यहोशू 6:26 - नेवाः बाइबल

²⁶ उबलय् यहोशूं थथे धकाः पाफय्‌कल, “सुनानं यरीहो शहरयात हाकनं दय्‌केगु कुतः यात धाःसा वयात परमप्रभुया सराः लाइ। उकियागु जग तइम्‍ह मनूया दकलय् न्‍हापां बूम्‍ह काय् सी, उकियागु ध्‍वाखा दय्‌कीम्‍ह मनूया चिधिकःम्‍ह काय् सी।”

यहोशू 6:26 ပူးပေါင်းရင်းမြစ်များ

१ राजा 16:34

आहाबया इलय् बेथेलया हीएलं यरीहोयात हाकनं दय्‌कल। परमप्रभुं नूनया काय् यहोशूपाखें धयादीगु वचन थें हीएलं यरीहोयागु जग तःबलय् वया न्‍हापां बूम्‍ह काय् अबीराम सित, अले शहरया ध्‍वाखा तःबलय् वया चिधिकःम्‍ह काय् सगूब सित।

१ राजा 22:16

आहाबं वयात धाल, “परमप्रभुया नामय् छु सत्‍य खः जितः व जक धा धकाः जिं छन्‍त ग्‍वकः पाफय्‌केगु?”

२ राजा 2:4

अनंलि एलियां एलीशायात धाल, “छ थन हे च्‍वँ, परमप्रभुं जितः यरीहोय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” अले उपिं निम्‍हनापं यरीहोय् वन।

मलाकी 1:4

एदोमीतय्‌सं धया जुइफु, “झीपिं नाश जुइ धुंकूसां झीसं उपिं शहरत हाकनं दय्‌के।” दक्‍व शक्ति दुम्‍ह परमप्रभुं धाःसा थथे धयादी, “इमिसं हाकनं दय्‌कूसां जिं उपिं स्‍यंकाबी। मनूतय्‌सं एदोमयात दुष्‍ट देश धकाः धाइ। परमप्रभु इपिं लिसे न्‍ह्याबलें तंचायादी धकाः मनूतय्‌सं धाइ।

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

प्रेरित 19:13

थ्‍व खनाः चाचाःहिलाः झाँक्री ज्‍या यानाजुइपिं यहूदीतय्‌सं नं येशूयागु नामं थथे धयाः भूतआत्‍मा पितिनाछ्वयेत सना जुल – “पावलं न्‍यंका जूम्‍ह येशूया नामं जिं छन्‍त पिहां वनेत उजं बियाच्‍वना।”

यहोशू 16:7

अले थ्‍व यानोहंनिसें अतारोत व नारा तक क्‍वहां वयाः यरीहो जुयाः यर्दनय् थ्‍यन।