यहोशू 3:13 - नेवाः बाइबल

¹³ फुक्‍क पृथ्‍वीया प्रभु परमप्रभुयागु बाचा चिनादीगु सनू क्‍वबिपिं पुजाहारीतय्‌गु तुतिपालि यर्दनया लखय् लाइबलय् च्‍वय्‌निसें न्‍ह्यानावइगु यर्दनया लः दिनाः छथाय् द्वँ मुनी।”

यहोशू 3:13 ပူးပေါင်းရင်းမြစ်များ

१ इतिहास 29:11

हे परमप्रभु! महिमा, शक्ति, गौरव व वैभव छिगु हे खः, छाय्‌धाःसा आकाश व पृथ्‍वीइ छु छु दु व फुक्‍क छिगु हे खः। हे परमप्रभु! राज्‍य छिगु हे खः, अले छि फुक्‍कसिया शासक खः।

भजनसंग्रहया सफू 33:7

वय्‌कलं फुक्‍क समुद्रयात छथाय् मुंकादिल, अले ततःजाःगु समुद्रयात थःगु धुकुतिइ तयादिल।

भजनसंग्रहया सफू 74:15

छिं हे लःया मूल तछ्यानाः खुसि व झ्‍वाला हाय्‌कादिल। छिं ततःधंगु खुसित गंकादिल।

भजनसंग्रहया सफू 78:13

वय्‌कलं समुद्रयात निब्‍व थलादिल, अले इमित अनं हे समुद्र छिकेबियादिल। वय्‌कलं लःयात पःखाः थें थनादिल।

प्रस्‍थान 15:8

छिगु न्‍हाय्‌प्‍वाःयागु सासलं लः तःजाः जुयाः दनाबिल। लबु दनाच्‍वंगु लः नं पखाः जुयाः दनाबिल। तःजाःथाय् च्‍वंगु लः नं समुद्रया दुने धी चिनाबिल।

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

हबकूक 3:15

छिगु सलतय्‌सं समुद्रयात न्‍हुत्तुमत्तु न्‍हुल अले समुद्रया लः तसकं थुखे उखे सन।

जकरिया 4:14

अले वं जितः धाल, “थुपिं निम्‍हं दक्‍व पृथ्‍वीया प्रभुया सेवा यायेगु निंतिं अभिषेक जूपिं खः।”

यहोशू 3:11

स्‍व! फुक्‍क पृथ्‍वीया प्रभुयागु बाचा चिनादीगु सनू छिमिगु न्‍ह्यः न्‍ह्यः यर्दन खुसिइ वनी।

यहोशू 4:7

इमित थथे धा, ‘परमप्रभुया बाचा चिनादीगु सनू खुसि छ्यूबलय् उकिया न्‍ह्यःने यर्दनय् लः दीगु खः। थुपिं ल्‍वहंतय्‌सं इस्राएली मनूतय्‌त थन छु जूगु खः धयागु खँ न्‍ह्याबलेंया लागिं लुमंकाबी।’”