यहोशू 4:19 - नेवाः बाइबल

¹⁹ इस्राएलीतय्‌सं न्‍हापांगु लाया झिगूगु न्‍हिखुन्‍हु यर्दनं वयाः यरीहोया पुर्बय् लाःगु गिलगालय् पाल ग्‍वयाः बाय् च्‍वन।

यहोशू 4:19 ပူးပေါင်းရင်းမြစ်များ

२ राजा 2:1

परमप्रभुं एलियायात ग्‍वःफय्‌पाखें स्‍वर्गय् थत यंकेत्‍यंबलय् एलिया एलीशानापं गिलगाल त्‍वःताः लँय् वनाच्‍वन।

आमोस 4:4

“बेथेलय् वनाः पाप या। गिलगालय् वनाः झन अप्‍वः पाप या। सुथ पतिकं छिमिगु भेटी हति, अले स्‍वन्‍हु स्‍वन्‍हु दुखुन्‍हु थथःगु झिब्‍वय् छब्‍व हति।

आमोस 5:5

बेथेलयात माले मते, गिलगालय् वने मते, बेर्शेबाय् वनाः पुजा याये मते, गिलगालया मनूतय्‌त धात्‍थें हे ज्‍वनायनी, बेथेल धाःसा मदयावनी।”

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

व्‍यवस्‍था 1:3

इमिसं मिश्र त्‍वःतूगु पिइगूगु दँया झिंछगूगु लाया न्‍हापांगु दिनय् मोशां परमप्रभुं इस्राएलीतय्‌त धा धकाः धयादीगु फुक्‍क आज्ञा इमित धाल।

व्‍यवस्‍था 11:30

थुपिं निगू पर्वत यर्दनया उखे, मू लँया पच्‍छिमपाखे, सूर्य बिनावनीगुपाखे, अराबाय् च्‍वनिपिं कनानीतय्‌गु देशय् गिलगालया न्‍ह्यःने मोरेया स्‍वसिमायागु लिक्‍क दु धकाः छिमिसं सी हे स्‍यू।

यहोशू 10:43

अनंलि यहोशू फुक्‍क सेनानापं गिलगालयागु छाउनीइ लिहां वल।

यहोशू 10:6

गिबोनीतय्‌सं गिलगालया छाउनीइ यहोशूयाथाय् थ्‍व बुखँ छ्वल, “छःपिनि दासतय्‌त त्‍वःतादी मते। जिमिथाय् याकनं झायाः जिमित ग्‍वाहालि यानादिसँ, छाय्‌धाःसा पहाडी देशय् च्‍वनिपिं एमोरीतय् फुक्‍क जुजुपिं जिपिंनापं ल्‍वाः वयेत मुंगु दु।”

यहोशू 15:7

अनंलि सिमाना आकोरया ब्‍यासिं दबीर तक वनाः न्‍हसिकापया दच्‍छिनपाखे अदुम्‍मीमयागु भन्‍ज्‍याङपाखे स्‍वःगु उत्तर पाखेयागु गिलगालय् थ्‍यन। अले व सिमाना एन-शेमेश नांया बुँगाःचा सिथ सिथ जुयाः एन-रोगेलय्‌ तक थ्‍यन।

यहोशू 24:11

“‘अनंलि छिपिं यर्दन छिनाः यरीहोय् वल। यरीहोयापिं मिजंत छिपिंलिसें ल्‍वात, लिपा एमोरी, परिज्‍जी, कनानी, हित्ती, गिर्गाशी, हिव्‍वी व यबूसीत नं छिपिंनापं ल्‍वात। अय्‌नं जिं इमित छिमिगु ल्‍हातय् बिया।

यहोशू 4:18

परमप्रभुया बाचा चिनादीगु सनू क्‍वबिपिं पुजाहारीत यर्दनया दथुं पिहां वयाः सिथय् पलाः तयेवं यर्दनया लः थःगु थासय् लिहां वल व न्‍हापा थें तःजाः जुयाः न्‍ह्यात।

यहोशू 5:10

इस्राएलीत यरीहोया मैदानया गिलगालय् पाल ग्‍वयाच्‍वने धुंकाः लाया झिंप्‍यंगूगु न्‍हिया सन्‍ध्‍याकाः इलय् इमिसं छुत्‍काराया नखः हन।

यहोशू 5:9

अले परमप्रभुं यहोशूयात धयादिल, “थौं जिं छिमिकेनं मिश्रय् दास जुयाच्‍वंगुया लज्‍या चीकाछ्वयागु दु।” उकिं व थाय्‌यात थौं तक नं गिलगाल धकाः धाइ।

यहोशू 9:6

अले इमिसं गिलगालयागु छाउनीइ यहोशूयाथाय् वयाः वयात व इस्राएलीतय्‌त धाल, “जिपिं तापाःगु देशं वयापिं खः। उकिं जिपिंलिसें सन्‍धि यानादिसँ।”

१ शमूएल 10:8

“छि जि वये न्‍ह्यः हे गिलगालय् क्‍वहां झासँ अले जिं होमबलि व मेलबलि छायेत छिथाय् वये। तर जि छिथाय् मथ्‍यंतले छिं न्‍हय्‌न्‍हु तक पियाच्‍वने मालि। अले जि वयाः छिं यायेमाःगु छु खः व धयाबी।”

१ शमूएल 15:33

तर शमूएलं धाल, “छंगु तरवारं यक्‍व मिसातय्‌त मस्‍त मदुपिं याः थें छिमि मां नं आः मस्‍त मदुम्‍ह जुइ।” अनंलि शमूएलं अगागयात परमप्रभुया न्‍ह्यःने गिलगालय् स्‍यात।