यहोशू 7:15 - नेवाः बाइबल

¹⁵ देछायेमाःगु धनमालनापं ज्‍वनीम्‍हय्‌सित व वयाके दुगु फुक्‍क मिइ छ्वय्‌काछ्व। छाय्‌धाःसा वं परमप्रभुयागु बाचा त्‍वाथूगु दु अले वं इस्राएलय् घच्‍चाइपुगु ज्‍या याःगु दु।’”

यहोशू 7:15 ပူးပေါင်းရင်းမြစ်များ

उत्‍पत्ति 34:7

याकूबया काय्‌पिं नं जूगु खँ न्‍यनाः नुगः मछिंकाः तमं मि जुयाः छेँय् लिहां वल। छाय्‌धाःसा याकूबया म्‍ह्याय्‌यात स्‍यंकाः शकेमं याये मज्‍यूगु ज्‍या याःगु व इस्राएलयात हे बेइज्‍जत याःगु खः।

२ शमूएल 13:13

मनूतय्‌थाय् जिं थःगु ख्‍वाः गय् यानाः क्‍यना जुइगु? अले मनूतय्‌त छिं थःगु बारे छु धयादी? फुक्‍क इस्राएलीतय् दथुइ छि मभिंम्‍ह व मूर्खम्‍ह जुइ। छिसं जुजुनापं खँ ल्‍हानादिसँ अले जितः छिनाप ब्‍याहा यानाबीत वय्‌कः मानय् जुइ।”

यहोशू 7:11

इस्राएलं पाप याःगु दु। जिं इपिंलिसें चिनागु बाचा इमिसं त्‍वाथूगु दु। देछायेमाःगु धनमालं इमिसं छुं काःगु दु, इमिसं खुया काःगु दु। इमिसं मखुगु खँ ल्‍हानाः उकियात थःगु धनमालनापं तःगु दु।

यहोशू 7:16

यहोशूं सुथ न्‍हापां दनाः इस्राएलीतय्‌त कुल कुल यानाः न्‍ह्यःने हल, व यहूदाया कुलयात क्‍यन।

न्‍यायकर्ता 20:10

झीसं इस्राएलया फुक्‍क कुलं झिम्‍हय् छम्‍ह मनूयात सिपाइँतय्‌गु निंतिं नयेगु सामान तयार यायेत काये। अले सेना बेन्‍यामीनया गिबाय् वये धुंकाः इमिसं इस्राएलय् याःगु फुक्‍क क्‍वह्यंगु ज्‍याया निंतिं गिबाय् च्‍वंपिन्‍त सजाँय बी।”

न्‍यायकर्ता 20:5

उखुन्‍हु चान्‍हय् गिबायापिं मनूतय्‌सं जितः स्‍यायेगु बिचालं जि च्‍वनागु छेँयात घेरय् यात। इमिसं जिमि मथ्‍याःम्‍ह कलाःयात जबरजस्‍ती यात अले व सित।

न्‍यायकर्ता 20:6

जिं थः मथ्‍याःम्‍ह कलाःयात कयाः वयागु सीम्‍हयात कुचा कुचा यानाबिया अले छकु छकु इस्राएलया झिंनिगू कुलयाथाय् छ्वयाः छाय्‌धाःसा इमिसं इस्राएलय् थज्‍याःगु क्‍वह्यंगु व इज्‍जत कायेगु ज्‍या यात।

१ शमूएल 26:21

अनंलि शाऊलं लिसः बिल, “जिं पाप यानागु दु, लिहां वा! हे जिकाय् दाऊद, थौंया न्‍हिइ छं जिगु प्राण तसकं मू वंगु ताय्‌का जितः बचय् यात। आवंलि जिं गुबलें नं छंगु हानि याये मखु। जि मूर्खम्‍ह खः, जिं द्वंकागु दु।”