यहोशू 23:7 - नेवाः बाइबल

⁷ छिमिगु दथुइ ल्‍यंदुपिं थुपिं जातितनापं स्‍वापु तये मते, इमि द्यःतय्‌गु नां काये मते, इमिगु नामय् पाफये मते। इमित पुजा याये मते अले इमित भागियाये मते।

यहोशू 23:7 ပူးပေါင်းရင်းမြစ်များ

२ राजा 17:12

इमिसं मूर्ति पुजा यानाच्‍वंगुलिं, परमप्रभुं धयादिल, “छिमिसं मूर्ति पुजा याये मते।”

२ राजा 5:18

तर थ्‍व छगू खँय् जक परमप्रभु छिकपिनि दासयात क्षमा यानादीमा, जिमि जुजु अरामया रिम्‍मोन द्यःया देगलय् पुजा यायेत जिगु ल्‍हाः ज्‍वनाः दुहां वनीबलय् वनापं देगलय् छ्यं क्‍वछुकेमाली, थुकिया लागि जितः परमप्रभुं क्षमा यानादीमा।”

२ इतिहास 7:19

तर छिमिसं फहिलाः जिं छिमित बियागु नियम व आज्ञा त्‍वःताः मेपिं द्यःत पुजायात धाःसा,

भजनसंग्रहया सफू 16:4

मेपिं द्यःतय्‌गु ल्‍यूल्‍यू ब्‍वाँय् जुइपिं मनूतय्‌सं थःगु दुःख थःम्‍हं अप्‍वय्‌काजुइ। जिं इमिगु बां बीगु ज्‍याय् ब्‍वति काये मखु अले जिं थःगु म्‍हुतुं इमिगु नां हे काये मखु।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

प्रस्‍थान 23:13

“जिं धयागु फुक्‍क खँ बांलाक न्‍यँ। मेपिं द्यःतय्‌गु पुजा याये मते। इमिगु नां तक नं काये मते।

प्रस्‍थान 23:33

छिमिगु देशय् इमित च्‍वनेबी मते, मखुसा छिमित जिगु विरोधय् पाप याकेबी। छिमिसं इमि द्यःतय्‌त पुजायात धाःसा छिपिं धात्‍थे हे इमिगु जालय् तक्‍यनी।”

हितोपदेश 4:14

दुष्‍टतय्‌गु लँय् वने मते, इमिसं याः थें याना जुइ मते।

यर्मिया 12:16

इमिसं न्‍हापा जि प्रजायात बालद्यःया नामं पाफयेगु स्‍यं थें ‘धात्‍थें परमप्रभु म्‍वाःम्‍ह खः’ धयाः जिगु नां कयाः पाफयाः जिगु प्रजाया पहःचहः धात्‍थें हे बांलाक सयेकाकाल धाःसा इमित जि प्रजाया दथुइ थाय् बी।

यर्मिया 5:7

“जिं छिमित छाय् क्षमा यायेगु? छिमि काय् म्‍ह्याय्‌पिन्‍सं जितः त्‍वःतूगु दु अले ईश्‍वर मखुपिनिगु नामय् पाफःगु दु। जिं इमित प्‍वाः जाय्‌क नका, अय्‌नं इमिसं व्‍यभिचार यात, वेश्‍यातय्‌गु छेँय् ग्‍वाः ग्‍वाः वन।

होशे 2:17

जिं वयात हाकनं गुबलें बालद्यःया नां काय्‌केबी मखु, अले इमिगु नां हाकनं गुबलें काइ मखु।

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

गन्‍ती 33:55

“‘अय्‌नं छिमिसं व देशयापिं मनूतय्‌त लिनामछ्वसे, छिमिसं अन च्‍वने ब्‍यूपिं मनूत छिमिगु मिखाय् च्‍वंगु कं व म्‍हय् कँथं कयेगु थें जुइ। छिपिं व देशय् न्‍ह्याथाय् च्‍वंसां इमिसं छिमित दुःख बी।

१ कोरिन्‍थी 15:33

मूर्ख जुइ मते, “मभिंपिं लिसे बुला जूसा भिंपिं नं स्‍यनावनी।”

एफिसी 5:11

खिउँथाय् जुयाच्‍वंपिनिगु ज्‍याखं तापाक हे च्‍वँ, बरु इमिसं यानाच्‍वंगु ज्‍या मभिं धकाः क्‍यनाब्‍यु।

व्‍यवस्‍था 10:20

थः परमप्रभु परमेश्‍वरया ग्‍याःभय का अले वय्‌कःया सेवा या। वय्‌कः नाप नापं जु, अले वय्‌कःया नामय् जक पाफयेगु या।

व्‍यवस्‍था 6:13

छिमिसं परमप्रभु छिमि परमेश्‍वरयागु ग्‍याःभय का, वय्‌कःयागु जक सेवा या अले वय्‌कःया हे नामय् पाफयेगु या।

व्‍यवस्‍था 6:14

छिमिसं थः जःखः च्‍वंपिं जातितय् द्यःतय्‌त पुजा याये मते।

यहोशू 23:12

“छिमिसं परमेश्‍वरयात त्‍वःतल धाःसा अले छिमिगु दथुइ ल्‍यंदुपिं जातितलिसें स्‍वापु तल धाःसा अले इपिंलिसें ब्‍याहा यात धाःसा

यहोशू 23:8

तर छिमिसं थौं तक याःथें परमप्रभु छिमि परमेश्‍वरनापं जुयाच्‍वँ।