यहोशू 24:23 - नेवाः बाइबल

²³ यहोशूं धाल, “अथे हे खःसा थःके दुगु मूर्तितय्‌त वांछ्वयाब्‍यु अले दुनुगलंनिसें परमप्रभु इस्राएलया परमेश्‍वरयात मानय् यायेगु बचं ब्‍यु।”

यहोशू 24:23 ပူးပေါင်းရင်းမြစ်များ

१ राजा 8:57

परमप्रभु झी परमेश्‍वर, झी पुर्खातनापं च्‍वनादीगु थें झीपिंलिसें नं च्‍वनादीमा। वय्‌कलं झीत त्‍वःतामदीमा।

१ राजा 8:58

वय्‌कलं झी पुर्खातय्‌त बियादीगु उजंत, विधित व आदेशत मानय् यायेत अले वय्‌कःया फुक्‍क लँपुइ जुइत वय्‌कलं झीगु नुगः थःपाखे फस्‍वय्‌कादीमा।

भजनसंग्रहया सफू 119:36

जिगु नुगःयात लोभपाखे मखु छिगु नियमपाखे हीकादिसँ।

भजनसंग्रहया सफू 141:4

दुष्‍ट मनूतनापं मभिंगु ज्‍या यायेत जिगु मन मभिंगु खँपाखे मवनेमा। अले जितः इमिगु साःगु नसा नये म्‍वालेमा।

भजनसंग्रहया सफू 81:10

मिश्र देशं छिमित लिगनाः हयाम्‍ह जि हे छिमि परमप्रभु परमेश्‍वर खः। छिमिसं थःपिनिगु म्‍हुतु चाय्‌कि, जिं जाय्‌काबी।

प्रस्‍थान 20:23

जि त्‍वःताः छुकिंयागु नं मूर्ति दय्‌के मते। थःगु निंतिं छिमिसं लुँ वहःया मूर्ति दय्‌के मते।

हितोपदेश 2:2

बुद्धियागु खँय्‌ ध्‍यान बिल धाःसा अले छंगु नुगः दुग्‍यांपाखे बिल धाःसा,

होशे 14:8

अय् एफ्राइमया मनूत, मूर्तितनापं जिगु छुं हे ज्‍या मदु। जिं छिमिगु प्रार्थनाया लिसः बी अले छिमिगु सुसाःकुसाः याये। जि न्‍ह्याबलें वाउँसे च्‍वनीगु सल्‍लाया सिमा थें खः। जि हे छिमिगु आशिषया मूल खः।”

यहोशू 24:14

“उकिं आः परमप्रभुयागु ग्‍याःचिकु कयाः वय्‌कःयात दुनुगलंनिसें सेवा या। छिमि पुर्खातय्‌सं यूफ्रेटिस खुसि पारि व मिश्र देशय् पुजायापिं द्यःतय्‌त वांछ्व अले परमप्रभुया जक सेवा या।