यहोशू 24:7 - नेवाः बाइबल

⁷ इमिसं परमप्रभुयात ग्‍वाहालि फ्‍वन अले वय्‌कलं इपिं व मिश्रीतय्‌गु दथुइ खिउँसे च्‍वंकादिल। वय्‌कलं समुद्रं इमित त्‍वपुयाबिल। जिं मिश्रीतय्‌त छु यानाः व छिमिसं थःगु हे मिखां खन। अनंलि छिपिं मरुभूमिइ यक्‍व दिं तक च्‍वन।

यहोशू 24:7 ပူးပေါင်းရင်းမြစ်များ

प्रस्‍थान 14:10

इस्राएलीतय्‌सं फारो व वया सेनायात थःपिंपाखे वयाच्‍वंगु खनाः ग्‍यानाः परमप्रभुयात ग्‍वाहालि फ्‍वन।

प्रस्‍थान 14:20

व सुपाँय् मिश्री सिपाइँ व इस्राएली सिपाइँतय् दथुइ दं वल। चच्‍छि सुपाँचं मिश्रीतय्‌पाखे खिउँका बिल, अले इस्राएलीतय्‌पाखे जः बिल। उकिं उखुन्‍हु चान्‍हय् मिश्रीत इस्राएलीतय् सतिक वये मफुत।

प्रस्‍थान 14:31

अले इस्राएलीतय्‌सं परमप्रभुं मिश्रीतय्‌गु विरोधय् क्‍यनादीगु तःधंगु शक्ति खनाः परमप्रभुयागु ग्‍याःभय काल। अले परमप्रभु व वय्‌कःया च्‍यः मोशायात पत्‍याः यात।

व्‍यवस्‍था 1:46

अथे जुयाः छिपिं कादेशय् यक्‍व दिं तक च्‍वनाच्‍वने माल।

व्‍यवस्‍था 2:14

कादेश-बर्ने त्‍वःता वयाः जेरेद खुसि छिनाबलय् तक झीत स्‍विच्‍यादँ बित। थ्‍व इलय् परमप्रभुं पाफयादीगु थें झीगु छाउनीं व पुस्‍तायापिं सकलें लडाइँ याइपिं मनूत नाश जुल।

व्‍यवस्‍था 29:2

मोशां सकलें इस्राएलीतय्‌त सःताः धाल, परमप्रभुं मिश्र देशय् फारोयात, वया सकलें हाकिमतय्‌त व वया फुक्‍क देशयात छिमिगु न्‍ह्यःने यानादीगु फुक्‍क ज्‍या छिमिसं खंगु दु।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

हिब्रू 3:17

सु नाप परमेश्‍वर पिइदँ तक तंम्‍वय्‌कादिल? पाप यानाः मरुभूमिइ सिनावंपिं नाप हे, मखु ला?

यहोशू 5:6

मिश्र त्‍वःतूबलय् लडाइँलय् वनेफुगु उमेर दुपिं फुक्‍क मनूतय्‌सं परमप्रभुया उजं मानय् मयाःगुलिं इपिं मसितले इस्राएलीत पिइदँ तक चाचाःहिला जुल। छाय्‌धाःसा दुरु व कस्‍ति बाः वयाच्‍वंगु देश झीत बी धकाः इमि पुर्खातलिसें पाफयाः बचं बियादीगु देश इमित खंकेबी मखु धकाः वय्‌कलं पाफयादीगु खः।