यहोशू 24:1 - नेवाः बाइबल

¹ यहोशूं इस्राएलीतय् फुक्‍क कुलतय्‌त शकेमय् मुंकल। वं इस्राएलयापिं थकालित, कुलनायःत, न्‍याय याइपिं व इमि भारदारतय्‌त सःतल अले इपिं परमेश्‍वरया न्‍ह्यःने वल।

यहोशू 24:1 ပူးပေါင်းရင်းမြစ်များ

उत्‍पत्ति 12:6

अब्राम व देश जुयाः शकेमय् थ्‍यंकः वल। अन इपिं मोरे धाःगु थासय् सिमा क्‍वय् बाय् च्‍वन। अबलय् थ्‍व थाय् कनानीतय्‌गु खः।

उत्‍पत्ति 35:4

अले फुक्‍कसिनं याकूबयात थःपिन्‍के दुगु फुक्‍क मूर्ति व न्‍हाय्‌पनय् च्‍वंगु तिसा बिल। वं व फुक्‍क शकेमया नापसं च्‍वंगु स्‍वंसिमा क्‍वय् थुनाबिल।

१ राजा 12:1

रहबाम शकेमय् वन, छाय्‌धाःसा इस्राएलयापिं सकलें मनूत वयात जुजु दय्‌केत अन वंगु खः।

२ राजा 23:1

जुजुं यहूदा व यरूशलेमयापिं फुक्‍क थकालितय्‌त सःतके छ्वत।

प्रेरित 10:33

अले जिं उघ्रिमय् हे छिथाय् मनूत छ्वयाहया। छि झायादीगु तसकं हे बांलात। परमेश्‍वरया न्‍ह्यःने प्रभुं छितः धयादीगु खँ न्‍यनेत जिपिं थथे मुनाच्‍वनागु दु।”

व्‍यवस्‍था 29:9

अथे जुयाः थ्‍व बाचाया वचन बांलाक मानय् या अले छिमिसं न्‍ह्यागु याःसां छिमित बांलाइ।

यहोशू 20:7

थुकिया लागि इमिसं यर्दनया पच्‍छिमपाखे गालीलय् लाःगु नप्‍तालीया पहाडी देशय् केदेश, एफ्राइमया पहाडी देशय् शकेम व यहूदाया पहाडी देशय् किर्यत-अर्बा धाइगु हेब्रोन शहरयात अलग तल।

यहोशू 23:2

सकलें इस्राएलीतय्‌त, इमि थकालित, नायःत, न्‍याय याइपिं व भारदारतय्‌त सःताः धाल, “जि आः तसकं बुरा जुइ धुंकल।

न्‍यायकर्ता 20:26

सकलें इस्राएलीत बेथेलय् लिहां वन, अले ख्‍वयाः अन इपिं उखुन्‍हु सन्‍ध्‍याकाः ईतक परमप्रभुया न्‍ह्यःने अपसं च्‍वन। इमिसं परमप्रभुया न्‍ह्यःने होमबलि व मेलबलि छाल।

१ शमूएल 10:19

तर छिमिगु फुक्‍क दुःखकष्‍टपाखें बचय् यानादीम्‍ह थः परमेश्‍वरयात छिमिसं थौं हेला यात। छिमिसं थथे धाल, अथे मखु, जिमिगु निंतिं छम्‍ह जुजु ल्‍ययादिसँ। अथे जुयाः परमप्रभुया न्‍ह्यःने कुल कुल व वंश-वंश यानाः मुँ।”