यहोशू 4:12 - नेवाः बाइबल

¹² मोशां इमित धाःथें रूबेनया कुल गादया कुल व मनश्‍शेया बच्‍छि कुलया मिजंतय्‌सं ल्‍वाभः ज्‍वनाः इस्राएलीतय् न्‍ह्यःने हे खुसि छिनावन।

यहोशू 4:12 ပူးပေါင်းရင်းမြစ်များ

प्रस्‍थान 13:18

उकिं परमेश्‍वरं इमित चाःहिकाः मरुभूमिया लँ जुकाः लाल समुद्रपाखे यंकादिल। इस्राएलीत लडाइँया निंतिं ल्‍वाभः घानाः मिश्रं वन।

गन्‍ती 1:24

गादया सन्‍तानपाखें – निइदँ व वस्‍वयां च्‍वय्‌यापिं लडाइँलय् वनेफुपिं फुक्‍क मिजंतय्‌गु नां इमिगु वंश व परिवारकथं धलखय् च्‍वल।

गन्‍ती 32:17

अले जिपिं इस्राएलीतय्‌त इमिगु थासय् मथ्‍यंकुतले ल्‍वाभः ज्‍वनाः इमिगु न्‍ह्यः न्‍ह्यः लडाइँलय् वने। उबलय् जिमि मिस्‍त व मचाखाचा थ्‍व देशयापिं मनूतपाखें बचय् जुइत जिमिसं दय्‌कागु शहरय् पःखाः दुने च्‍वनाच्‍वनी।

व्‍यवस्‍था 3:18

उबलय् जिं यर्दन पुर्ब च्‍वनाच्‍वनिपिन्‍त थ्‍व आज्ञा बिया, “परमप्रभु छिमि परमेश्‍वरं थ्‍व देश छिमित अधिकार यायेत बियादीगु खः। अय्‌नं छिमि सकलें सेना ल्‍वाभः ज्‍वनाः थः इस्राएली दाजुकिजातय्‌गु न्‍ह्यःने न्‍ह्यःने वनेमाः।

व्‍यवस्‍था 33:21

इमिसं थःगु निंतिं दकलय् भिंगु थाय् ल्‍यल, इमिगु निंतिं नायःया ब्‍व तयातःगु दु। थकालितय्‌सं मुंज्‍या याःबलय् परमप्रभुयागु धार्मिक इच्‍छा गय् यानाः मानय् यायेमाः, धाइपिं इपिं हे खः।”

यहोशू 1:14

‘छिमि कलाःपिं, मचाखाचा व सा द्वहं मोशां छिमित यर्दनया पुर्बपाखे ब्‍यूगु देशय् च्‍वने फइ। लडाइँ याइपिं मिजंत धाःसा मेपिं इस्रएलीतय्‌त ग्‍वाहालि यायेत ल्‍वाभः ज्‍वनाः इमिगु न्‍ह्यः न्‍ह्यः पारि वनेमाः।

यहोशू 4:11

अले मनूत खुसिया उखे थ्‍यनेवं मनूतय्‌सं खंक हे पुजाहारीत नं परमप्रभुया सनूनापं खुसि छिनावन।

यहोशू 4:13

इमि ल्‍वाभः ज्‍वनातःपिं पिइद्वः (४०,०००) ति मिजंत लडाइँ यायेत परमप्रभुया न्‍ह्यःने खुसि छिनाः यरीहोया मैदानपाखे वन।