसँ।

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 65:10

जितः मालीपिं जिमि प्रजाया निंतिं, शारोन फैच्‍वलय्‌त ज्‍वयेगु ख्‍यः, अले आकोरया ब्‍यासि धाःसा सा द्वहंतय्‌गु आराम कायेगु थाय् जुइ।

विलाप 3:53

इमिसं जिगु जीवनयात गालय् क्‍वफानाः सिधय्‌केगु कुतः यात अले ल्‍वहँतं जितः कय्‌कल।

होशे 2:15

अन जिं वयात वयागु दाखया क्‍यब लितबी, अले आकोरया ब्‍यासियात आशाया लुखा यानाबी। अन वं थःगु ल्‍याय्‌म्‍हबलय्‌यागु दिं थें व मिश्र देशं वःगु दिं थें म्‍ये हाली।

होशे 2:17

जिं वयात हाकनं गुबलें बालद्यःया नां काय्‌केबी मखु, अले इमिगु नां हाकनं गुबलें काइ मखु।

योएल 2:13

नुगः मछिंकाः थःगु वसः मखु, तर थःगु नुगः खुनाः परमप्रभु थः परमेश्‍वरपाखे लिहां वा, छाय्‌धाःसा वय्‌कः दया व माया क्‍यनादीम्‍ह, तं क्‍यनेत हथाय् मचायादीम्‍ह, अले सदां दयामाया यानादीम्‍ह, अले थःगु सजाँय पनेत न्‍ह्याबलें तयार जुयादीम्‍ह खः।

योएल 2:18

अले परमप्रभुं थःगु देशयात तसकं च्‍यूताः कयादी, अले वय्‌कलं थः प्रजातय्‌त माया यानादी।

योना 1:15

अले इमिसं योनायात ज्‍वनाः समुद्रय् वांछ्वयाबिल। उघ्रिमय् हे वाफय् दित।

जकरिया 6:8

अले वं जितः तसकं हाला धाल, “स्‍व, उत्तरयागु देशपाखे वनाच्‍वंपिन्‍सं जिगु आत्‍मायात शान्‍त यानाब्‍यूगु दु।”

गन्‍ती 25:8

अले व मिजंया ल्‍यूल्‍यू पाल दुने दुहां वनाः वयागु व मिसायागु प्‍वाथय् निम्‍हय्‌सितं छकलं पिचाय्‌कः भालां सुयाबिल। अनंलि इस्राएलीतय् दथुइ वःगु महामारी चिला वन।

व्‍यवस्‍था 13:17

थथे देछाय्‌ मज्‍यूगु छुं नं यंके मते। थथे याःसा परमप्रभुया तं क्‍वलानाः वय्‌कलं छिमित दया माया यानाः छिमि पुर्खालिसें पाःफयादीगु थें छिमिगु ल्‍याः अप्‍वः दय्‌काबी।

व्‍यवस्‍था 13:18

परमेश्‍वरयागु वचन न्‍यनाः थौं जिं धयाकथं वय्‌कःया फुक्‍क आज्ञा मानय् यात वा परमप्रभु छिमि परमेश्‍वरयात यःगु ज्‍याखँयात धाःसा थ्‍व जुइ।

यहोशू 10:27

सूर्य बिनावंबलय् यहोशूं आज्ञा बिल अले इमित थामं क्‍वकयाः इपिं सुलाच्‍वंगु व हे गुफाय् वांछ्वयाबिल। गुफाया म्‍हुतुइ ततःग्‍वःगु ल्‍वहंत तयाबिल। उपिं ल्‍वहंत थौं तक नं अन हे दनि।

यहोशू 7:24

अले यहोशू व सकल इस्राएलीतय्‌सं जेरहया काय् आकानयात व वहः, गा, लुँयागु कथि, वया काय्‌म्‍ह्याय्‌पिं, वया सा द्वहं, गधात व फैत, पाल अले वयाके दुगु फुक्‍क धनमालनापं आकोरया न्‍हसिकापय् हल।

यहोशू 8:29

वं ऐयाम्‍ह जुजुयात छगू थामं सुयाबिल अले वयात सन्‍ध्‍याकाः ई तक हे अन तया तल। सूर्य बिनावंगु इलय् वं वयागु म्‍हयात थामं क्‍वकयाः शहरयागु ध्‍वाखाया क्‍वय् वांछ्वयाबिल। इमिसं सीम्‍ह च्‍वय् ल्‍वहंयागु द्वं मुंकाबिल। व थौं तक द हे दनि।