यहोशू 24:25 - नेवाः बाइबल

²⁵ यहोशूं उखुन्‍हु हे शकेमय् मनूतलिसें बाचा चिन। उकी परमप्रभुं इमित बियादीगु विधि व नियम बांलाक मानय् यायेमाः धकाः लुमंकूगु दु।

यहोशू 24:25 ပူးပေါင်းရင်းမြစ်များ

उत्‍पत्ति 35:4

अले फुक्‍कसिनं याकूबयात थःपिन्‍के दुगु फुक्‍क मूर्ति व न्‍हाय्‌पनय् च्‍वंगु तिसा बिल। वं व फुक्‍क शकेमया नापसं च्‍वंगु स्‍वंसिमा क्‍वय् थुनाबिल।

२ राजा 11:17

अले यहोयादां परमप्रभु, जुजु, थः प्रजाया दथुइ जिपिं परमप्रभुया प्रजा जुया हे च्‍वने धकाः बाचा चीके बिल। जुजु व प्रजाया दथुइ नं वं छगू बाचा चिनाबिल।

२ इतिहास 15:12

अले इमिसं दुनुगलंनिसें व बलं फत्तले थः पुर्खातय् परमप्रभु परमेश्‍वरयात माले धकाः बाचा चित।

२ इतिहास 15:15

यहूदायापिं मनूत तसकं लय्‌ताः। छाय्‌धाःसा इमिसं दुनुगलंनिसें पाफःगु खः। इमिसं आय्‌बुयाः परमप्रभुयात माल अले वय्‌कःयात लुइकल। उकिं परमप्रभुं इमित प्‍यखें शान्‍ति बियादिल।

२ इतिहास 23:16

अले यहोयादां थः प्रजा व जुजुया दथुइ जिपिं परमप्रभुया प्रजा जुया हे च्‍वने धकाः छगू बाचा चित।

२ इतिहास 29:10

आः वय्‌कःया तं चीकाछ्वयेत जितः परमप्रभु झी परमेश्‍वरलिसें छगू बाचा चिने मास्‍ति वःगु दु।

नहेम्‍याह 9:38

“थुपिं फुक्‍क कारणं जिपिं इस्राएलीतय्‌सं च्‍वयाः थ्‍व बचं बी। अले जिमि नायः, लेवी व पुजाहारीतय्‌सं थुकी सही छाप तयाबी।”

प्रस्‍थान 15:25

अले मोशां परमप्रभुयात ग्‍वाहालिया निंतिं प्रार्थना यात। परमप्रभुं वयात सिँकुचा छकू क्‍यनादिल। वं उकियात लखय् वांछ्वल, अले लः सात। परमप्रभुं अन हे इमित छगू नियम बियाः स्‍यनेकने यानादिल। वय्‌कलं अन इमिगु विश्‍वास गुलि बल्‍लाः धकाः नं स्‍वयादिल।

प्रस्‍थान 24:3

अले मोशां मनूतय्‌थाय् वनाः परमप्रभुयागु फुक्‍कं वचन व नियम न्‍यंकल, अले इमिसं छसलं थथे धाल, “परमप्रभुं धयादीगु फुक्‍कं वचन व नियम जिमिसं मानय् याये।”

व्‍यवस्‍था 29:1

होरेबय् परमप्रभुं इस्राएलीतलिसे चिनादीगु बाचा बाहेक मोआबया ख्‍यलय् परमप्रभुं मोशायात बियादीगु बाचाया वचन थुपिं हे खः।

यहोशू 24:1

यहोशूं इस्राएलीतय् फुक्‍क कुलतय्‌त शकेमय् मुंकल। वं इस्राएलयापिं थकालित, कुलनायःत, न्‍याय याइपिं व इमि भारदारतय्‌त सःतल अले इपिं परमेश्‍वरया न्‍ह्यःने वल।

यहोशू 24:26

थुपिं फुक्‍क खँ यहोशूं परमेश्‍वरयागु व्‍यवस्‍थाया सफुलिइ च्‍वल। अले वं छगः तःग्‍वःगु ल्‍वहँ कयाः स्‍वसिमाक्‍वय् पवित्रथाय् सतिक थन।