यहोशू 7:13 - नेवाः बाइबल

¹³ “हुँ! मनूतय्‌त शुद्ध या। इमित थथे धा, ‘कन्‍हय्‌या लागि थःत शुद्ध या। छाय्‌धाःसा परमप्रभु इस्राएलयाम्‍ह परमेश्‍वरं थथे धयादी, हे इस्राएल, देछायेमाःगु छुं धनमाल छिमिके दु। छिमिसं उकियात चीका मछ्वतले छिपिं शत्रुतय्‌गु न्‍ह्यःने दने फइ मखु।

यहोशू 7:13 ပူးပေါင်းရင်းမြစ်များ

उत्‍पत्ति 34:27

याकूबया मेपिं काय्‌पिन्‍सं वयाः शहरय् लुटे यात। थुकथं इमिसं थः केहेँयात बेइज्‍जत याःगुया बदला काल।

२ इतिहास 28:10

आः छिमि यहूदा व यरूशलेमयापिं मिजंत व मिस्‍तय्‌त थः दास दासी दय्‌के मास्‍ति वः। अथे याःसा छु छिपिं नं परमप्रभु छिमि परमेश्‍वरया न्‍ह्यःने दोषी मजुइ ला?

मत्ती 7:5

थःगु हे मिखाय् च्‍वंगु सुपः मखंम्‍हय्‌सिनं छिमि किजाया मिखाय् च्‍वंगु धू लिकयाबी धकाः गथे धाये फइ? हे निपाः ख्‍वाःपाः दुपिं, न्‍हापां थःगु मिखाय् च्‍वंगु सुपः निं लिका। अले तिनि कर्पिनिगु मिखाय् च्‍वंगु धू खंकाः लिकाये फइ।

व्‍यवस्‍था 13:6

छिमि थः हे दाजुकिजा, काय्‌म्‍ह्याय्, कलाः वा मिलय् जूम्‍ह पासां “छिमिसं व छिमि पुर्खातय्‌सं म्‍हमस्‍यूपिं द्यःतय्‌त पुजा याये नु” धकाः छिमित हेय्‌कल धाःसा

यहोशू 3:5

यहोशूं मनूतय्‌त थथे धाल, “छिमिसं थःत शुद्ध या, छाय्‌धाःसा कन्‍हय् परमप्रभुं छिमिगु दथुइ अजू चाइपुगु ज्‍या यानादी।”

यहोशू 6:18

“तर देछाःगु छुं नं छिमिसं काये मते, मखुसा काःम्‍हय्‌सित हे नाश याइ। उपिं मध्‍ये छुं काल धाःसा छिमिसं इस्राएलीतय्‌गु छाउनीइ दुःख व नाश हइ।

यहोशू 7:11

इस्राएलं पाप याःगु दु। जिं इपिंलिसें चिनागु बाचा इमिसं त्‍वाथूगु दु। देछायेमाःगु धनमालं इमिसं छुं काःगु दु, इमिसं खुया काःगु दु। इमिसं मखुगु खँ ल्‍हानाः उकियात थःगु धनमालनापं तःगु दु।