यहोशू 5:14 - नेवाः बाइबल

¹⁴ व मनुखं धाल, “मखु, जि ला आः परमप्रभुया सेनाया कप्‍तान जुयाः वयागु दु।” अनंलि यहोशूं बँय् भ्‍वसुलाः भागि यात अले वयात न्‍यन, “जिमि प्रभुं, थः दासयात छु धयादी?”

यहोशू 5:14 ပူးပေါင်းရင်းမြစ်များ

उत्‍पत्ति 17:17

अब्राहाम बँय् भ्‍वपुल। अले मनं मनं थथे धयाः न्‍हिल, “सच्‍छिदँ (१००) दुम्‍ह मनूपाखें नं सन्‍तान दइ ला? गुइदँ दये धुंकाः नं सारां मचा बुइकी ला?”

उत्‍पत्ति 17:3

अब्राम बँय् भ्‍वपुल। परमेश्‍वरं धयादिल,

२ शमूएल 7:19

हे परमप्रभु परमेश्‍वर, थ्‍व छिगु मिखाय् चिधंगु खँ जुल, छाय्‌धाःसा छिं थःदासया घरानाया लिपा वइगु ईया बारे धयादिल। हे परमप्रभु परमेश्‍वर, छिं जितः छम्‍ह तःधंम्‍ह मनू भाःपियादीगु दु।

२ शमूएल 7:20

“थः दासयात ब्‍यूगु इज्‍जतया बारे दाऊदं छितः मेगु छु धाये फइ धकाः? हे परमप्रभु परमेश्‍वर, छिं थः दासयात बांलाक म्‍हस्‍यू।

भजनसंग्रहया सफू 110:1

परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”

भजनसंग्रहया सफू 24:10

तःधंम्‍ह जुजु सु खः? दक्‍व शक्ति दुम्‍ह परमप्रभु! वय्‌कः तःधंम्‍ह जुजु खः। सेला

प्रस्‍थान 4:10

अले मोशां परमप्रभुयात धाल, “हे प्रभु जि उलि न्‍ववाये सःम्‍ह मखु, जि न्‍हापा नं बांलाक न्‍ववाये सःम्‍ह मखु अले छिलिसे न्‍ववाये धुंकाः नं जि बांलाक न्‍ववाये मसःनि। जि ध्‍वाथुइक न्‍ववाये सःम्‍ह मखु।”

प्रस्‍थान 4:13

मोशां धाल, “हे प्रभु, थुकिया निंतिं मेम्‍ह हे सुं छ्वयादिसँ।”

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

यशैया 6:8

अनंलि परमप्रभुं थथे धाःगु जिं ताल, “जिं सुयात छ्वयेगु? अले जिमिगु निंतिं सु वनेगु?” जिं लिसः बिया, “जि वने प्रभु, जितः छ्वयादिसँ!”

इजकिएल 3:23

उकिं जि दनाः मैदानय् वना। कबार खुसिया सिथय् जिं खनागु परमप्रभुया महिमा अन नं खने दु। अले जि बँय् भ्‍वसुला।

दानिएल 10:13

तर फारस देशयाम्‍ह शासकं निइछन्‍हु तक जिगु विरोध यात। अनंलि अन लिबाकागुलिं छम्‍ह मू स्‍वर्गदूत मिखाएल जितः ग्‍वाहालि बीत वल, छाय्‌धाःसा जितः फारसयाम्‍ह शासकनापं त्‍वःतूगु खः।

दानिएल 12:1

सुतियागु वसः फिनातःम्‍ह स्‍वर्गदूतं हानं जितः धाल, “उबलय् छिमि मनूतय्‌त रक्षा याइम्‍ह तःधंम्‍ह स्‍वर्गदूत मिखाएल दनी। अले जाति जाति शुरु जूगु इलंनिसें गुबलें मवःगु विपत्तिया ई वइ। व ई वइबलय् परमेश्‍वरया सफुलिइ नां च्‍वयातःपिं छिमि सकलें मनूत बचय् जुइ।

दानिएल 8:11

व नेकुलिं थःत स्‍वर्गया सेनाया सेनापति ति हे तःधंकल। वय्‌कलं न्‍हियान्‍हिथंया बां बीगु दीकाबिल, अले देगःयात अपवित्र यानाबिल।

लेवी 9:24

उबलय् हे परमप्रभुयापाखें मि पिहां वयाः वेदीइ च्‍वंगु होमबलि व दाःयात भस्‍म यात। थ्‍व खनाः मनूत तःसलं हालाः बँय् भ्‍वसुल।

गन्‍ती 16:22

अले मोशा व हारूनं बँय् भ्‍वपुयाः धाल, “हे परमेश्‍वर, फुक्‍क प्राणीतय्‌त सासः बियादीम्‍ह परमेश्‍वर, छम्‍ह मनुखं पाप याःगुलिं छु छि फुक्‍क खलःलिसें तं चायादियागु ला?”

गन्‍ती 16:45

“छिपिं थ्‍व खलःपाखें चिला हुँ, अले जिं थुमित पलखं हे भस्‍म याये।” अले मोशा व हारून बँय् भ्‍वपुल।

गन्‍ती 22:31

अले परमप्रभुं बालामया मिखा चाय्‌कादिल। वं नांगा तरवार ल्‍हातय् ज्‍वनाः दनाच्‍वंम्‍ह परमप्रभुया दूतयात खन, अले छ्यं क्‍वछुकाः व बँय् भ्‍वपुल।

मत्ती 22:44

“‘परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”’

मत्ती 8:2

अबलय् हे छम्‍ह कोह्रिम्‍ह मनुखं वयाः वय्‌कःयात भागियानाः थथे धाल – “प्रभु, छिं यय्‌कादीसा जितः शुद्ध यानादी फु।”

लूका 1:43

जिम्‍ह प्रभुया मां हे जिथाय् वल। थ्‍व गथे जुयाजुल?

लूका 20:42

दाऊद थःम्‍हय्‌सिनं हे भजन सफुलिइ थथे च्‍वया थकूगु दु – “‘छं शत्रुतय्‌त छंगु पालि तःले मततले छ जिगु जव ल्‍हाःपाखे च्‍वनाच्‍वँ धकाः परमप्रभुं जिमि प्रभुयात धयादिल।’

लूका 5:12

येशू छगू शहरय् झाःबलय् अन छम्‍ह म्‍हछम्‍हं कोह्रि जूम्‍ह मनू नापलात। वं वय्‌कःयात खनाः क्‍वछुनाः बिन्‍ति यात – “प्रभु, छिं यय्‌कादीसा जितः शुद्ध यानादी फु।”

यूहन्‍ना 20:28

अले थोमां वय्‌कःयात धाल – “जिम्‍ह प्रभु, जिम्‍ह परमेश्‍वर।”

प्रेरित 9:6

आः दनाः शहरय् हुँ, अन हे छन्‍त यायेमाःगु ज्‍या कनी।”

फिलिप्‍पी 3:8

थुलि जक मखु, ख्रीष्‍ट येशू जिम्‍ह प्रभुयात म्‍हसीकेगु हे तःधंगु खँ खः धकाः थुइकाः जिं मेगु फुक्‍कं ज्‍यालगय् मजू धकाः ताय्‌का। वय्‌कःयागु हे निंतिं जिं फुक्‍कं त्‍वःता, अले वय्‌कःयात लुइके फयेमा धकाः जिं अज्‍याःगु फुक्‍कं ज्‍यालगय् मजू धकाः ताय्‌कागु दु।

हिब्रू 2:10

सृष्‍टि यानादीम्‍ह व न्‍ह्याकादीम्‍ह परमेश्‍वरं थः मस्‍ततय्‌त मुक्ति बीत थथे थःकाय्‌यात दुःखकष्‍ट सीके बियादीगु पाय्‌छि जू। अले मुक्ति बीम्‍ह वय्‌कः हे जक खः।

यहोशू 20:1

अले परमप्रभुं यहोशूयात थथे धयादिल,

प्रकाश 12:7

अनं लिपा स्‍वर्गय् लडाइँ जुल। मिखाएल धाःम्‍ह स्‍वर्गदूत व वया दूतत, अजिङ्गर व वया दूतत नाप ल्‍वात।