यहोशू 24:31 - नेवाः बाइबल

³¹ यहोशूयागु जिवंकाछि व यहोशू सी धुंकाः म्‍वाःपिं व परमप्रभुं इस्राएलया निंतिं यानादीगु फुक्‍क ज्‍याया बारे स्‍यूपिं थकालितय्‌गु जिवंकाछि नं इस्राएलीतय्‌सं परमप्रभुयागु सेवा यात।

यहोशू 24:31 ပူးပေါင်းရင်းမြစ်များ

उत्‍पत्ति 14:10

अन सिद्दीम ब्‍यासिइ थाय् थासय् अलकत्राया गाः दुगुलिं सदोम व गमोराया जुजुपिं बिस्‍युं वंबलय् इमि गुलिं मनूत अलकत्रा गालय् कुतुंवन, ल्‍यंदुपिं जक पहाडपाखे बिस्‍युं वन।

२ इतिहास 24:2

यहोयादा पुजाहारी म्‍वातले योआशं परमप्रभुया मिखाय् भिंगु ज्‍या यात।

२ इतिहास 34:33

अले योशियाहं इस्राएलीतय् फुक्‍क इलाकां फुक्‍क घच्‍चाइपुगु खँ चीकाछ्वल, अले इस्राएलय् च्‍वंपिं सकसितं परमप्रभु इमि परमेश्‍वरया सेवा याकेबिल। व म्‍वातले इपिं गुबलें नं परमप्रभु इमि पुर्खातय् परमेश्‍वरया ल्‍यू वनेगु त्‍वःमतू।

प्रेरित 20:29

जिं स्‍यू, जि वने धुंकाः थन मण्‍डलीयात स्‍यंकीपिं गुँखिचात वइ।

व्‍यवस्‍था 11:2

थौं छिमिसं लुमंकि, छिमि मस्‍तय्‌सं परमप्रभु छिमि परमेश्‍वरया अनुशासन, वय्‌कःया महिमा, बल्‍लाःगु ल्‍हाः व चक्‍कंगु लप्‍पू,

व्‍यवस्‍था 11:7

छिमिसं धाःसा थःगु हे मिखां परमप्रभुं यानादीगु थुपिं फुक्‍क तःधंगु ज्‍या खंगु दु।

व्‍यवस्‍था 31:13

यर्दनया उखे छिमिसं अधिकार यायेत वनेत्‍यंगु देशय् च्‍वंतले थ्‍व व्‍यवस्‍था मस्‍यूपिं छिमि काय् म्‍ह्याय्‌पिन्‍सं नं न्‍यनाः परमप्रभु छिमि परमेश्‍वरयागु भय कायेगु सय्‌केमाः।”

व्‍यवस्‍था 31:29

छाय्‌धाःसा जि सी धुंकाः छिपिं तसकं स्‍यनाः जिं हुँ धकाः धयागु लँपु त्‍वःती धकाः जिं स्‍यू। छिमिसं परमप्रभुया मिखाय् मभिंगु ज्‍या याःगुलिं व थःगु ल्‍हातं दय्‌कूगु द्यःतय्‌त पुजा यानाः वय्‌कःयात तंचाय्‌कूगुलिं लिपाया इलय् छिमिके विपत्ति वइ।”

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

न्‍यायकर्ता 2:10

यहोशूया पुस्‍तायापिं सकल मनूत सिनावन। लिपा परमप्रभुयात म्‍हमस्‍यूपिं वा वय्‌कलं इस्राएलया निंतिं यानादीगु ज्‍याया बारे मस्‍यूपिं मेगु पुस्‍ता वल।

न्‍यायकर्ता 2:6

यहोशूं इस्राएलीतय्‌त बिदा बीधुंकाः सकलें इस्राएलीत थथःगु भागय् लाःगु जमिन अधिकार याः वन।

न्‍यायकर्ता 2:7

मनूतय्‌सं यहोशू म्‍वातले परमप्रभुयागु सेवा याना हे च्‍वन। व सी धुंकाः नं इस्राएलया लागि परमप्रभुं यानादीगु ततःधंगु ज्‍या खंपिं थकालित म्‍वातले इमिसं परमप्रभुयागु सेवा याना हे च्‍वन।