यहोशू 24:32 - नेवाः बाइबल

³² इस्राएलीतय्‌सं मिश्र देशं हःगु योसेफया अस्‍थि शकेमय् थुनाबिल। व जमिन याकूबं शकेमया बौ हमोरया काय्‌पिन्‍के सछि वहःयागु कुचा बियाः न्‍यानाकाःगु खः। थ्‍व जमिन योसेफया सन्‍तानया पुर्खाया सम्‍पत्तिकथं दत।

यहोशू 24:32 ပူးပေါင်းရင်းမြစ်များ

उत्‍पत्ति 33:19

वं व थाय् शकेमया बौ हमोरया काय्‌पिन्‍के सच्‍छिकू वहः बियाः न्‍यानाकाल।

उत्‍पत्ति 48:22

जिं छन्‍त छिमि दाजुकिजापिन्‍त स्‍वयाः अप्‍वः गुँइच्‍वंगु छकू बुँ बियागु दु। व बुँ जिं थःगु तरवार व धनुषया बलं एमोरीतय्‌पाखें त्‍याकाकयागु खः।”

उत्‍पत्ति 50:24

सी न्‍ह्यः योसेफं थः दाजुकिजापिन्‍त धाल, “जि आः यक्‍व म्‍वाइ मखुत। परमेश्‍वरं छिमिगु बिचाः यानादी। अले छिमित थनं अब्राहाम, इसहाक व याकूबयात बचं बियादीगु देशय् यंकादी।”

उत्‍पत्ति 50:25

अले योसेफं इमित पाफय्‌केबिल, “परमेश्‍वरं छिमित यंकादीगु देशय् जिगु अस्‍थि यंके धकाः जितः बचं ब्‍यु।”

प्रस्‍थान 13:19

मोशां थःलिसें योसेफया अस्‍थि नं यंकल। छाय्‌धाःसा योसेफं थः दाजुकिजापिन्‍त थथे धकाः पाःफय्‌का थकूगु खः, “परमेश्‍वरं छिमित त्‍वःतकादीबलय् छिमिसं जिगु अस्‍थि नं थनं यंकि।”

यूहन्‍ना 4:5

वय्‌कः याकूबं थःकाय् योसेफयात ब्‍यूगु जगायागु लिक्‍क लाःगु सामरियायागु सुखार धाःगु शहरय् थ्‍यंकः झाल।

प्रेरित 7:15

याकूब फुक्‍कसित ब्‍वनाः मिश्र देशय् च्‍वंवन। याकूब व झी तापाःबाज्‍यापिं नं अन हे सित।

प्रेरित 7:16

सीपिन्‍त शकेमय् यंकाः अब्राहामं हमोरपिन्‍के दां बियाः न्‍यानातःगु छकू जगय् थुनाबिल।”

हिब्रू 11:22

विश्‍वासं हे योसेफं सीत्‍यय्‌काः इस्राएलीतय्‌त परमेश्‍वरं मिश्र देशं लिगना यंकादी धकाः धया थकल। अले थःगु सीम्‍हयात कनान देशय् थुने यंकि धकाः नं धया थकल।