यहोशू 4:3 - नेवाः बाइबल

³ अले इमित यर्दन खुसिया दथुइ पुजाहारीत दनाच्‍वंगु थासं झिंनिगः ल्‍वहं कयाहयेत उजं ब्‍यु। उपिं ल्‍वहंत क्‍वबियायंकाः छनापं थौं चान्‍हय् बाय् च्‍वनेगु थासय् तयाबीत इमित धा।”

यहोशू 4:3 ပူးပေါင်းရင်းမြစ်များ

उत्‍पत्ति 28:22

अले जिं धंकागु थ्‍व ल्‍वहं परमेश्‍वरया छेँ जुइ। अले वय्‌कलं बियादीगु न्‍ह्यागुं झिब्‍वय् छब्‍व वय्‌कःयात देछाये।”

भजनसंग्रहया सफू 103:2

जिं दुनुगलंनिसें परमप्रभुया प्रशंसा याये। वय्‌कलं यानादीगु भिंगु ज्‍या जिं गुबलें ल्‍वःमंके मखु।

भजनसंग्रहया सफू 11:4

परमप्रभु थःगु पवित्र देगलय् दी, परमप्रभु स्‍वर्गया थःगु सिंहासनय् च्‍वनादीगु दु, वय्‌कलं मनूतय्‌सं याःगु ज्‍या फुक्‍कं स्‍यू, छाय्‌धाःसा वय्‌कलं फुक्‍कं स्‍वयाच्‍वनादीगु दु।

लूका 19:40

वय्‌कलं लिसः बियादिल – “जिं छिकपिन्‍त धात्‍थें धाये – थुपिं सुम्‍क च्‍वन धाःसा ल्‍वहं हे हाला हइ।”

यहोशू 24:27

यहोशूं फुक्‍क मनूतय्‌त धाल, “स्‍व! थ्‍व ल्‍वहं झीगु साक्षी जुइ। थुकिं छिमित थ्‍व बाचा लुमंकाबी। छिपिं परमेश्‍वरपाखें तापाना मवंसें न्‍ह्याबलें परमेश्‍वरया आज्ञा पालन यानाच्‍वनी।”

यहोशू 3:13

फुक्‍क पृथ्‍वीया प्रभु परमप्रभुयागु बाचा चिनादीगु सनू क्‍वबिपिं पुजाहारीतय्‌गु तुतिपालि यर्दनया लखय् लाइबलय् च्‍वय्‌निसें न्‍ह्यानावइगु यर्दनया लः दिनाः छथाय् द्वँ मुनी।”

यहोशू 4:4

उकिं यहोशूं छगू छगू कुलं छम्‍ह छम्‍ह यानाः थःम्‍हं ल्‍यःपिं झिंनिम्‍ह मिजंतय्‌त सःतल।

यहोशू 4:8

यहोशूं ब्‍यूगु थ्‍व उजंकथं इस्राएलीतय्‌सं यात। परमप्रभुं यहोशूयात धयादीगु थें हे इमिसं झिंनिगू कुलकथं यर्दनया दथुं झिंनिगः ल्‍वहं हयाः इपिं च्‍वनाच्‍वंगु थासय् तल।

१ शमूएल 7:12

अले शमूएलं मिस्‍पा व शेनया दथुइ लुमन्‍तिकथं छग्‍वः ल्‍वहं धस्‍वाकाः थथे धाल, “परमप्रभुं झीत थन तक ग्‍वाहालि यानादिल।” अथे जुयाः व थाय्‌या नां एबेन-एजेर धकाः तल।