यहोशू 6:9 - नेवाः बाइबल

⁹ छपुचः सेना तुरही पुइपिं पुजाहारीतय्‌गु न्‍ह्यः न्‍ह्यः न्‍यासि वन, छपुचः सेना बाचा चिनादीगु सनूया ल्‍यूल्‍यू वन। पुजाहारीत फैया नेकूया तुरही पुपुं वनाच्‍वन।

यहोशू 6:9 ပူးပေါင်းရင်းမြစ်များ

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

गन्‍ती 10:25

दक्‍वसिबय् लिपा दानया छाउनीया पुचः थःगु झण्‍डा ज्‍वनाः न्‍ह्यात। अम्‍मीशद्दैया काय् अहीएजेर इमि न्‍ह्यलुवाः खः।

यहोशू 6:10

यहोशूं मनूतय्‌त थथे धकाः उजं ब्‍यूगु खः, “हाले मते! जिं मधातले म्‍हुतुं छसः नं पिकाये मते, जिं ‘हा!’ धाइबलय् जक हा।”

यहोशू 6:13

फैया नेकूया न्‍हय्‌पु तुरही ज्‍वनाच्‍वंपिं न्‍हय्‌म्‍ह पुजाहारीत परमप्रभुयागु सनूया न्‍ह्यः न्‍ह्यः फैया नेकूया तुरही पुपुं न्‍यासि वन। छपुचः सेना इमिगु न्‍ह्यःने अले छपुचः सेना सनूया ल्‍यूल्‍यू वन। पुजाहारीत तुरही पुपुं न्‍यासि वन।

यहोशू 6:8

यहोशूं थ्‍व खँ मनूतय्‌त धाये धुंकाः न्‍हय्‌म्‍ह पुजाहारीत फैया नेकूया न्‍हय्‌पु तुरही पुपुं परमप्रभुया न्‍ह्यःने न्‍ह्यज्‍यात, अले परमप्रभुया बाचा चिनादीगु सनू इमिगु ल्‍यूल्‍यू वन।