यहोशू 7:25 - नेवाः बाइबल

²⁵ यहोशूं धाल, “छं छाय् जिमित दुःख बियागु? थौं परमप्रभुं छन्‍त दुःख बियादी।” अले फुक्‍क इस्राएलीतय्‌सं वयात ल्‍वहँतं कय्‌कल। वया छेँजः व सम्‍पत्तियात नं ल्‍वहँतं कय्‌काः छ्वय्‌काबिल।

यहोशू 7:25 ပူးပေါင်းရင်းမြစ်များ

उत्‍पत्ति 34:30

याकूबं शिमियोन व लेवीयात धाल, “छिमिसं जितः आपतय् लाकाबिल। आः जितः कनानी, परिज्‍जी व थनच्‍वंपिं फुक्‍कसिनं मही। झी ल्‍याखं आपाः मदु। इपिं फुक्‍क जानाः झीपिंलिसे ल्‍वाः वल धाःसा झीपिं फुक्‍कं सी।”

उत्‍पत्ति 38:24

स्‍वला लिपा यहूदां थः भौ तामार वेश्‍या थें जुयाजूगु व प्‍वाथय् दुगु खँ न्‍यन। अले वं, “वयात थन हयाः च्‍याकाः स्‍यानाब्‍यु” धकाः धाल।

१ इतिहास 2:7

कर्मीया काय् आकान खः। आकानं काये मज्‍यू धयातःगु देछायेमाःगु चिज कयाः इस्राएलीतय्‌थाय् विपत्ति हःगु खः।

हितोपदेश 1:19

मभिंगु ज्‍या यानाः मुंकूगु धिबां मनूतय्‌गु ज्‍यान काइ।

हितोपदेश 15:27

मभिंगु ज्‍या यानाः मुंकूगु कमाइनं छेँय् संकट हइ। घुस काये मते, अले छ यक्‍व म्‍वाइ।

लेवी 20:14

“‘सुनानं मां व म्‍ह्याय् निम्‍हसितं कलाः तल धाःसा थ्‍व क्‍वह्यंगु ज्‍या खः। इपिं स्‍वम्‍हय्‌सितं मिइ छ्वय्‌का छ्वयेमाः। छिमि दथुइ थज्‍याःगु क्‍वह्यंगु ज्‍या मजुइमाः।

लेवी 20:2

“इस्राएलीतय्‌त धा, ‘सुं इस्राएली वा इपिं नापं च्‍वनाच्‍वंम्‍ह परदेशी मनुखं मोलेक द्यःयात थःपिनि मचा छाल धाःसा वयात खलःयापिं फुक्‍कसिनं ल्‍वहँतं कय्‌काः स्‍यायेमाः।

लेवी 21:9

“‘सुं पुजाहारीया म्‍ह्याय्‌नं ल्‍यवःसिं ज्‍या यानाः थःत अशुद्ध यात धाःसा, वं थः बौया अपमान याइ। वयात मिइ छ्वय्‌काः स्‍याना छ्वयेमाः।

लेवी 24:14

“व सराः ब्‍यूम्‍हय्‌सित छाउनी पिने यंकि अले वं धाःगु खँ न्‍यंपिं फुक्‍कसिनं थथःगु ल्‍हाः वयागु छेनय् तयेमाः, अनंलि फुक्‍क खलकं वयात ल्‍वहँतं कय्‌काः स्‍यायेमाः।

गलाती 5:12

छिमित स्‍यंकेत स्‍वःपिं मनूतय्‌सं म्‍हय् चिं तयेगु जक मखु म्‍ह भज्‍यंक हे स्‍यंकूसां ज्‍यू नि।

व्‍यवस्‍था 13:10

वयात ल्‍वहँतं कय्‌काः स्‍यायेमाः, छाय्‌धाःसा वं छिमित दासत्‍वया देश मिश्रं पित हयादीम्‍ह परमप्रभु छिमि परमेश्‍वरपाखें हीकाः मेखेपाखे यंकेगु कुतः यात।

व्‍यवस्‍था 13:11

थथे जूगुलिं सकल इस्राएलीत थ्‍व खँ न्‍यनाः ग्‍याइ, अले थज्‍याःगु मभिंगु ज्‍या छिमिगु दथुइ गुबलें याइ मखु।

व्‍यवस्‍था 17:5

सु मिसा वा मिजंनं थज्‍याःगु मभिंगु ज्‍या याःगु खः, व मिसा वा मिजंयात शहरया मू ध्‍वाखाय् हयाः ल्‍वहँतं कय्‌काः स्‍या।

व्‍यवस्‍था 21:21

अले व शहरया फुक्‍क मिजंतय्‌सं वयात ल्‍वहँतं कय्‌काः स्‍यायेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः। अले सकलें इस्राएलीत थ्‍व खँ न्‍यनाः ग्‍याइ।

२ थेसलोनिकी 1:6

छिमित दुःखकष्‍ट ब्‍यूपिन्‍त वय्‌कलं दुःखकष्‍ट बियादी। परमेश्‍वर न्‍याय यानादीम्‍ह खः।

हिब्रू 12:15

होश या, सुनानं परमेश्‍वरयागु दया माया काये मखंकाः च्‍वने म्‍वाःलेमा। मखुसा, बिख मां नुगलय् हा कयाः छिमित स्‍यंकाबी।

यहोशू 6:18

“तर देछाःगु छुं नं छिमिसं काये मते, मखुसा काःम्‍हय्‌सित हे नाश याइ। उपिं मध्‍ये छुं काल धाःसा छिमिसं इस्राएलीतय्‌गु छाउनीइ दुःख व नाश हइ।

यहोशू 7:15

देछायेमाःगु धनमालनापं ज्‍वनीम्‍हय्‌सित व वयाके दुगु फुक्‍क मिइ छ्वय्‌काछ्व। छाय्‌धाःसा वं परमप्रभुयागु बाचा त्‍वाथूगु दु अले वं इस्राएलय् घच्‍चाइपुगु ज्‍या याःगु दु।’”

१ शमूएल 14:29

जोनाथनं धाल, “जिमि बौनं देय्‌या निंतिं हानि यानादीगु दु। स्‍व, जि थ्‍व कस्‍ति नये धुंकाः बल वःगु दु।