यहोशू 5:1 - नेवाः बाइबल

¹ इस्राएलीतय्‌सं खुसि मछीतले परमप्रभुं यर्दनयात गंगु बँ यानादीगु खँ यर्दनया पच्‍छिमय् च्‍वंपिं एमोरी जुजुपिन्‍सं व समुद्रया सिथय् च्‍वंपिं कनानी फुक्‍क जुजुपिन्‍सं न्‍यन। इस्राएलीतय्‌सं यानाः इमिगु नुगः भाराभारा मिनाः साहस मन्‍त।

यहोशू 5:1 ပူးပေါင်းရင်းမြစ်များ

उत्‍पत्ति 12:6

अब्राम व देश जुयाः शकेमय् थ्‍यंकः वल। अन इपिं मोरे धाःगु थासय् सिमा क्‍वय् बाय् च्‍वन। अबलय् थ्‍व थाय् कनानीतय्‌गु खः।

उत्‍पत्ति 48:22

जिं छन्‍त छिमि दाजुकिजापिन्‍त स्‍वयाः अप्‍वः गुँइच्‍वंगु छकू बुँ बियागु दु। व बुँ जिं थःगु तरवार व धनुषया बलं एमोरीतय्‌पाखें त्‍याकाकयागु खः।”

२ शमूएल 21:2

(गिबोनीत इस्राएल कुलयापिं मखु। इपिं एमोरी वंशया बचय्‌जूपिं खः। इमित इस्राएलीतय्‌सं बचय् यानातये धकाः पाफःगु खः। अथे जूसां शाऊलं इस्राएल व यहूदाया निंतिं थःगु जोशय् इमित नाश यायेगु कुतः याःगु खः।) अथे जुयाः दाऊद जुजुं गिबोनीतय्‌त सःताः धाल,

१ राजा 10:5

अले वं सोलोमनयागु टेबिलयागु नयेगु नसा, दरबारया भारदारतय्‌गु च्‍वनेगु पहःचहः, झःझः धाःगु वसः पुनातःपिं च्‍यःत, व दाखमद्य त्‍वंकीपिं व परमप्रभुया देगलय् वं छाःगु होमबलि फुक्‍क खनाः व वातां जुल।

एज्रा 9:1

थ्‍व फुक्‍क ज्‍या यायेधुंकाः नायःत जिथाय् वयाः धाल, “इस्राएलयापिं मनूत, पुजाहारीत व लेवीतय्‌सं नं थः जःलाखःला कनानी, हित्ती, परिज्‍जी, यबूसी, अम्‍मोनी, मोआबी, मिश्री व एमोरीतय्‌गु घच्‍चाइपुगु पुजायागु ज्‍यापाखें थःत अलग तःगु मदुनि।

भजनसंग्रहया सफू 135:11

वय्‌कलं एमोरीतय् जुजु सीहोन, बाशानया जुजु ओग व कनानयापिं सकलें जुजुपिन्‍त स्‍यानादिल।

प्रस्‍थान 23:28

जिं छिमिगु न्‍ह्यःने आतंक छ्वयाबी। इमिसं हिव्‍वी, कनानी व हित्तीतय्‌त छिमिगु लँपुं याकनं हे लिनाछ्वइ।

यशैया 41:5

टापुत थ्‍व खनाः तसकं ग्‍यात। पृथ्‍वीया ताताःपाःगु देशत थुरथुर खात। इपिं लिक्‍क थ्‍यंकः वल।

इजकिएल 16:3

थथे धा, ‘परमप्रभु परमेश्‍वरं यरूशलेमयात थथे धयादी – छंगु पु‍र्ख्‍यौली व छ बूगु देश कनानीतय्‌गु देश खः, छिमि बौ छम्‍ह एमोरी खः, अले छिमि मां छम्‍ह हित्तीनी खः।

इजकिएल 21:7

अले इमिसं छन्‍त ‘छं छाय् झसुका तयाच्‍वनागु’ धकाः न्‍यन धाःसा थथे लिसः ब्‍यु, ‘वयाच्‍वंगु खबरं यानाः सकसिगु नुगः खाइ अले सकसिगु ल्‍हाः याताप्‍याता जुइ। सकसिगु नुगः क्‍वतुनी अले सकसिगु पुलि लः थें याग्‍लाप्‍याग्‍ला जुइ। स्‍व! थथे जुइत्‍यंगु दु, अले थथे हे जुइ,’ जि, परमप्रभु परमेश्‍वरं थथे धाये।”

दानिएल 5:6

वयागु ख्‍वाः वँचुसे च्‍वन। तसकं ग्‍याःगुलिं वयागु निगुलिं पुलि थुरथुर खात।

आमोस 2:9

“जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

यहोशू 17:12

अय्‌नं मनश्‍शेया सन्‍तानं उपिं शहरय् च्‍वनिपिं मनूतय्‌त बुके मफुत। कनानीत जिराहा जुयाः अन हे च्‍वनाच्‍वन।

यहोशू 17:18

पहाडी देशयागु गुँ नं छिमिगु हे जुइ। उकियागु सिमा पा, अले अन जःखःयागु इलाका नं छिमिगु हे जुइ। उपिं कनानीतय्‌के नयागु रथत दुगुलिं इपिं बल्‍लाः अय्‌नं छिमिसं इमित लिनाछ्वये फइ।”

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

यहोशू 3:16

न्‍ह्यानावःगु लः दित, अनं खुसिया यक्‍व च्‍वय् सार्तानया न्‍ह्यःने आदम धाःगु शहर लिक्‍क हे लः छथाय् मुंगुलिं मृत-सागरय् न्‍ह्यानावंगु लः मन्‍त। उकिं मनूत यरीहोया चुलिंचू छिनावन।

यहोशू 3:17

सकल इस्राएलीत गंगु बँ जुयाः खुसि छिनामवंतले परमप्रभुयागु बाचा चिनादीगु सनू क्‍वबियाच्‍वंपिं पुजाहारीत यर्दनया दथुइ मसंसे दनाच्‍वन।

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

न्‍यायकर्ता 1:1

यहोशू सीधुंकाः इस्राएलीतय्‌सं परमप्रभुयाके न्‍यन, “गुगु कुलं दकलय् न्‍हापा कनानीतय्‌त हमला यायेमाः?”

न्‍यायकर्ता 11:23

“अथे जुयाः परमप्रभु इस्राएलयाम्‍ह परमेश्‍वरं, एमोरीतय्‌त इस्राएलीतय् न्‍ह्यःनं ख्‍याना छ्वयादिल। आः थ्‍व लित कायेत छंगु छु हक दु?

न्‍यायकर्ता 3:3

पलिश्‍तीतय् न्‍याम्‍ह शासक, सकल कनानीत, सीदोनीत व हिव्‍वीत बाल-हेर्मोन पहाडंनिसें कयाः लेबो-हमात तक लेबनान पहाडी देशय् च्‍वंपिं सकल थुकथं त्‍वःतूपिं जातित खः।

न्‍यायकर्ता 4:2

अथे जुयाः परमप्रभुं इमित हासोरय् शासन याइम्‍ह कनानी जुजु याबीनया ल्‍हातय् मियादिल। वया सेनापति हरोशेत हग्‍गोयिमय् च्‍वनीम्‍ह सीसरा खः।

१ शमूएल 25:37

सुथ न्‍हापां दाखमद्यं मकाःबलय् वया कलाः अबीगेलं फुक्‍क खँ कनाबिल, अले व ला छुं हे मचायाः ल्‍वहं थें जुयाः सने मफयावन।