यहोशू 4:6 - नेवाः बाइबल

⁶ छिमिगु दथुइ थुपिं ल्‍वहंत छगू चिं जुइमा। लिपा छिमि मचाखाचातय्‌सं, ‘थुपिं ल्‍वहंतय्‌गु अर्थ छु खः?’ धकाः न्‍यन धाःसा

यहोशू 4:6 ပူးပေါင်းရင်းမြစ်များ

भजनसंग्रहया सफू 44:1

हे परमेश्‍वर, छिं यक्‍व न्‍हापा जिमि पुर्खातय्‌गु पालय् यानादीगु खँ इपिंपाखें जिमिसं थःगु हे न्‍हाय्‌पंनं न्‍यनागु दु।

भजनसंग्रहया सफू 71:18

हे परमेश्‍वर, आः जि बुरा जुइ धुन जिगु सँ तुयुसे च्‍वने धुंकल। अय्‌नं आःया न्‍हू पुस्‍तायापिं मनूतय्‌त जिं छिगु अजू चायापुगु ज्‍यायागु खँ मन्‍यंकुतले जितः त्‍वःतादी मते।

प्रस्‍थान 12:14

“थ्‍व दिं छिमिगु निंतिं लुमन्‍तिया दिं जुइ। थ्‍वखुन्‍हु छिमिसं परमप्रभुया नखः हनेमाः। थ्‍व छिमित पुस्‍तां पुस्‍ता तकया निंतिं नियम जुल।

प्रस्‍थान 13:14

“छिमि काय्‌पिन्‍सं लिपा, ‘थुकियागु अर्थ छु खः?’ धकाः छिमित न्‍यनीबलय् इमित धा, ‘परमप्रभुं थःगु शक्तिं जाःगु ल्‍हातिं जिमित दास यानातःगु देश मिश्रं पित हयादिल।

प्रस्‍थान 13:9

परमप्रभुया व्‍यवस्‍था छिमिगु म्‍हुतुइ दयेमा धकाः थ्‍व छिमिगु ल्‍हातिइ व कपालय् लुमंकाबीगु चिं थें जुइ, छाय्‌धाःसा परमप्रभुं थःगु शक्तिं जाःगु ल्‍हातिं छिमित मिश्र देशं पित हयादीगु खः।

प्रस्‍थान 31:13

छं इस्राएलीतय्‌त थथे नं धा, “छिमिसं जिगु विश्रामबार हनेगु या। लिपाया पुस्‍ता पुस्‍ता तक थ्‍व जिगु व छिमिगु दथुइया चिं जुइ। जि छिमित पवित्र याइम्‍ह परमेश्‍वर खः धकाः छिमिसं सीका काइ।”

यशैया 38:19

म्‍वाःपिं व म्‍वानाच्‍वंपिन्‍सं जक छिगु प्रशंसा याइ, गथे थौं जिं यानाच्‍वना। बौनं थः काय्‌पिन्‍त छिगु विश्‍वास याये बहःगु खँया बारे कनी।

यशैया 55:13

अनंलि कंमाया पलेसा सल्‍लाया सिमा, व न्‍हाय्‌कंमाया पलेसा मेहदीया सिमात बुया वइ। थथे परमप्रभुया हनाबनाया निंतिं जुइ। थ्‍व गुबलें नाश मजुइगु सदां सदांया निंतिं चिं जुइ।”

इजकिएल 20:12

हाकनं इमित पवित्र याइम्‍ह जि परमप्रभु हे खः धइगु खँ इमिसं सीमा धकाः इमिगु व जिगु दथुइ चिंया लागि जिं इमित विश्रामबारत नं बिया।

इजकिएल 20:20

जिगु विश्रामबारयात पवित्र तयाति! गुकिं यानाः व छंगु व जिगु दथुइया बाचाया छगू चिं जुइ! अले छिमिसं जि हे परमप्रभु छिमि परमेश्‍वर खः धकाः सी।”

गन्‍ती 16:38

पाप यानाः थःगु हे प्राणयात स्‍यंकूपिनिगु गुँगू थनेगु मकःतय्‌त मुगलं दादां वेदीइ हिनेगु पाता दय्‌कि। छाय्‌धाःसा उपिं परमप्रभुया न्‍ह्यःने देछाःगु जुयाः पबित्रगु खः। उपिं पाता धाःसा इस्राएलीतय्‌गु निंतिं चिं जुइमा।”

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

व्‍यवस्‍था 11:19

छिपिं थःगु छेँय् च्‍वनीबलय्, लँय् जुइबलय्, ग्‍वतुलीबलय् व दनीबलय् थुमिगु बारे खँल्‍हाबल्‍हा यानाः थःकाय् म्‍ह्याय्‌पिन्‍त स्‍यनेगु या।

यहोशू 22:27

उकिया पलेसा छिमि व छिमि सन्‍तानया दथुइ, पुस्‍ता पुस्‍ता तक जिमिसं धात्‍थें होमबलि, बलिदान व मेलबलि ज्‍वनाः परमप्रभुयात वय्‌कःया नापलायेगु पाल न्‍ह्यःने जक आराधना यायेत साक्षी जुइमा धकाः जिमिसं थ्‍व दय्‌काःगु दु। लिपा छिमि सन्‍तानं जिमि सन्‍तानयात, ‘छिमिगु परमप्रभुनापं छुं ज्‍या मदु धकाः मधायेमा।’

यहोशू 4:21

वं इस्राएलीतय्‌त थथे धाल, “छिमि मचाखाचातय्‌सं लिपा छुं जुयाः थः बौपिन्‍त थुपिं ल्‍वहंतय्‌गु अर्थ छु खः धकाः न्‍यन धाःसा,

यहोशू 4:5

वं इमित धाल, “परमप्रभु छिमि परमेश्‍वरयागु सनूया न्‍ह्यःने यर्दनया दथुइ हुँ। अनं छिपिं छम्‍ह छम्‍हं इस्राएलया झिंनिगू कुलकथं छग्‍वः छग्‍वः ल्‍वहँ ल्‍ह्वनाः थथःगु ब्‍वहलय् पाछायाहजि।