यहोशू 6:25 - नेवाः बाइबल

²⁵ राहाब वेश्‍या, वया बौया छेँजः अले वनापं दुपिं फुक्‍कसित धाःसा यहोशूं मस्‍यासे त्‍वःताबिल। छाय्‌धाःसा यरीहोय् चिवा कायेत छ्वःपिं मनूतय्‌त वं सुचुकातःगु खः। थौं तक नं व इस्राएलीतय्‌गु दथुइ च्‍वनाच्‍वंगु दु।

यहोशू 6:25 ပူးပေါင်းရင်းမြစ်များ

मत्ती 1:5

सल्‍मोनया काय् बोअज खः। बोअजया मां राहाब खः। बोअजया काय् ओबेद खः। ओबेदया मां रूथ खः। ओबेदया काय् यिशै,

प्रेरित 2:21

अबलय् परमप्रभुयागु नां काइपिनिगु उद्धार जुइ।’”

हिब्रू 11:31

विश्‍वासं हे राहाब धाःम्‍ह वेश्‍या परमेश्‍वरयात मानय् मयाःपिं नाप सिनावने म्‍वाःल, छाय्‌धाःसा वं चिवा काय्‌के छ्वयाहःपिं मनूतय्‌त लसकुस यात।

याकूब 2:25

अथे हे राहाब धाःम्‍ह छम्‍ह मिसा वेश्‍या नं देशयागु फुक्‍क खँ सीकेत वःपिं यहूदी मनूतय्‌त बाय् बियाः बिसिके छ्वःगुलिं हे ला खः नि धर्मी जूगु।

यहोशू 2:1

अनंलि नूनया काय् यहोशूं शित्तीमं निम्‍ह जासूसतय्‌त सुनां मसीक थथे धयाः छ्वत, “हुँ, व देशयात बांलाक स्‍व, खास यानाः यरीहो शहरयात।” अथे जुयाः इपिं वन। राहाब नांयाम्‍ह छम्‍ह वेश्‍याया छेँ दुहां वनाः अन हे बाय् च्‍वन।

यहोशू 2:18

तर छं थथे यायेमाः, जिपिं थ्‍व देशय् वयाबलय् गुगु झ्‍यालं छं जिमित क्‍वकाःगु खः व झ्‍यालय् थ्‍व ह्याउँगु खिपः छपु चिना तयेमाः। अले छिमि मां-बौ, दाजुकिजा व छिमि बौया फुक्‍क परिवारयात थ्‍व हे छेँय् मुंकातयेमाः।

यहोशू 2:4

तर व मिसां उपिं निम्‍ह मनूतय्‌त यंकाः सुचुकातःगु खः। वं धाल, “खः, इपिं मनूत जिथाय् वःगु खः, तर इपिं गनं वःगु खः धइगु जिं मस्‍यू।

यहोशू 2:6

(वं इमित तलय् कःसि यंकाः अन गंकातःगु तिसिमाया दंया क्‍वय् सुचुकातःगु खः।)

यहोशू 4:9

यर्दनया दथुइ बाचा चिनादीगु सनू क्‍वबियाच्‍वंपिं पुजाहारीत दनाच्‍वंगु थासय् यहोशूं नं झिंनिगः ल्‍वहं थन, उपिं आः तक नं अन हे दनी।