यहोशू 5:2 - नेवाः बाइबल

² उबलय् परमप्रभुं यहोशूयात धयादिल, “चोल्‍वहंया चुपित दय्‌काः इस्राएलीतय्‌गु म्‍हय् चिं तयाब्‍यु।”

यहोशू 5:2 ပူးပေါင်းရင်းမြစ်များ

प्रस्‍थान 4:25

सिप्‍पोरां छगः च्‍वामुगु ल्‍वहं कयाः थः काय्‌यागु च्‍वफायेगुलिइ च्‍वंगु छेंगू ध्‍यनाः मोशायागु तुतिइ थीका बिल। अले वं धाल, “छ धात्‍थें हिं स्‍वापु तःम्‍ह जिमि भाःत जुल।”

रोमी 2:29

दुनेंनिसें यहूदी जुया जूपिं हे जक यहूदी खः। अले धात्‍थेंयागु चिं नुगलय् च्‍वंगु चिं खः। थ्‍व चिं च्‍वयातःगु नियमं तःगु मखु, आत्‍मां तयादीगु खः। थज्‍याःपिन्‍त तःधंकीपिं मनूत मखु, बरु परमेश्‍वर खः।

रोमी 4:11

थथे चिं तये न्‍ह्यः हे विश्‍वासं यानाः वं धर्मी ठहरय् जुइगु छाप अथवा चिं काल। चिं मतःसां धर्मी ठहरय् जू धकाः परमेश्‍वरं धायेका जुइ धुंकूपिं सकल मनूतय् अबु यायेत वयात थथे यानादीगु खः।

व्‍यवस्‍था 10:16

अथे जुयाः थथःगु मन हीकि, आवंलि जिराहा जुइ मते।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।

यहोशू 5:3

उकिं यहोशूं चोल्‍वहंया चुपि दय्‌काः गिबियथ-हाअरालोथय् इस्राएलीतय्‌गु म्‍हय् चिं तयाबिल।