यहोशू 5:6 - नेवाः बाइबल

⁶ मिश्र त्‍वःतूबलय् लडाइँलय् वनेफुगु उमेर दुपिं फुक्‍क मनूतय्‌सं परमप्रभुया उजं मानय् मयाःगुलिं इपिं मसितले इस्राएलीत पिइदँ तक चाचाःहिला जुल। छाय्‌धाःसा दुरु व कस्‍ति बाः वयाच्‍वंगु देश झीत बी धकाः इमि पुर्खातलिसें पाफयाः बचं बियादीगु देश इमित खंकेबी मखु धकाः वय्‌कलं पाफयादीगु खः।

यहोशू 5:6 ပူးပေါင်းရင်းမြစ်များ

भजनसंग्रहया सफू 107:4

छुं मनूत लँ लुइके मफइगु मरुभूमिइ चाचाःहिला जुल, इमिसं च्‍वनेत शहर मालाजुल अय्‌नं इमिसं लुइके मफुत।

प्रस्‍थान 3:17

अले जिं छिमित मिश्रीतय्‌सं याःगु दुःखं लिगनाः दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् यंकेत क्‍वःछिनागु दु।’

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

इजकिएल 20:15

हाकनं जिं इमित बियागु मरुभूमिइ “दुरु व कस्‍ति बाः वयाच्‍वंगु अले फुक्‍क देशत स्‍वयाः बांलाःगु देशय् जिं इमित हये मखु” धकाः इपिंलिसें पाफया,

इजकिएल 20:6

उखुन्‍हु हे जिं इपिंलिसें जिं इमित मिश्र देशं लिगनाः हयाः जिं इमिगु निंतिं ल्‍ययागु छगू देशय् हये धकाः नं पाफया। व मेगु फुक्‍क देश स्‍वयाः बांलाः, अन दुरु व कस्‍ति बाः वयाच्‍वंगु।

योएल 3:18

“व दिंखुन्‍हु पहाडं तसकं साःगु दाखमद्य ज्‍वया वइ। अले डाँडाय् दुरु बाः वइ। यहूदाया फुक्‍कं खुसिचाय् लः बा वइ। परमप्रभुया देगलय् लःया मूल तज्‍यानाः लः पिहां वयाः शित्तीमया बेँसीयात प्‍याकी।

गन्‍ती 14:23

जिं थुमि पुर्खायात बी धकाः पाफयाः बचं बियागु देश स्‍वये खनी मखु। जितः हेला याइपिं सुनानं व देश गुबलें खनी मखु।

गन्‍ती 26:63

मोशा व एलाजार पुजाहारीपाखें ल्‍याःखाःपिं थुपिं हे खः। इमिसं इस्राएलीतय्‌त यरीहो शहरया उखे यर्दन खुसिया सिथय् मोआबया ख्‍यलय् ल्‍याः खाःगु खः।

व्‍यवस्‍था 1:3

इमिसं मिश्र त्‍वःतूगु पिइगूगु दँया झिंछगूगु लाया न्‍हापांगु दिनय् मोशां परमप्रभुं इस्राएलीतय्‌त धा धकाः धयादीगु फुक्‍क आज्ञा इमित धाल।

व्‍यवस्‍था 2:14

कादेश-बर्ने त्‍वःता वयाः जेरेद खुसि छिनाबलय् तक झीत स्‍विच्‍यादँ बित। थ्‍व इलय् परमप्रभुं पाफयादीगु थें झीगु छाउनीं व पुस्‍तायापिं सकलें लडाइँ याइपिं मनूत नाश जुल।

व्‍यवस्‍था 2:7

परमप्रभु परमेश्‍वरं छिमित ल्‍हातं यायेगु फुक्‍क ज्‍याय् सुवाः बियादीगु दु। वय्‌कलं छिमित थ्‍व तःधंगु मरुभूमिया यात्रा दुच्‍छि बिचाः यानादीगु दु। थुपिं पिइदँया इलय् परमप्रभु परमेश्‍वर छिपिंनापं च्‍वनादीगु दु। अले छिमित छुं नं मगाःमचाः जूगु मदु।

व्‍यवस्‍था 8:4

थुपिं पिइदँ तक छिमिगु वसः मगू अले छिमिगु तुति मना मवः।

हिब्रू 3:11

अय्‌जूगुलिं जिं तमं पाफयाः थथे धया – ‘छिमिसं गुबलें नं जिं बीगु आराम काये खनी मखु।’”

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

यहोशू 24:7

इमिसं परमप्रभुयात ग्‍वाहालि फ्‍वन अले वय्‌कलं इपिं व मिश्रीतय्‌गु दथुइ खिउँसे च्‍वंकादिल। वय्‌कलं समुद्रं इमित त्‍वपुयाबिल। जिं मिश्रीतय्‌त छु यानाः व छिमिसं थःगु हे मिखां खन। अनंलि छिपिं मरुभूमिइ यक्‍व दिं तक च्‍वन।

यहोशू 5:5

मिश्रं पिहांवःपिं इपिं फुक्‍क मिजंतय्‌गु म्‍हय् चिं तये धुंकूगु खः, तर मिश्रं वये धुंकाः मरुभूमिया लँय् बूपिं मिजंमस्‍तय्‌गु धाःसा म्‍हय् चिं तःगु मदुनि।

यहोशू 5:7

अथे जुयाः वय्‌कलं इमिगु थासय् इमि काय्‌पिन्‍त ब्‍वलंकादिल, लँय् थुमिगु म्‍हय् गुबलें चिं मतःगुलिं यहोशूं इमिगु म्‍हय् चिं तय्‌कल।