यहोशू 4:23 - नेवाः बाइबल

²³ झीपिं लाल समुद्र छिना मवंतले गथे परमप्रभु छिमि परमेश्‍वरं लाल समुद्रया लः चीकाः गंकादीगु खः अथे हे परमप्रभु छिमि परमेश्‍वरं झीपिं यर्दन खुसि छिना मवंतले झीगु न्‍ह्यःने यर्दनयात गंकादिल।

यहोशू 4:23 ပူးပေါင်းရင်းမြစ်များ

१ राजा 8:43

छिं थः च्‍वनादीगु स्‍वर्गं वयागु प्रार्थना न्‍यनादिसँ। व परदेशीं छु फ्‍वंगु खः व बियादिसँ। संसारया फुक्‍क जातिं नं छितः इस्राएलीतय्‌सं थें म्‍हसीमा अले छिगु आज्ञा मानय् यायेमा। अबलय् जिं छिगु नांया इज्‍जतया निंतिं थ्‍व देगः दय्‌कूगु धकाः इमिसं सी।

नहेम्‍याह 9:11

इपिं गंगु बँ जुयाः वने फयेमा धकाः छिं इमिगु न्‍ह्यःने समुद्रयात ब्‍वथलादिल। छि मनूत गंगु बँ जुयाः वन, अय्‌नं लखय् ल्‍वहं वांछ्वःगु थें इमित ल्‍यू वःपिन्‍त छिं वांछ्वयादिल।

भजनसंग्रहया सफू 78:13

वय्‌कलं समुद्रयात निब्‍व थलादिल, अले इमित अनं हे समुद्र छिकेबियादिल। वय्‌कलं लःयात पःखाः थें थनादिल।

प्रस्‍थान 14:21

अले मोशां थःगु ल्‍हाः समुद्रया च्‍वय्‌पाखे न्‍ह्यज्‍याकल। परमप्रभुं चच्‍छिं पुर्बं तसकं फय् वय्‌काः समुद्रय् गंगु बँ दय्‌कादिल। समुद्र निब्‍व जुल।

प्रस्‍थान 15:19

फारोया सल, रथ व सल गयावःपिं मनूत समुद्रय् थ्‍यंबलय् परमप्रभुं समुद्रया लः लित हयाः इमित त्‍वपुयाबिल। इस्राएलीत जक समुद्रया दथुं गंगु बँ जुयाः वन।

यशैया 43:16

परमप्रभु गुम्‍हय्‌सिनं समुद्रय् लँ दय्‌कादी, अले किसिद्वम्‍बलय् लँ दय्‌कादी,