यहोशू 24:18 - नेवाः बाइबल

¹⁸ परमप्रभुं झीगु न्‍ह्यःने फुक्‍क जातित, अले थ्‍व देशयापिं एमोरीतय्‌त नं लिनाछ्वल। उकिं जिमिसं नं परमप्रभुयागु सेवा याये छाय्‌धाःसा वय्‌कः हे जिमि परमेश्‍वर खः।”

यहोशू 24:18 ပူးပေါင်းရင်းမြစ်များ

भजनसंग्रहया सफू 116:16

परमप्रभु, जि धात्‍थें छिकपिनि दास खः। जि छिगु हे छेँय् बूम्‍ह खः, जि छिकपिनि दास, छिं जितः चिनातःगु सिखलं त्‍वःतकादीगु दु।

प्रस्‍थान 10:2

अले जिं गथे यानाः मिश्रीतय्‌त हेस्‍यानाः इमिगु दथुइ गज्‍याः गज्‍याःगु अजू चायापुगु चिं क्‍यना, छं थः काय्‌पिन्‍त व छय्‌पिन्‍त कँ। अले छिमिसं जि हे परमप्रभु खः धकाः सी।”

प्रस्‍थान 15:2

परमप्रभु हे जिगु शक्ति खः। वय्‌कलं जितः बचय् यानादी, वय्‌कः जिमि परमेश्‍वर खः, जिं वय्‌कःयात प्रशंसा याये। जिमि पुर्खाया परमेश्‍वर जिं वय्‌कःया नां तःधंके।

प्रस्‍थान 23:31

“जिं छिमिगु सिमाना लाल समुद्रनिसें पलिश्‍तीतय्‌गु समुद्र तक, अले मरुभूमिंनिसें यूफ्रेटिस तक हे क्‍वःछिनाबी। जिं व देशयापिं मनूतय्‌त छिमिगु ल्‍हातय् बी, अले छिमिसं इमित लिनाछ्वइ।

मीका 4:2

अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

जकरिया 8:23

दक्‍व शक्ति दुम्‍ह परमप्रभुं थथे धयादी, “उबलय् मेमेगु जातियापिं व मेमेगु भाय् ल्‍हाइपिं झिम्‍ह मनू छम्‍ह यहूदी मिजंयाथाय् वयाः लंकू ज्‍वनाः थथे धाइ, ‘जिपिं नं छिलिसे वने, छाय्‌धाःसा छिलिसे परमेश्‍वर दु धकाः जिमिसं न्‍यनागु दु।’”

प्रेरित 7:45

लिपा झी तापाःबाज्‍यापिन्‍सं थ्‍व पाल थः सन्‍तानयात बिल। अनं लिपा परमेश्‍वरं थ्‍व देशय् च्‍वंपिं जात जातियापिं मनूतय्‌त पितिनाछ्वयादिल। अले यहोशूं थ्‍व देशयात त्‍याका काल। थ्‍व हे देशय् इमिसं पालयात नं हल। अबलय् निसें दाऊद जुजुया पालय् तकं व पाल अन हे च्‍वन।

व्‍यवस्‍था 10:21

वय्‌कः हे च्‍वछाये बहःम्‍ह छिमि परमेश्‍वर खः। वय्‌कलं छिमिगु निंतिं छिमिसं खंक हे तःधंगु व ग्‍यानपुसे च्‍वंगु अजू चाइपुगु ज्‍या यानादिल।

व्‍यवस्‍था 33:27

छिमिगु शरण कायेगु थाय् सदांयाम्‍ह परमेश्‍वर खः, छिमिगु क्‍वय् वय्‌कःया ल्‍हाः न्‍ह्याबलें दयाच्‍वनी। ‘इमित नाश या’ धाधां वय्‌कलं छिमिगु न्‍ह्यःनेनं छिमि शत्रुतय्‌त लिनाछ्वइ।

यहोशू 23:9

“परमप्रभुं छिमिगु न्‍ह्यःनें ततःधंगु व बल्‍लाःगु जातितय्‌त पित छ्वयादीगु दु। थौं तक सु नं छिमिगु न्‍ह्यःने दनाच्‍वने मफुत।

यहोशू 24:17

छाय्‌धाःसा परमप्रभु, झी परमेश्‍वरं झीत व झी पुर्खातय्‌त मिश्रं पित हयादीगु खः। झीपिं व देशय् दास जुयाः च्‍वनागु खः। झीसं वय्‌कलं यानादीगु अजू चाइपुगु ज्‍या खनागु दु। झीपिं थीथी जातितय्‌गु देश जुया वयाबलय् वय्‌कलं झीत बचय् यानादिल।

यहोशू 24:19

अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।