यहोशू 6:18 - नेवाः बाइबल

¹⁸ “तर देछाःगु छुं नं छिमिसं काये मते, मखुसा काःम्‍हय्‌सित हे नाश याइ। उपिं मध्‍ये छुं काल धाःसा छिमिसं इस्राएलीतय्‌गु छाउनीइ दुःख व नाश हइ।

यहोशू 6:18 ပူးပေါင်းရင်းမြစ်များ

२ शमूएल 21:1

दाऊदं शासन यानाच्‍वंगु इलय् स्‍वदँ ति अनिकाल जुल। अनंलि दाऊदं परमप्रभुयात मालेगु यात। अले परमप्रभुं धयादिल, “शाऊल व वया घरानाय् हिया द्वपं लाःगु दु, छाय्‌धाःसा वं गिबोनीतय्‌त स्‍याःगु खः। अथे जुयाः अनिकाल जूगु खः।”

उपदेशक 9:18

लडाइँया ल्‍वाभःत स्‍वयाः बुद्धि हे भिं जू, तर छम्‍ह पापीं यक्‍व भिंगु ज्‍यायात नाश याइ।

योना 1:12

“जितः समुद्रय् वांछ्वयाब्‍यु, अले थ्‍व वाफय् दी। जिं स्‍यू जिं यानाः छिपिं थ्‍व वाफसय् लाःगु खः” वं धाल।

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

एफिसी 5:11

खिउँथाय् जुयाच्‍वंपिनिगु ज्‍याखं तापाक हे च्‍वँ, बरु इमिसं यानाच्‍वंगु ज्‍या मभिं धकाः क्‍यनाब्‍यु।

व्‍यवस्‍था 13:17

थथे देछाय्‌ मज्‍यूगु छुं नं यंके मते। थथे याःसा परमप्रभुया तं क्‍वलानाः वय्‌कलं छिमित दया माया यानाः छिमि पुर्खालिसें पाःफयादीगु थें छिमिगु ल्‍याः अप्‍वः दय्‌काबी।

व्‍यवस्‍था 23:10

सुं मिजं म्‍हगसय्‌या खं विधिकथं अशुद्ध जूगु दुसा व छाउनीं पिने पिहां वनेमाः अले न्‍हिच्‍छि व अन हे च्‍वनेमाः।

व्‍यवस्‍था 7:26

छिमिसं घच्‍चाइपुगु मूर्ति थःगु छेँय् हये मते, मखुसा छिमित नं व थें नाशया लागिं देछाइ। छिपिं थज्‍याःगु मूर्ति खनाः घच्‍चायेमाः, छाय्‌धाःसा व नाशया लागि देछायेमाःगु खः।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।

यहोशू 7:1

तर देछायेमाःगु धनमालया बारे इस्राएलीत विश्‍वास यायेबहः मजुल, यहूदा कुलयाम्‍ह जेरहया छुइ, जब्‍दीया छय् व कर्मीया काय् आकानं देछायेमाःगु धनमालं छुं काल। अथे जुयाः इस्राएलीत खनाः परमप्रभु तसकं तंचायादिल।

यहोशू 7:13

“हुँ! मनूतय्‌त शुद्ध या। इमित थथे धा, ‘कन्‍हय्‌या लागि थःत शुद्ध या। छाय्‌धाःसा परमप्रभु इस्राएलयाम्‍ह परमेश्‍वरं थथे धयादी, हे इस्राएल, देछायेमाःगु छुं धनमाल छिमिके दु। छिमिसं उकियात चीका मछ्वतले छिपिं शत्रुतय्‌गु न्‍ह्यःने दने फइ मखु।

यहोशू 7:15

देछायेमाःगु धनमालनापं ज्‍वनीम्‍हय्‌सित व वयाके दुगु फुक्‍क मिइ छ्वय्‌काछ्व। छाय्‌धाःसा वं परमप्रभुयागु बाचा त्‍वाथूगु दु अले वं इस्राएलय् घच्‍चाइपुगु ज्‍या याःगु दु।’”

यहोशू 7:25

यहोशूं धाल, “छं छाय् जिमित दुःख बियागु? थौं परमप्रभुं छन्‍त दुःख बियादी।” अले फुक्‍क इस्राएलीतय्‌सं वयात ल्‍वहँतं कय्‌कल। वया छेँजः व सम्‍पत्तियात नं ल्‍वहँतं कय्‌काः छ्वय्‌काबिल।

१ यूहन्‍ना 5:21

उकिं अय् जि यःपिं मस्‍त, मूर्ति पुजापाखें तापाक च्‍वँ।

१ शमूएल 15:9

तर शाऊल व वया सिपाइँतय्‌सं अगाग जुजुयात बचय् यात अले वया बांबांलाःपिं फै व सा द्वहं, ल्‍ह्वपिं साचा व भ्‍याःचा, गुलिखय् भिंगु भिंगु खँत धाःसा नाश मयासें तया तल। तर ज्‍याख्‍यलय् मजूगु व मू मवंगु फुक्‍क भज्‍यंक नाश यानाछ्वल।