यहोशू 6:5 - नेवाः बाइबल

⁵ ताःई तक फैया नेकूया तुरही पुयाच्‍वंगु छिमिसं ताइबलय् फुक्‍क मनूत तस्‍सलं हालेमाः, अले शहरया पखाः क्‍वय् थ्‍यंक दुनी। अले फुक्‍क मनूत थथःगु न्‍ह्यःने तप्‍यंक न्‍ह्यज्‍यानावनेमाः।”

यहोशू 6:5 ပူးပေါင်းရင်းမြစ်များ

प्रस्‍थान 19:19

अले तुरहीयागु सः झन तःसः जुयावल। मोशां न्‍ववात व परमेश्‍वरं वयात नँ न्‍याःगु सलं लिसः बियादिल।

यशैया 25:12

छंगु तःतज्‍जाःगु किल्‍लात दुगु पःखात वय्‌कलं थुनादी, अले उमित बँय् धुलय् वान्‍छ्‌वयादी।

यशैया 30:25

व यक्‍व स्‍यायेगु दिंखुन्‍हु धरहरात क्‍वःदलीबलय् फुक्‍क ततःजाःगु पर्वतत व फुक्‍क डाँडाय् लःया खुसिबाः न्‍ह्याइ।

यर्मिया 50:15

वयागु प्‍यखेरं च्‍वनाः तःसलं हा! वं थःत लःल्‍हाइ। वयागु धरहरात क्‍वःदली, वयागु पःखाःयात थुनाबी। वयात बदला का, छाय्‌धाःसा परमप्रभुया बदला थ्‍व हे खः। वं मेपिन्‍त गथे यात वयात नं अथे हे या।

हिब्रू 11:30

विश्‍वासं हे न्‍हय्‌न्‍हु तक चाः हुले धुंकाः यरीहोया पःखाः दुनावन।

यहोशू 6:16

न्‍हय्‌कःया पालय् पुजाहारीतय्‌सं फैया नेकूया तुरही पूबलय् यहोशूं मनूतय्‌त धाल, “हा! छाय्‌धाःसा परमप्रभुं छिमित थ्‍व शहर बियादीगु दु।

यहोशू 6:20

पुजाहारीतय्‌सं फैया नेकूया तुरही पुल। उकिया सः न्‍यनेवं मनूत तस्‍सलं हाल। अबलय् हे शहरया पःखाः क्‍वय् थ्‍यंक हे दुन। उकिं फुक्‍क मनूत तप्‍यंक न्‍हज्‍यात अले शहरय् दुहां वनाः उकियात त्‍याका काल।

यहोशू 6:4

न्‍हय्‌म्‍ह पुजाहारीत फैया नेकूया न्‍हय्‌पु तुरही ज्‍वनाः बाचा चिनादीगु सनूया न्‍ह्यः न्‍ह्यः न्‍यासि वनेमाः। न्‍हय्‌न्‍हु खुन्‍हु छिमिसं व शहर न्‍हय्‌कः तक चाःहिला च्‍वंबलय् पुजाहारीतय्‌सं तुरही पुइमाः।

यहोशू 6:6

अथे जुयाः नूनया काय् यहोशूं पुजाहारीतय्‌त सःताः धाल, “परमप्रभुया बाचा चिनादीगु सनू क्‍वब्‍यु, अले न्‍हय्‌म्‍ह पुजाहारी फैया नेकूया न्‍हय्‌पु तुरही ज्‍वनाः थुकिया न्‍ह्यःने न्‍यासि वनेमाः।”

न्‍यायकर्ता 20:37

इपिं सुलाच्‍वंपिं मनूतय्‌सं गिबाय् आकाझाकां हमला यात, अले प्‍यखेरं न्‍यनावनाः अन दुपिं सकसितं स्‍यात।

१ शमूएल 17:20

दाऊद कन्‍हय् खुन्‍हु सुथ न्‍हापां दनाः फैत मेम्‍ह मनूयात स्‍वयाच्‍वँ धकाः धाल, नयेगु नसा ज्‍वनाः यिशैनं धाथें बिदा जुयाः वन। उबलय् इस्राएलीत पालं पिहां वयाः लडाइँया निंतिं ततःसलं हालाः लडाइँ यायेगु ख्‍यलय् वनाच्‍वंबलय् व अन हे थ्यन।

१ शमूएल 17:52

अनंलि इस्राएल व यहूदाया मनूत तःसलं हा हां इमिगु ल्‍यूल्‍यू वन अले इमित गात व एक्रोनया मू ध्‍वाखाय् तक हे लिनायंकल। शारैमपाखें गात व एक्रोन वनेगु लँय् उखेंथुखें इमिगु सीम्‍ह जक जुल।

१ शमूएल 4:5

बाचाया सनू छाउनिइ थ्‍यनेवं फुक्‍क इस्राएलीत ततःसलं हालहल। गुकिं यानाः पृथ्‍वी हे लिगिलिगि सन।