यहोशू 5:13 - नेवाः बाइबल

¹³ यहोशू यरीहोया न्‍ह्यःने दुबलय् वं थःगु न्‍ह्यःने छम्‍ह मनू ल्‍हातय् तरवार ज्‍वनाः दनाच्‍वंगु खन। यहोशूं वयागु न्‍ह्यःने वनाः न्‍यन, “छि जिमि पाखेयाम्‍ह खः कि शत्रु पाखेयाम्‍ह?”

यहोशू 5:13 ပူးပေါင်းရင်းမြစ်များ

उत्‍पत्ति 18:1

छन्‍हु न्‍हिनय् तांन्‍वःबलय् अब्राहाम मम्रेया सिमा क्‍वय् च्‍वंगु थःगु पालया लुखाय् च्‍वना च्‍वंबलय् परमप्रभु वयाथाय् खनेदय्‌कः झाल।

उत्‍पत्ति 18:2

अब्राहामं थस्‍वःबलय् स्‍वम्‍ह मनू थःगु न्‍ह्यःने दनाच्‍वंगु खन। वं काचा काचां दनाः इमित नापलाः वन। अले बँय् थ्‍यंक क्‍वछुनाः भ्‍वपुल।

उत्‍पत्ति 28:16

याकूबया न्‍ह्यलं चासेंलि वं बिचाः यात, “परमप्रभु थन हे दी, जिं सीके मफुत।”

उत्‍पत्ति 33:1

याकूबं एसाव प्‍यसःम्‍ह मनूलिसे वयाच्‍वंगु खन। अले वं थः मस्‍तय्‌त लेआ, राहेल व निम्‍ह दासीतय् जिम्‍मा बियाः इमित अलग अलग छ्वत।

उत्‍पत्ति 33:5

एसावं मिस्‍त व मस्‍त खनाः न्‍यन, “छलिसे वःपिं थुपिं सु खः?” याकूबं धाल, “परमेश्‍वरं छिम्‍ह दासयात दयामाया यानाः ब्‍यूगु जिमि मस्‍त खः।”

१ इतिहास 12:22

दाऊदयात ग्‍वाहालि बीत न्‍हिं न्‍हिं यक्‍व मनूत वया हे च्‍वन। थुकथं दाऊदयाके परमेश्‍वरया सेना थें च्‍वंगु छगू तःधंगु व बल्‍लाःगु सेना दत।

१ इतिहास 21:27

परमप्रभुं स्‍वर्गदूतयात थःगु ल्‍हातय् दुगु तरवार दापय् तयेत आज्ञा बियादिल, अले स्‍वर्गदूतं अथे हे यात।

१ इतिहास 21:30

तर दाऊद परमेश्‍वरयात आराधना यायेत अन वनेमफु, छाय्‌धाःसा परमप्रभुया स्‍वर्गदूतया तरवार खनाः व तसकं ग्‍याः।

प्रस्‍थान 23:23

जिमि दूत छिमि न्‍ह्यःने न्‍ह्यःने वनी, अले एमोरी, हित्ती, परिज्‍जी, कनानी, हिव्‍वी व यबूसीतय्‌गु देशय् छिमित हइ। अले जिं इमित नाश यानाबी।

दानिएल 10:5

जिं च्‍वय्‌पाखे स्‍वया, जिगु न्‍ह्यःने सुतियागु वसः फिनातःम्‍ह व जँय् भिंगु लुँया जनी चिनातःम्‍ह मनूयात खना।

दानिएल 8:3

जिं स्‍वयाबलय्, अन खुसिया सिथय् निपु ततःपुगु नेकू दुम्‍ह छम्‍ह भ्‍याःचा दनाच्‍वंगु खना। वयागु छपु नेकू मेगु स्‍वयाः ताहाक। व ताहाःगु नेकू लिपा बुयावःगु खः।

जकरिया 1:8

चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।

गन्‍ती 22:23

परमप्रभुया दूतयात नांगा तरवार ज्‍वनाः लँय् दनाच्‍वंगु गधां खनाः गधा लँ त्‍वःताः बुँपाखे वन। गधायात लँय् हयेत बालामं वयात दाल।

गन्‍ती 22:31

अले परमप्रभुं बालामया मिखा चाय्‌कादिल। वं नांगा तरवार ल्‍हातय् ज्‍वनाः दनाच्‍वंम्‍ह परमप्रभुया दूतयात खन, अले छ्यं क्‍वछुकाः व बँय् भ्‍वपुल।

प्रेरित 1:10

वय्‌कः थाहां झायाच्‍वंगु मिखा हे लिमकासे आकाशय् स्‍वयाच्‍वंबलय् तुयुगु वसः पुनातःपिं निम्‍ह मनूतय्‌सं इमिथाय् लिक्‍क दं वयाः

यहोशू 6:2

परमप्रभुं यहोशूयात धयादिल, “स्‍व! जिं यरीहो, अनयाम्‍ह जुजु व सकलें सिपाइँतय्‌त छंगु ल्‍हातय् बियागु दु।

प्रकाश 1:13

त्‍वाःदेवाया दथुइ मनूया काय् थें ज्‍याःम्‍ह तुतिइ थ्‍यंक वःगु पुजाहारीया लं फिनाः छातिइ लुँ बाला हिनातःम्‍ह छम्‍हय्‌सित खना।

न्‍यायकर्ता 13:11

अले मानोह दनाः थःकलाःलिसें वन। व मनूया न्‍ह्यःने वनाः वयात धाल, “जिमि कलाःलिसें खँ ल्‍हानादीयाम्‍ह छि हे खः ला?” वं लिसः बिल, “खः, जि हे खः।”

न्‍यायकर्ता 13:22

वं थः कलाःयात धाल, “आः झीपिं सीगु जुल, छाय्‌धाःसा झीसं परमेश्‍वरयात खनागु दु।”