यहोशू 24:19 - नेवाः बाइबल

¹⁹ अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।

यहोशू 24:19 ပူးပေါင်းရင်းမြစ်များ

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

भजनसंग्रहया सफू 99:3

इमिसं छिगु तःधंगु व तःजिगु नांया प्रशंसा यायेमा! वय्‌कः पवित्र खः।

भजनसंग्रहया सफू 99:5

परमप्रभु झी परमेश्‍वरया प्रशंसा या वय्‌कःया सिंहासनया न्‍ह्यःने छ्यं क्‍वछुकि। वय्‌कः पवित्र खः।

भजनसंग्रहया सफू 99:9

परमप्रभु झी परमेश्‍वरया प्रशंसा या, अले वय्‌कःया पवित्र पहाडय् आराधना या! परमप्रभु झी परमेश्‍वर पवित्र खः।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

प्रस्‍थान 23:21

वयागु न्‍ह्यःने होश यानाच्‍वँ अले वं धाःगु खँ न्‍यँ। वयागु विरोधय् वने मते। छाय्‌धाःसा वयाके जिगु नां दुगुलिं वं छिमिगु अपराध क्षमा याइ मखु।

प्रस्‍थान 34:14

छिमिसं मेम्‍ह सुं द्यःयागु पुजा याये मते। परमप्रभुया नां ‘नुगः मुइकादीम्‍ह’ खः। थ्‍व खनाः वय्‌कलं नुगः मुइकादी।

प्रस्‍थान 34:7

वय्‌कः द्वलंद्वःयात माया यानादीम्‍ह, अधर्म, अपराध व पाप क्षमा यानादीम्‍ह खः। अय्‌सां वय्‌कलं द्वंयाःम्‍हय्‌सित सजाँय मब्‍यूसे त्‍वःतादी मखु। वय्‌कः पुर्खाया अधर्मया सजाँय इमि छय् व छुइया पालय् तकं नं बियादीम्‍ह खः।”

यशैया 2:9

उकिं यानाः फुक्‍कसिगु हेला व बेइज्‍जत जुइ। हे परमप्रभु, इपिं सुयात नं क्षमा यानादी मते।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 30:11

थ्‍व लँपु त्‍वःति! थ्‍व लँपुं लिहां वा! अले इस्राएलया पवित्र परमेश्‍वरनापं जिमिगु सामना यायेगु दिकी!”

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

यशैया 5:16

तर पाय्‌छिगु न्‍यायलं दक्‍व शक्ति दुम्‍ह परमप्रभुया नां च्‍वन्‍ह्याइ। पवित्र परमेश्‍वरं थःगु धार्मिकतापाखें थः हे पवित्र खः धकाः क्‍यनादी।

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 11:45

छाय्‌धाःसा जि छिमि परमेश्‍वर जुइत छिमित मिश्रंनिसें हयाम्‍ह परमप्रभु जि हे खः। उकिं छिपिं पवित्र जुइमाः, छाय्‌धाःसा जि पवित्र खः।

लेवी 19:2

“सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

लेवी 20:26

छिपिं जिगु निंतिं पवित्र जुइमाः, छाय्‌धाःसा जि परमप्रभु पवित्र खः। अले जिं छिमित थः मनूत यायेत मेगु जातितपाखें अलग तयागु खः।

लेवी 20:7

“‘अय्‌जूगुलिं छिपिं थुपिं फुक्‍कपाखें अलग च्‍वनाः पवित्र जुयाच्‍वँ! छाय्‌धाःसा जि परमप्रभु छिमि परमेश्‍वर खः।

नहूम 1:2

परमप्रभु नुगः मुइकादीम्‍ह व बदला कयादीम्‍ह परमेश्‍वर खः। परमप्रभु बदला कयादीम्‍ह व तम्‍वय्‌कादीम्‍ह खः। परमप्रभुं थः विरोधीतय्‌त बदला कयादी, शत्रुतय्‌गु निंतिं तःधंगु तं ल्‍यंकातयादी।

हबकूक 1:13

तसकं मभिंगु खँ स्‍वयेत छिगु मिखा शुद्ध जु, अले छिं मखुगु ज्‍या स्‍वयादी मफु, अय्‌नं आः ध्‍वं ल्‍हाइपिं मनूतय्‌त छिं छाय् स्‍वयाच्‍वनादियागु? थः स्‍वयाः धर्मी मनूतय्‌त दुष्‍टतय्‌सं नूना छ्वःसां छाय् छि सुम्‍क च्‍वनादियागु?

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।

यहोशू 24:18

परमप्रभुं झीगु न्‍ह्यःने फुक्‍क जातित, अले थ्‍व देशयापिं एमोरीतय्‌त नं लिनाछ्वल। उकिं जिमिसं नं परमप्रभुयागु सेवा याये छाय्‌धाःसा वय्‌कः हे जिमि परमेश्‍वर खः।”

यहोशू 24:23

यहोशूं धाल, “अथे हे खःसा थःके दुगु मूर्तितय्‌त वांछ्वयाब्‍यु अले दुनुगलंनिसें परमप्रभु इस्राएलया परमेश्‍वरयात मानय् यायेगु बचं ब्‍यु।”

रुथया सफू 1:15

नाओमीं वयात धाल, “स्‍व, छिमि क्‍यहेँ थः मनूतय्‌थाय् व थः द्यःतय्‌थाय् लिहां वन, छ नं वलिसें लिहां हुँ।”

१ शमूएल 3:14

अथे जुयाः जिं पाफयाः एलीया परिवारया बारे धयाच्‍वनागु दु, ‘एलीया परिवारं याःगु पापया प्रायश्‍चित न बलिं न अन्‍नबलिं छुकिं गुबलें नं जुइ मखु।’”

१ शमूएल 6:20

अले बेथ-शेमेशया मनूतय्‌सं धाल, “परमप्रभु, पवित्र परमेश्‍वरया न्‍ह्यःने सु दने फइ? थ्‍व सनू थनं सुयाथाय् छ्वयेगु?”