यहोशू 4:14 - नेवाः बाइबल

¹⁴ उखुन्‍हु हे इस्राएलीतय्‌गु न्‍ह्यःने परमप्रभुं यहोशूयात तःधंकल। इमिसं वयात मोशायात थें हे वयागु जिवंकाछि हनाबना यात।

यहोशू 4:14 ပူးပေါင်းရင်းမြစ်များ

१ राजा 3:28

जुजुं याःगु थ्‍व फैसला इस्राएल देशयापिं फुक्‍क मनूतय्‌सं सिल। अले इमिसं थः जुजुया भय काल। इमिसं वयाके न्‍याय यायेत परमेश्‍वरयागु बुद्धि दु धइगु खँ सीकल।

२ राजा 2:15

व स्‍वयाच्‍वंपिं यरीहों वःपिं अगमवक्तातय्‌गु पुचलं धाल, “एलियाया आत्‍मा एलीशायाके क्‍वहां वःगु दु।” इपिं वयात नापलाः वन, अले वयागु न्‍ह्यःने भ्‍वसुल।

१ इतिहास 29:25

परमप्रभुं सोलोमनयात इस्राएलीतय्‌सं खंक हे यक्‍व थकयादिल। परमप्रभुं सोलोमनयात व वैभव बियादिल गुगु व स्‍वयाः न्‍हापा इस्राएलय् राज्‍य याःपिं सुं जुजुयात ब्‍यूगु मदुनि।

२ इतिहास 30:12

जुजु व वया भारदारतय्‌सं परमप्रभुया वचनकथं ब्‍यूगु आज्ञा मानय् यायेत परमेश्‍वरया ल्‍हातं यहूदाया मनूतय्‌त छगू हे मन बियादिल।

प्रस्‍थान 11:3

परमप्रभुं मिश्रीतय्‌त इस्राएलीतप्रति बांलाःगु व्‍यवहार याइपिं यानादिल। अले मोशा फारोया भारदारतय्‌गु व मिश्रीतय्‌गु मिखाय् तःधंम्‍ह मनू जुल।

प्रस्‍थान 14:31

अले इस्राएलीतय्‌सं परमप्रभुं मिश्रीतय्‌गु विरोधय् क्‍यनादीगु तःधंगु शक्ति खनाः परमप्रभुयागु ग्‍याःभय काल। अले परमप्रभु व वय्‌कःया च्‍यः मोशायात पत्‍याः यात।

हितोपदेश 24:21

हे जिमि काय्! परमप्रभुया भय का, अले जुजुयात हनाबना ति। अले विद्रोह यानाजुइपिंलिसे जुइ मते।

रोमी 13:4

इपिं छिमित भिंगु यायेत तयातःपिं परमेश्‍वरया सेवकत खः। अय्‌नं छिमिसं मभिंगु ज्‍या याना जुल धाःसा इपिं खनाः छिपिं ग्‍याये माली, छाय्‌धाःसा सुनानं म्‍वाय्‌कं तरवार घाना वइ मखु। इपिं मभिंगु ज्‍याखँ यानाजुइपिन्‍त सजाँय बीत तयातःपिं परमेश्‍वरया सेवकत खः।

१ कोरिन्‍थी 10:2

थुकथं मोशानापं जूपिं मनूतय्‌गु बप्‍तिस्‍मा सुपाँय् व समुद्रय् जुल।

यहोशू 3:7

परमप्रभुं यहोशूयात धयादिल, “थनिंनिसें जिं सकल इस्राएलीतय्‌गु न्‍ह्यःने छन्‍त तःधंके। अले इमिसं जि मोशालिसें दुगु थें छलिसें नं दु धकाः सी।

यहोशू 4:13

इमि ल्‍वाभः ज्‍वनातःपिं पिइद्वः (४०,०००) ति मिजंत लडाइँ यायेत परमप्रभुया न्‍ह्यःने खुसि छिनाः यरीहोया मैदानपाखे वन।

यहोशू 4:15

अले परमप्रभुं यहोशूयात धयादिल,

१ शमूएल 12:18

अथे जुयाः शमूएलं परमप्रभुयात इनाप यात, अले उखुन्‍हु हे परमप्रभुं नँ न्‍याःगु सः व वा वय्‌कादिल। अनंलि फुक्‍क मनूत परमप्रभु व शमूएल खनाः तसकं ग्‍यात।