यहोशू 3:7 - नेवाः बाइबल

⁷ परमप्रभुं यहोशूयात धयादिल, “थनिंनिसें जिं सकल इस्राएलीतय्‌गु न्‍ह्यःने छन्‍त तःधंके। अले इमिसं जि मोशालिसें दुगु थें छलिसें नं दु धकाः सी।

यहोशू 3:7 ပူးပေါင်းရင်းမြစ်များ

१ इतिहास 29:25

परमप्रभुं सोलोमनयात इस्राएलीतय्‌सं खंक हे यक्‍व थकयादिल। परमप्रभुं सोलोमनयात व वैभव बियादिल गुगु व स्‍वयाः न्‍हापा इस्राएलय् राज्‍य याःपिं सुं जुजुयात ब्‍यूगु मदुनि।

२ इतिहास 1:1

दाऊद जुजुया काय् सोलोमनं इस्राएल राज्‍यया शासन बल्‍लाक थःगु ल्‍हातय् काल। परमप्रभु वया परमेश्‍वर वनापं दी, परमप्रभुं सोलोमनयात तसकं तःधंकादिल।

अय्‍यूब 7:17

मनू छु हे खः धकाः छिं वयात यक्‍वः महत्‍व बीत? मनू छु हे खः धकाः छिं वयागु वास्‍ता यायेत?

भजनसंग्रहया सफू 18:35

हे परमप्रभु! छिं जितः थःगु ढाल बियाः बचय् यानादीगु दु। छिगु जव ल्‍हातिं जितः तिबः बियाच्‍वंगु दु। छिगु ग्‍वाहालिं जितः तःधंकादीगु दु।

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

फिलिप्‍पी 1:20

अय्‌जूगुलिं जि छुकी नं लज्‍या चाये माली मखु धकाः जितः आशा व भरोसा दु। अले न्‍ह्याबलें थें जि आः नं ग्‍याये मखु, सीसां म्‍वाःसां जिगुपाखें ख्रीष्‍टयागु नां जक तःधना च्‍वंसां जितः गाः।

यहोशू 1:17

जिमिसं मोशायागु फुक्‍क खँ न्‍यनागु थें हे छिगु खँ नं न्‍यने। परमप्रभु छिकपिनि परमेश्‍वर मोशानापं दीगु थें छिनापं नं दीमा।

यहोशू 1:5

छ म्‍वानाच्‍वंतले छंगु विरोधय् सुं दनाच्‍वने फइ मखु। गथे जि मोशानापं च्‍वना, अथे हे जि छनापं च्‍वने। जिं छन्‍त गुबलें त्‍वःते मखु, गुबलें त्‍यागय् याये मखु।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 3:6

यहोशूं पुजाहारीतय्‌त थथे धाल, “बाचा चिनादीगु सनू क्‍वबियाः मनूतय् न्‍ह्यः न्‍ह्यः हुँ।” अथे जुयाः इपिं बाचा चिनादीगु सनू क्‍वबियाः मनूतय् न्‍ह्यः न्‍ह्यः वन।

यहोशू 3:8

बाचा चिनादीगु सनू क्‍वबिपिं पुजाहारीतय्‌त छं थथे धा, ‘छिपिं यर्दन खुसिया सिथय् थ्‍यनेवं लखय् वनाः दनाच्‍वँ।’”

यहोशू 4:14

उखुन्‍हु हे इस्राएलीतय्‌गु न्‍ह्यःने परमप्रभुं यहोशूयात तःधंकल। इमिसं वयात मोशायात थें हे वयागु जिवंकाछि हनाबना यात।