यहोशू 4:9 - नेवाः बाइबल

⁹ यर्दनया दथुइ बाचा चिनादीगु सनू क्‍वबियाच्‍वंपिं पुजाहारीत दनाच्‍वंगु थासय् यहोशूं नं झिंनिगः ल्‍वहं थन, उपिं आः तक नं अन हे दनी।

यहोशू 4:9 ပူးပေါင်းရင်းမြစ်များ

उत्‍पत्ति 26:33

वं उकियागु नां शिबा तल। उकिं व शहरयागु नां आः तक नं बेर्शेबा हे जुयाच्‍वंगु दु।

उत्‍पत्ति 28:18

सुथ न्‍हापां याकूबं दनाः थःम्‍हं छ्यं दिकाः द्यनागु ल्‍वहंयात लुमन्‍तिया चिं थें धंकल। अले उकी च्‍वंनिसें चिकं लुत।

२ शमूएल 4:3

छाय्‌धाःसा बेरोतीत गित्तैमय् बिस्‍युं वन अले उबलय्‌निसें उपिं अन हे च्‍वन।

१ राजा 18:31

एलियां याकूबयापाखें वःगु छगू छगू कुलया निंतिं छगः छगः यानाः झिंनिगः ल्‍वहं काल। याकूबयाथाय् “छंगु नां इस्राएल जुइ” धकाः परमप्रभुया थ्‍व वचन वःगु खः।

२ इतिहास 5:9

देगःया न्‍वःत तसकं ताहाक, उपिं न्‍वःतय् च्‍वकात महा-पवित्रगु थाय्‌या न्‍ह्यःने दनिम्‍ह मनुखं खंके फु, तर पवित्रगु थाय्‌या पिनेनं धाःसा उपिं खने मदु। थौं तक नं उपिं अन हे दु।

प्रस्‍थान 24:12

परमप्रभुं मोशायात धयादिल, “पर्वतय् जिथाय् थहां वा अले थन च्‍वँ। छं इमित स्‍यनेत जिं च्‍वयागु व्‍यवस्‍था व आज्ञायागु ल्‍वहंपौ छन्‍त बी।”

प्रस्‍थान 28:21

इस्राएलया झिंनिम्‍ह काय्‌पिनिगु नांकथं झिंनिगः मणिया थी दयेमाः। झिंनिगलय् हे झिंनिगू कुलयागु नां कियातयेमाः।

मत्ती 27:8

उकिं थ्‍व जग्‍गायात आः तक नं “हियागु जग्‍गा” धकाः धयावयाच्‍वंगु दु।

मत्ती 28:15

पिवाः च्‍वंपिं सिपाइँतय्‌सं धिबा कयाः इमिसं स्‍यं थें यात। आः तकं यहूदीतय्‌सं थ्‍व हे खँ धयावयाच्‍वंगु दु।

व्‍यवस्‍था 34:6

मोआब देशय् बेथ-पोरया न्‍ह्यःने छगू गालय् वय्‌कलं वयात थुनाबिल। अय्‌नं वयागु सीगाः गन दु धकाः सुनानं थौं तक मस्‍यूनि।

यहोशू 24:26

थुपिं फुक्‍क खँ यहोशूं परमेश्‍वरयागु व्‍यवस्‍थाया सफुलिइ च्‍वल। अले वं छगः तःग्‍वःगु ल्‍वहँ कयाः स्‍वसिमाक्‍वय् पवित्रथाय् सतिक थन।

यहोशू 4:10

परमप्रभुं यहोशूयात मनूतय्‌त या धकाः धायेत उजं बियादीगु फुक्‍क पूमवंतलय् सनू क्‍वबिपिं पुजाहारीत यर्दन खुसिया दथुइ दनाच्‍वन। इमिसं मोशां यहोशूयात उजं ब्‍यूगु फुक्‍क यात। मनूत हथाय् चाचां खुसि छिनावनाच्‍वन।

न्‍यायकर्ता 1:26

लिपा व मनू हित्तीतय्‌गु देशय् वन, अले वं अन छगू शहर दय्‌काः उगु शहरया नां लुजः धकाः तल। उगु शहरया नां थौं तक नं थ्‍व हे खः।

१ शमूएल 30:25

उखुन्‍हुनिसें थौं तक नं दाऊदं ब्‍यूगु थ्‍व हे नियम इस्राएलीतय्‌सं मानय् यानाः वयाच्‍वंगु दु।

१ शमूएल 7:12

अले शमूएलं मिस्‍पा व शेनया दथुइ लुमन्‍तिकथं छग्‍वः ल्‍वहं धस्‍वाकाः थथे धाल, “परमप्रभुं झीत थन तक ग्‍वाहालि यानादिल।” अथे जुयाः व थाय्‌या नां एबेन-एजेर धकाः तल।