यहोशू 6:27 - नेवाः बाइबल

²⁷ थथे परमप्रभु यहोशूलिसें च्‍वनादिल व वयागु नां देशन्‍यंक बय्‌बय् जुल।

यहोशू 6:27 ပူးပေါင်းရင်းမြစ်များ

उत्‍पत्ति 39:21

परमप्रभु व नाप हे दी। वय्‌कलं वयात दया यानाः झ्‍यालखानाया हाकिमयात वयात माया याइम्‍ह यानादिल।

२ शमूएल 7:9

छ गन वन, जि छनापं च्‍वना, अले जिं छिमि फुक्‍क शत्रुतय्‌त छंगु न्‍ह्यःनेनं चीकाबिया। आः जिं छन्‍त पृथ्‍वीयापिं नांजाःपिं मनूत मध्‍ये छम्‍ह दय्‌काबी।’”

१ इतिहास 14:17

थथे दाऊदया नां फुक्‍क थासय् थ्‍यन। अले परमप्रभुं फुक्‍क जातियात वयागु भय काइपिं दय्‌कादिल।

एस्‍तर 9:4

मोर्दकै दरबारयाम्‍ह छम्‍ह मू मनू जुल अले वया शक्ति व मान अप्‍वया वन अले वया नां फुक्‍क प्रान्‍तय् बय्‌बय् जुल।

मत्ती 14:1

थुबलय् हे गालीलया जुजु हेरोदं येशूयागु खँ न्‍यनाः

मत्ती 18:20

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

व्‍यवस्‍था 31:6

बल्‍ला व साहसी जु। इपिंलिसें ग्‍याये मते वा थरथर खाये मते। छाय्‌धाःसा परमप्रभु छिमि परमेश्‍वर हे छिपिंलिसें झाइ। वय्‌कलं छिमित गुबलें त्‍वःतादी मखु, अले त्‍यागय् यानादी मखु।”

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

२ तिमोथी 4:22

प्रभु छंगु नुगलय् दीमा। परमेश्‍वरं छिमित दया माया यानादीमा।

यहोशू 1:5

छ म्‍वानाच्‍वंतले छंगु विरोधय् सुं दनाच्‍वने फइ मखु। गथे जि मोशानापं च्‍वना, अथे हे जि छनापं च्‍वने। जिं छन्‍त गुबलें त्‍वःते मखु, गुबलें त्‍यागय् याये मखु।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 9:1

यर्दनया पच्‍छिमपाखे पहाडी देशय् व पच्‍छिमया फेदीइ अले लेबनान तक भूमध्‍यसागरया सिथय् च्‍वनिपिं फुक्‍क हित्ती, एमोरी, कनानी, परिज्‍जी, हिव्‍वी व यबूसी जुजुपिन्‍सं थ्‍व खँ न्‍यनाः

यहोशू 9:3

गिबोनयापिं मनूतय्‌सं धाःसा यहोशूं यरीहो व ऐयात छु याःगु खः व न्‍यने धुंकाः

यहोशू 9:9

इमिसं लिसः बिल, “जिपिं छिम्‍ह दासत यक्‍व तापाःगु देशं परमप्रभु छिमि परमेश्‍वरयागु नां न्‍यनाः वयागु खः, छाय्‌धाःसा जिमिसं वय्‌कलं मिश्र देशय् यानादीगु फुक्‍क ज्‍याया बारे न्‍यनागु दु।

न्‍यायकर्ता 1:19

परमप्रभुं यहूदाया मनूतय्‌त ग्‍वाहालि बियादिल। इमिसं पहाडी देश त्‍याका काल। अय्‌नं इमिसं क्‍वय् लाःगु माथंवंगु थासय् च्‍वंपिं मनूतय्‌त ख्‍याना छ्वये मफुत छाय्‌धाःसा इमिके नँयागु रथत दु।

१ शमूएल 18:14

परमप्रभु व नापं दीगुलिं वं याःगु न्‍ह्यागु ज्‍याय् नं व ताःलात

१ शमूएल 2:30

“अथे जुयाः इस्राएलया परमप्रभु परमेश्‍वरं धयादी, ‘छिमि पुर्खां व छिमि परिवारं न्‍ह्याबलें जिगु न्‍ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्‍यूगु खः। जितः हनाबना याइपिन्‍त जिं हनाबना याये अले जितः हेला याइपिन्‍त जिं नं हेला याये।