यहोशू 23:10 - नेवाः बाइबल

¹⁰ छिमि छम्‍हय्‌सिनं द्वःछिम्‍हय्‌सित लिनाछ्वये फइ, छाय्‌धाःसा परमप्रभुं थःगु बचंकथं छिमिगु निंतिं ल्‍वानादी।

यहोशू 23:10 ပူးပေါင်းရင်းမြစ်များ

२ शमूएल 23:8

दाऊदया नांजाःपिं बहादुर सिपाइँतय्‌गु नां धलः थथे दु – दकलय् न्‍हापां तहकमोनीपाखें योशब-बश्‍शेबेत खः – थ्‍व स्‍वम्‍ह बहादुर सिपाइँत मध्‍ये छम्‍ह खः। वं च्‍यासः मनूतय्‌त छकलं हमला यानाः भालां उपिं फुक्‍कसित स्‍यानाबिल।

१ इतिहास 5:20

इमिसं ग्‍वाहालिया लागि परमेश्‍वरयात प्रार्थना यात। इमिसं परमेश्‍वरयाके भलसा तःगुलिं वय्‌कलं इमित ग्‍वाहालि बियादिल। परमेश्‍वरं हग्रीत व इपिंनापं मिलय् जूपिं सकसितं इमिगु ल्‍हातय् लाकादिल।

१ इतिहास 5:22

इमिसं यक्‍व शत्रुतय्‌त स्‍यात, छाय्‌धाःसा थ्‍व लडाइँलय् परमेश्‍वर हे इमिगु विरोधय् ल्‍वानादीगु खः।

भजनसंग्रहया सफू 35:1

हे परमप्रभु! जिगु विरोध याइपिनिगु विरोध यानादिसँ। जिलिसें ल्‍वाःवइपिंलिसे ल्‍वानादिसँ।

भजनसंग्रहया सफू 46:7

दक्‍व शक्ति दुम्‍ह परमप्रभु झीलिसे दी, याकूबया परमेश्‍वर झी शरण कायेगु थाय् खः।

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

यशैया 30:17

छम्‍हय्‌सिगु ख्‍याच्‍वलं द्वःछिम्‍ह बिस्‍युं वनेमाली, न्‍याम्‍हय्‌सिगु ख्‍याच्‍वलं छिपिं फुक्‍कं बिस्‍युं वनेमाली। पर्वतया च्‍वकाय् थनातःगु छगू झण्‍डाया थां थें व डाँडाया छगू चिंया झण्‍डा बाहेक छिमि सेनाया मेगु छुं नं ल्‍यं दइ मखु।”

लेवी 26:7

छिमिसं थःपिनि शत्रुतय्‌त लिनाः तरवारं स्‍याये फइ।

लेवी 26:8

छिमि न्‍याम्‍हय्‌सिनं सच्‍छिम्‍हय्‌सित व सच्‍छिम्‍हय्‌सिनं झिद्वः मनूतय्‌त बुके फइ। छिमि शत्रुत छिमिगु तरवारं सिनावनी।

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

रोमी 8:31

आः थ्‍व खँयात झीसं छु धायेगु? परमेश्‍वर झीनाप दीसा झीनाप ल्‍वाइपिं सु?

व्‍यवस्‍था 20:3

“हे इस्राएलीत न्‍यँ, छिपिं लडाइँलय् वनेत्‍यंगु दु। अथे जुयाः छिमिसं थःगु नुगः क्‍वतुंके मते, ग्‍याये मते, थुरथुर खाये मते अले इमिगु न्‍ह्यःने भ्‍वय्‌भ्‍वय् कने मते।

व्‍यवस्‍था 20:4

छाय्‌धाःसा परमप्रभु छिमि परमेश्‍वर हे छिमि शत्रुतलिसें ल्‍वानाः छिमित त्‍याकेत छिपिंनाप नापं झायादी।”

व्‍यवस्‍था 28:7

छिपिंलिसें ल्‍वाः वइपिं शत्रुतय्‌त परमप्रभुं छिमिगु न्‍ह्यःने हे बुकाबी। इपिं छपु लँपु जुयाः ल्‍वाः वइ अय्‌नं छिमिगु न्‍ह्यःनं न्‍हय्‌पु लँपु जुयाः बिस्‍युं वनी।

व्‍यवस्‍था 3:22

इपिं खनाः ग्‍याये मते, छाय्‌धाःसा परमप्रभु छिमि परमेश्‍वर छिमिगु निंतिं ल्‍वानादी।”

व्‍यवस्‍था 32:20

वय्‌कलं धयादिल, “जिं इमित त्‍वःताबी, अले स्‍व, इमित छु जुइ? थुपिं बेक्‍वःपिं मनूत खः, अले विश्‍वास याये बहःमजूपिं मस्‍त खः।

व्‍यवस्‍था 32:30

इमि बल्‍लाःम्‍ह रक्षकं इमित तापाक्‍क छ्वल, परमप्रभुं इमित त्‍वःतादिल, अथे जुयाः छम्‍ह शत्रुं द्वःछिम्‍हय्‌सित बुके फत, अले झिद्वःम्‍हय्‌सित निम्‍हय्‌सिनं बुके फत?

यहोशू 10:42

थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

यहोशू 23:11

अथे जुयाः परमप्रभु छिमि परमेश्‍वरयात माया यायेत बांलाक ध्‍यान ब्‍यु।

यहोशू 23:3

छिमिगु निंतिं परमप्रभु छिमि परमेश्‍वरं थुपिं फुक्‍क जातितय्‌त छु छु यानादिल, व फुक्‍क खंगु दु। छिमिगु निंतिं लडाइँ यानादीम्‍ह छिमि परमप्रभु परमेश्‍वर खः।

न्‍यायकर्ता 15:15

वं गधायागु न्‍हूगु छगू वाकुधी लुइकल, अले ल्‍हातं व कयाः उकिं द्वःछिम्‍ह मिजंतय्‌त स्‍यानाबिल।

न्‍यायकर्ता 3:31

एहूदया लिपा अनातया काय् शमगर वल। वं खुसः पलिश्‍तीतय्‌त सा ख्‍यायेगु कथिं स्‍यात। वं नं इस्राएलीतय्‌त बचय् यात।

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”