यहोशू 23:3 - नेवाः बाइबल

³ छिमिगु निंतिं परमप्रभु छिमि परमेश्‍वरं थुपिं फुक्‍क जातितय्‌त छु छु यानादिल, व फुक्‍क खंगु दु। छिमिगु निंतिं लडाइँ यानादीम्‍ह छिमि परमप्रभु परमेश्‍वर खः।

यहोशू 23:3 ပူးပေါင်းရင်းမြစ်များ

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

प्रस्‍थान 19:4

‘जिं मिश्रीतय्‌त छु याना, अले छिमित गुकथं इमां थः मचायात पपुतिइ क्‍वबियाहः थें क्‍वबियाः थःथाय् हया धकाः ला छिमिसं थःपिन्‍सं हे खंगु दु।

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

मलाकी 1:5

छिमिसं थ्‍व थःगु हे मिखां खनी अले छिमिसं धाइ, ‘इस्राएल देश पिने नं परमप्रभु तःधंम्‍ह खः!’

व्‍यवस्‍था 1:30

छिमिगु न्‍ह्यःने झायादीम्‍ह, छिमि परमप्रभु परमेश्‍वर थः हे मिश्रय् छिमिगु मिखाया न्‍ह्यःने ल्‍वानादीगु थें हे छिमिगु पंलिनाः ल्‍वानादी।

व्‍यवस्‍था 20:4

छाय्‌धाःसा परमप्रभु छिमि परमेश्‍वर हे छिमि शत्रुतलिसें ल्‍वानाः छिमित त्‍याकेत छिपिंनाप नापं झायादी।”

व्‍यवस्‍था 4:9

तर बांलाक होश यानाच्‍वँ, छिमिसं मिखां खंगु खँ गुबलें ल्‍वममंकेत होश यानाच्‍वँ अले छिमिसं म्‍वानाच्‍वंतले थुपिं आज्ञा थःगु मनं चिला वंकेबी मते। अले थुपिं आज्ञा थः काय्‌म्‍ह्याय्‌पिं व छय्‌पिन्‍त बीगु पक्‍का या।

व्‍यवस्‍था 7:17

छिमिसं मनमनं थथे धायेफु, “थुपिं जाति झीपिं स्‍वयाः बल्‍ला अले झीसं गथे यानाः इमित पितिनाछ्वये फइ?”

व्‍यवस्‍था 7:24

अले वय्‌कलं इमि जुजुतय्‌त छिमिगु ल्‍हातय् बियादी, अले छिमिसं पृथ्‍वीं इमिगु नां हुयाछ्‌वइ। सुं छम्‍ह नं छिमिगु न्‍ह्यःने दनाच्‍वने फइ मखु। छिमिसं इमित नाश याइ।

यहोशू 10:14

परमप्रभुं छम्‍ह मनूया खँ न्‍यनादिल। उखुन्‍हु थें न्‍हापा व लिपा गुबलें मजू। धात्‍थें हे इस्राएलीतय्‌गु निंतिं परमप्रभुं ल्‍वानादिल।

यहोशू 10:42

थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

यहोशू 23:10

छिमि छम्‍हय्‌सिनं द्वःछिम्‍हय्‌सित लिनाछ्वये फइ, छाय्‌धाःसा परमप्रभुं थःगु बचंकथं छिमिगु निंतिं ल्‍वानादी।