यहोशू 24:17 - नेवाः बाइबल

¹⁷ छाय्‌धाःसा परमप्रभु, झी परमेश्‍वरं झीत व झी पुर्खातय्‌त मिश्रं पित हयादीगु खः। झीपिं व देशय् दास जुयाः च्‍वनागु खः। झीसं वय्‌कलं यानादीगु अजू चाइपुगु ज्‍या खनागु दु। झीपिं थीथी जातितय्‌गु देश जुया वयाबलय् वय्‌कलं झीत बचय् यानादिल।

यहोशू 24:17 ပူးပေါင်းရင်းမြစ်များ

२ इतिहास 13:10

“जिमिगु निंतिं धाःसा परमप्रभु हे जिमि परमेश्‍वर खः। जिमिसं वय्‌कःयात त्‍वःतागु मदुनि। परमप्रभुया सेवा याइपिं पुजाहारीत हारूनया सन्‍तान खः अले लेवीतय्‌सं थःगु ज्‍या याना हे च्‍वंगु दु।

प्रस्‍थान 13:14

“छिमि काय्‌पिन्‍सं लिपा, ‘थुकियागु अर्थ छु खः?’ धकाः छिमित न्‍यनीबलय् इमित धा, ‘परमप्रभुं थःगु शक्तिं जाःगु ल्‍हातिं जिमित दास यानातःगु देश मिश्रं पित हयादिल।

प्रस्‍थान 13:3

अले मोशां मनूतय्‌त धाल, “छिमिसं परमप्रभुं थःगु शक्तिं जाःगु ल्‍हातं छिमित छिपिं दास जुयाच्‍वंगु मिश्र देशं पित हयादीगु थ्‍व दिंयात लुमंका ति। थ्‍वखुन्‍हु सोडा तयातःगु छुं नं नये मते।

प्रस्‍थान 19:4

‘जिं मिश्रीतय्‌त छु याना, अले छिमित गुकथं इमां थः मचायात पपुतिइ क्‍वबियाहः थें क्‍वबियाः थःथाय् हया धकाः ला छिमिसं थःपिन्‍सं हे खंगु दु।

यशैया 46:4

छिपिं बुरा जुयाः सं तुयुसे च्‍वनीबलय् तक छिमित सुसाःकुसाः याइम्‍ह जि व हे खः। जिं छिमित दय्‌कागु खः अथे जुयाः जिं छन्‍त क्‍वबी। जिं छिमित तिबः बी अले बचय् याये।

व्‍यवस्‍था 29:2

मोशां सकलें इस्राएलीतय्‌त सःताः धाल, परमप्रभुं मिश्र देशय् फारोयात, वया सकलें हाकिमतय्‌त व वया फुक्‍क देशयात छिमिगु न्‍ह्यःने यानादीगु फुक्‍क ज्‍या छिमिसं खंगु दु।

व्‍यवस्‍था 32:9

परमप्रभुया थःगु ब्‍व वय्‌कःया मनूत खः, याकूब वय्‌कःया सर्बयया ब्‍व खः।

व्‍यवस्‍था 7:19

छिमिसं अन हे थःगु मिखां ग्‍यानापुसे च्‍वंगु महामारी खनाः अले परमप्रभु छिमि परमेश्‍वरं अजू चाइपुगु चिं व ज्‍या यानाः थःगु बल्‍लाःगु ल्‍हाः व चकंगु लप्‍पूं छिमित पित हयादीगु दु। छिमित ख्‍याइपिं छिमि शत्रुतय्‌त नं परमप्रभु छिमि परमेश्‍वरं अथे हे यानादी।

यहोशू 24:16

अले मनूतय्‌सं धाल, “परमप्रभुयात त्‍वःताः जिमिसं गुबलें नं मेपिं द्यःतय्‌त पुजा याये मखु।

यहोशू 24:18

परमप्रभुं झीगु न्‍ह्यःने फुक्‍क जातित, अले थ्‍व देशयापिं एमोरीतय्‌त नं लिनाछ्वल। उकिं जिमिसं नं परमप्रभुयागु सेवा याये छाय्‌धाःसा वय्‌कः हे जिमि परमेश्‍वर खः।”