यहोशू 24:12 - नेवाः बाइबल

¹² एमोरीतय् निम्‍ह जुजुतय्‌त छिमिगु न्‍ह्यःनं लिनाछ्वयेत जिं छिमिगु न्‍ह्यःने न्‍ह्यःने आतंक छ्वयाबिया। व छिमिगु तरवार व धनुष जूगु मखु।

यहोशू 24:12 ပူးပေါင်းရင်းမြစ်များ

भजनसंग्रहया सफू 135:11

वय्‌कलं एमोरीतय् जुजु सीहोन, बाशानया जुजु ओग व कनानयापिं सकलें जुजुपिन्‍त स्‍यानादिल।

भजनसंग्रहया सफू 80:10

जिमिगु किचलं गुँत त्‍वपुल, जिमिगु कचां ततःमागु देवदारुया सिमात नं त्‍वपुल।

भजनसंग्रहया सफू 80:9

छिं जिमित ब्‍वलनेत छिंकादिल। जिमिगु हा बल्‍लात, अले देशन्‍यंक न्‍यनावना।

प्रस्‍थान 23:28

जिं छिमिगु न्‍ह्यःने आतंक छ्वयाबी। इमिसं हिव्‍वी, कनानी व हित्तीतय्‌त छिमिगु लँपुं याकनं हे लिनाछ्वइ।

प्रस्‍थान 23:31

“जिं छिमिगु सिमाना लाल समुद्रनिसें पलिश्‍तीतय्‌गु समुद्र तक, अले मरुभूमिंनिसें यूफ्रेटिस तक हे क्‍वःछिनाबी। जिं व देशयापिं मनूतय्‌त छिमिगु ल्‍हातय् बी, अले छिमिसं इमित लिनाछ्वइ।

गन्‍ती 21:31

थुकथं इस्राएली मनूत एमोरीतय्‌गु देशय् बाय् च्‍वन।

गन्‍ती 21:32

मोशां याजेरय् चिवा काइपिं मनूत छ्वये धुंकाः इस्राएलीतय्‌सं उकिया प्‍यखेरं च्‍वंगु गां त्‍याका काल। अले अन दुपिं एमोरीतय्‌त लिनाछ्वत।

व्‍यवस्‍था 31:4

एमोरीतय् जुजुत सीहोन व ओग अले इमिगु देशयात नाश यानादीगु थें परमप्रभुं इमित नं नाश यानादी।

व्‍यवस्‍था 4:46

यर्दनया पुर्बय् बेथ-पोर न्‍ह्यःनेया ब्‍यासिइ मोशा व इस्राएलीतय्‌सं मिश्रं पिहां वये धुंकाः स्‍यानाब्‍यूम्‍ह हेश्‍बोनय् च्‍वनीम्‍ह एमोरीतय् जुजु सीहोनयागु देशय् थुपिं विधि, आज्ञा व नियम ब्‍यूगु खः।

व्‍यवस्‍था 4:47

इमिसं वया देशयात त्‍याका काल अले बाशानया जुजु ओगया देशयात त्‍याका काल। थुपिं निम्‍ह एमोरी जुजुपिं यर्दनया पुर्बपाखे च्‍वनिपिं खः।

व्‍यवस्‍था 7:20

उलि जक मखु इपिं मध्‍ये बचय् जुयाः सुलाच्‍वंपिं नाश मजुतले परमप्रभु छिमि परमेश्‍वरं आतंक नं छ्वयादी।

यहोशू 2:10

छिकपिं मिश्र देशं पिहां झाःबलय् छिकपिनिगु न्‍ह्यःने परमेश्‍वरं लाल समुद्रया लः सुकादीगु अले यर्दन पुर्बयापिं एमोरीतय् निम्‍हं जुजु सीहोन व ओगयात छिकपिन्‍सं भज्‍यंक नाश यानादीगु नं जिमिसं न्‍यनागु दु।